Prism-இலிருந்து Codex-க்கு மாறுவதற்கான வழிகாட்டி

Prism சேவை நிறுத்தப்படவுள்ளது. உங்களுக்குச் சொந்தமான திட்டங்களைப் பாதுகாத்து, அவற்றின் LaTeX மூலக்குறியீட்டைக் கொண்டு Codex-இல் தொடர்ந்து பணியாற்ற இந்த வழிகாட்டி உதவும். பணியில் இடையூறு ஏற்படாமல் இருக்க, Prism சேவை நிறுத்தப்படும் முன்பே இதைத் தொடங்குங்கள்.

எனது தரவுகளுக்கு என்ன ஆகும்?

சேவை நிறுத்தப்பட்ட பிறகு, Prism தொடர்பான அனைத்துத் தரவுகளும் நீக்கப்படும். Prism சேவை நிறுத்தப்படும் முன், உங்கள் திட்டங்களை ஏற்றுமதி செய்து காப்புப்பிரதியைச் சேமியுங்கள். தரவுகள் நீக்கப்பட்ட பிறகு அவற்றை மீட்டெடுக்க முடியாது. Prism-இல் உள்ள பல அம்சங்களை Codex ஆதரிக்கிறது. ஏற்றுமதி செய்யப்பட்ட திட்டத்தின் பல கோப்புகளிலும் பணியாற்றி, திட்டத்தைத் திருத்தவும் சிக்கல்களைத் தீர்க்கவும் தொகுத்து உருவாக்கவும் இது உதவும். ஆனால் Prism-இன் பகிரப்பட்ட நிகழ்நேரத் திருத்தியை இது வழங்காது. திட்ட வரலாறு, உரையிடைக் கருத்துகள், கூட்டுப்பணியாளர் அனுமதிகள், நேரடி Zotero இணைப்பு ஆகியவை திட்டக் கோப்புகளுடன் மாற்றப்படாது. பல கோப்புகளைக் கொண்ட பெரும்பாலான LaTeX திட்டங்களுக்கு உங்கள் கணினியில் TeX கருவித்தொகுப்பும் தேவை. Codex அணுகலும் பயன்பாட்டு வரம்புகளும் உங்கள் ChatGPT சந்தாத் திட்டம் மற்றும் வர்க்ஸ்பேஸ் கட்டுப்பாடுகளைப் பொறுத்தவை.

Prism சேவை நிறுத்தப்படும் முன்

• பயனர் அல்லது வர்க்ஸ்பேஸ் பட்டியலிலிருந்து, அமைப்புகள் → தரவுக் கட்டுப்பாடுகள் → அனைத்துத் திட்டங்களையும் ஏற்றுமதி செய் (zip) → zip பதிவிறக்கு என்பதைத் திறக்கவும். அல்லது, ஒவ்வொரு திட்டத்தின் தலைப்புப் பட்டியலிலும் உள்ள ஏற்றுமதி செய் (zip) என்பதைப் பயன்படுத்தித் தனித்தனியாக ஏற்றுமதி செய்யலாம்.

• பதிவிறக்கிய காப்பகக் கோப்பின் சுருக்கத்தை நீக்கவும்.

• விரும்பினால், முக்கியமான ஒவ்வொரு திட்டத்தையும் திறந்து, கடைசியாக வெற்றிகரமாக உருவாக்கப்பட்ட PDF முன்னோட்டம் ஏற்றப்பட்டுள்ளதா என்பதை உறுதிசெய்யவும். பின்னர் PDF பார்வையாளரில் PDF பதிவிறக்கு என்பதைத் தேர்ந்தெடுக்கவும். பின்னர் ஒப்பிட்டுப் பார்க்க அந்த PDF-ஐ வைத்துக்கொள்ளவும்.

• கோப்புறையை Codex-இல் இழுத்துவிட்டு, “இந்த PDF திட்டத்தை அமைத்துத் தொகுக்கவும்” என்ற ப்ராம்ப்ட்டை வழங்கவும்.

அனைத்துத் திட்டங்களும் அடங்கிய காப்பகத்தில், சில திட்டங்களுக்கு conversations கோப்புறை இருக்கலாம். பின்னர் பார்க்க அந்த JSON கோப்புகளை வைத்துக்கொள்ளவும்; அவை Prism உரையாடல்களை Codex-இல் தானாக மீண்டும் உருவாக்காது. உங்களுக்குச் சொந்தமில்லாத பகிரப்பட்ட திட்டத்திற்கு, திட்டப் பட்டியலிலிருந்து பெறும் ZIP கோப்பில் திட்டக் கோப்புகள் இருக்கும்; ஆனால் உங்கள் Prism உரையாடல் வரலாறு இருக்காது.

ஒரு திட்டத்தை Codex-க்கு மாற்றுதல்

1. திட்டத்தின் கோப்புறை அமைப்பை மாற்றாமல், அதன் கோப்புகளைத் தனிக் கோப்புறையில் பிரித்தெடுக்கவும்.

2. ChatGPT கணினிச் செயலியை நிறுவவும் அல்லது திறக்கவும். உள்நுழைந்து, Codex என்பதைத் தேர்ந்தெடுக்கவும். Codex விரைவுத் தொடக்க வழிகாட்டியைப் பார்க்கவும்.

3. புதிய திட்டத்தைச் சேர் என்பதைத் தேர்ந்தெடுக்கவும் அல்லது macOS-இல் Cmd+O விசைகளை அழுத்தவும். பின்னர் திட்டத்தின் மூலக் கோப்புறையைத் தேர்ந்தெடுக்கவும். திட்டங்களும் உரையாடல்களும் என்பதைப் பார்க்கவும்.

4. உங்கள் கணினியில் உள்ள கோப்புகளுடன் Codex பணியாற்ற, உள்ளூர் / இந்தக் கணினி என்ற முறையில் உரையாடலைத் தொடங்கவும். பயன்படுத்தத் தொடங்கும் காலத்தில், ஒப்புதல் கேள் என்ற அமைப்பை வைத்திருக்கவும். Codex பணிச்சூழல்கள் மற்றும் அனுமதிகள் ஆகியவற்றைப் பார்க்கவும்.

5. எதையும் மாற்றுவதற்கு முன் திட்டத்தை ஆய்வு செய்யுமாறு Codex-இடம் கேட்கவும்.
   
   _{இந்த LaTeX திட்டத்தை மாற்றாமல் ஆய்வு செய்யவும். மூல ஆவணம், தேவையான TeX இயந்திரம், ஏற்கெனவே உள்ள தொகுப்புக் கட்டளை, நூற்பட்டியல் பணிமுறை, படங்கள், தனிப்பயன் தொகுப்புகள், இல்லாத முன்தேவைகள் ஆகியவற்றைக் கண்டறியவும். பல கோப்புகளைக் கொண்ட அமைப்பைப் பாதுகாக்கவும். எதையும் இயக்குவதற்கு அல்லது திருத்துவதற்கு முன், கண்டறிந்தவற்றை எளிய மொழியில் தெரிவிக்கவும்.}

   ---

6. திட்டத்தின் latexm.rc கோப்பை இயக்குமாறு Codex-இடம் கேட்கவும். அது இல்லாவிட்டால், உங்கள் கணினியில் தேவையான குறைந்தபட்ச அமைப்பை முதலில் கண்டறியச் சொல்லவும்.
   
   _{திட்டத்தில் ஏற்கெனவே உள்ள தொகுப்புப் பணிமுறையைப் பயன்படுத்தி முதன்மை ஆவணத்தைத் தொகுக்கவும். அது தோல்வியடைந்தால், சரிசெய்யக்கூடிய முதல் பிழையை எளிய மொழியில் விளக்கி, மிகக் குறைந்த மாற்றத்துடன் அதைச் சரிசெய்யும் வழியைப் பரிந்துரைக்கவும். மென்பொருளை நிறுவுவதற்கு அல்லது கோப்புகளை மாற்றுவதற்கு முன் அனுமதி கேட்கவும். தொகுப்புப் பிழையை மறைப்பதற்காகக் கையெழுத்துப் பிரதியின் உள்ளடக்கத்தை மாற்றி எழுத வேண்டாம்.}

   ---

7. உருவாக்கப்பட்ட PDF-ஐ உரையாடலுக்கு அருகில் திறந்து, Prism-இலிருந்து கடைசியாகப் பெற்ற PDF உடன் ஒப்பிடவும். Codex-இல் உங்கள் கணினியில் உள்ள கோப்புகளை முன்னோட்டமிடலாம். ஆனால் அதில் உள்ள LaTeX தொகுப்பி, தனித்து இயங்கும் .tex கோப்புகளுக்கானது; பல கோப்புகளைக் கொண்ட முழுமையான Prism திட்டத்திற்கானது அல்ல.
   
   _{புதிய PDF-ஐ Prism-இலிருந்து கடைசியாகப் பெற்ற PDF உடன் ஒப்பிடவும். தலைப்பும் ஆசிரியர்களும், பிரிவுகளின் வரிசை, படங்கள், அட்டவணைகள், சமன்பாட்டு எண்கள், மேற்கோள்கள், நூற்பட்டியல், பக்க எண்ணிக்கை ஆகியவற்றைச் சரிபார்க்கவும். எந்த மூலக் கோப்பையும் திருத்துவதற்கு முன், ஒவ்வொரு வேறுபாட்டையும் தெரிவிக்கவும்.}

   ---

8. திட்டம் வெற்றிகரமாகத் தொகுக்கப்பட்டு, அதன் வெளியீடு நீங்கள் எதிர்பார்த்தபடி இருந்தால் மட்டுமே மீண்டும் திருத்தத் தொடங்கவும். காப்புப்பிரதிகளை வைத்துக்கொண்டு, வரலாற்றைப் பராமரிப்பதற்கும் கூட்டுப்பணிக்கும் புதிய பணிமுறையைத் தேர்ந்தெடுக்கவும்.

ஏற்றுமதிக்குப் பிறகு என்ன மாறும்

தொடங்குவதற்கு உதவும் ப்ராம்ப்ட்

இந்தத் திட்டத்தை எப்படித் தொகுப்பது என்பதை விளக்கும் சுருக்கமான README கோப்பை உருவாக்கவும். அதில் முதன்மைக் கோப்பு, TeX இயந்திரம், நூற்பட்டியல் கருவி, தேவையான தொகுப்புகள், சரிபார்ப்புப் படிகள் ஆகியவற்றைக் குறிப்பிடவும். சேமிப்பதற்கு முன் வரைவை எனக்குக் காட்டவும்.

கூட்டுப்பணியும் காப்புப்பிரதிகளும்

நீங்கள் தேர்ந்தெடுக்கும் கோப்புறையில் உள்ள கோப்புகளை Codex திருத்தும். முதன்முதலாகத் திருத்துவதற்கு முன், ஏற்றுமதி செய்த கோப்புகளை மாற்றாமல் வைத்துக்கொண்டு, பணியாற்றுவதற்கென ஒரு நகலை உருவாக்கவும். எளிய பணிமுறைக்கு, முக்கிய கட்டங்களில் உருவான நகல்களைத் தேதியிட்டுச் சேமிக்கவும் அல்லது கோப்பு வரலாற்றைப் பராமரிக்கும், உங்கள் நிறுவனத்தால் அங்கீகரிக்கப்பட்ட காப்புப்பிரதி அமைப்பைப் பயன்படுத்தவும். பதிப்புக் கட்டுப்பாட்டைப் பயன்படுத்திப் பழகிய குழுக்களுக்கு, Git இன்னும் துல்லியமான வரலாற்றை வழங்கும்; ஆனால் அதைப் பயன்படுத்துவது கட்டாயமல்ல. கணினியில் உள்ள Codex திட்டங்கள் Prism போன்ற நிகழ்நேரத் திருத்த வசதியை வழங்காததால், கோப்புகளை எவ்வாறு பரிமாறிக்கொள்வது என்பதை கூட்டுப்பணியாளர்கள் ஒப்புக்கொள்ள வேண்டும். அவர்கள் தேர்ந்தெடுத்த கூட்டுப்பணிக் கருவி பாதுகாப்பாக ஆதரித்தால் மட்டுமே ஒரே நகலை ஒரே நேரத்தில் திருத்த வேண்டும்.

சிக்கல் ஏற்பட்டால்

• ஏற்றுமதி தோல்வியடைந்தால்: export-errors.json கோப்பைப் பார்த்து, திட்டப் பட்டியலில் உள்ள ஏற்றுமதி செய் (zip) செயலைப் பயன்படுத்தி மீண்டும் முயற்சிக்கவும். இன்னும் ஏதேனும் திட்டம் விடுபட்டிருந்தால் அல்லது உதவி தேவைப்பட்டால், support@openai.com முகவரிக்கு மின்னஞ்சல் அனுப்பவும்.

• திட்டத்தைத் தொகுக்க முடியவில்லை என்றால்: சரிசெய்யக்கூடிய முதல் பிழை என்ன, தேவையான இயந்திரம் அல்லது தொகுப்பு எது என்று Codex-இடம் கேட்கவும். அங்கீகரிக்கப்பட்ட மூலத்திலிருந்து பெறும் மென்பொருளை நிறுவுவதற்கு மட்டுமே ஒப்புதல் அளிக்கவும்.

• Codex-ஆல் கோப்புறையைத் திறக்க முடியவில்லை என்றால்: Codex சிக்கல் தீர்க்கும் வழிகாட்டியைப் படிக்கவும். தேர்ந்தெடுத்த கோப்புறையை அணுகுவதற்கு இயக்க முறைமை அனுமதி கேட்டால், அதை வழங்கவும்.