உங்கள் கோரிக்கையைச் சமர்ப்பிக்கவும்

உங்கள் நிறுவனம் விற்பனை வரி விலக்குக்குத் தகுதியுடையதாக இருந்தால், கீழே உள்ள படிகளைப் பின்பற்றி உங்கள் ஆவணங்களைப் பரிசீலனைக்குச் சமர்ப்பிக்கலாம்:

1. OpenAI-ஐ விற்பனையாளராகச் சேர்க்கவும் (தேவைப்படும் பட்சத்தில்)

உங்கள் வரி விலக்குச் சான்றில் விற்பனையாளர் விவரங்களைக் குறிப்பிட வேண்டியிருந்தால், OpenAI-ஐ விற்பனையாளராகக் குறிப்பிடவும்:

OpenAI OpCo, LLC

1455 3வது தெரு

சான் பிரான்சிஸ்கோ, கலிஃபோர்னியா 94158

அமெரிக்கா

2. உங்கள் வரிவிலக்குச் சான்றைச் சமர்ப்பிக்கவும்

இந்தப் பக்கத்தில் உள்ள அரட்டைச் சின்னத்தைத் திறந்து, உங்கள் வரிவிலக்குச் சான்றின் நகலை இணைக்கவும். உங்கள் கணக்கை நாங்கள் விரைவாகக் கண்டறிய உதவ, பின்வருவனவற்றில் குறைந்தபட்சம் ஒன்றையும் சேர்க்கவும்: உங்கள் நிறுவன ID, விலைப்பட்டியல் எண் அல்லது உங்கள் OpenAI கணக்குடன் தொடர்புடைய மின்னஞ்சல் முகவரி. குறிப்பு: பரிசீலனை சுமுகமாக நடைபெற, கீழே உள்ள உதவிக்குறிப்புகளைப் பார்க்கவும்.

மேலும், வரிவிலக்கை OpenAI API நிறுவனத்திற்குப் பயன்படுத்த வேண்டுமா அல்லது ChatGPT சந்தாவிற்குப் பயன்படுத்த வேண்டுமா என்பதைக் குறிப்பிடவும். ஏற்கெனவே உள்ள, கட்டண அமைப்பை நிறைவுசெய்த கணக்குகளுக்கு மட்டுமே வரிவிலக்குக் கோரிக்கைகளைச் செயலாக்க முடியும்.

3. நீங்கள் சமர்ப்பித்த ஆவணங்கள் பரிசீலிக்கப்படும்

உங்கள் ஆவணங்கள் கிடைத்ததும் அவற்றைப் பரிசீலிப்போம். அங்கீகரிக்கப்பட்டால், இனி வரும் விலைப்பட்டியல்களுக்கு வரிவிலக்கைப் பயன்படுத்துவோம். அங்கீகரிக்கப்பட்ட வரிவிலக்குகள் எதிர்கால விலைப்பட்டியல்களுக்கு மட்டுமே பொருந்தும்; முந்தைய கட்டணங்களுக்குத் தானாகப் பொருந்தாது. உங்களிடம் ஏற்கெனவே வரி வசூலிக்கப்பட்டு, அந்த விலைப்பட்டியல்களை நாங்கள் பரிசீலிக்க விரும்பினால், குறிப்பிட்ட விலைப்பட்டியல் எண்கள், அவற்றுடன் தொடர்புடைய நிறுவன ID அல்லது ChatGPT கணக்கின் மின்னஞ்சல் முகவரி மற்றும் தொகைகளை உங்கள் ஆதரவுக் கோரிக்கையில் சேர்க்கவும். மேலும், உங்களுக்கு (1) பணத்தைத் திரும்பப் பெறுவது மட்டும் வேண்டுமா அல்லது (2) பணத்தைத் திரும்பப் பெறுவதுடன், வரியின்றி மீண்டும் வழங்கப்பட்ட விலைப்பட்டியலும் வேண்டுமா என்பதைத் தெளிவாகக் குறிப்பிடவும். வரவு அல்லது பணத்தைத் திரும்பப் பெறுவதற்கான தகுதி ஒவ்வொரு கோரிக்கைக்கும் தனித்தனியாகப் பரிசீலிக்கப்படும். சட்ட அதிகார வரம்பு மற்றும் காலக்கெடுவைப் பொறுத்து இதற்குக் கட்டுப்பாடுகள் இருக்கலாம். பொருந்தும் சூழல்களில், அங்கீகரிக்கப்பட்ட வரவு அல்லது திருப்பியளிக்கப்படும் தொகை, முதலில் பணம் செலுத்திய அதே முறையில் திருப்பிச் செலுத்தப்படும். உங்கள் கணக்கில் வரிவிலக்கு செயல்படுத்தப்பட்டதும், உங்களுக்கு உறுதிப்படுத்தல் மின்னஞ்சல் அனுப்பப்படும்.

பரிசீலனை சுமுகமாக நடைபெற உதவிக்குறிப்புகள்

உங்கள் வரி விலக்குக் கோரிக்கையைச் செயலாக்குவதில் தாமதங்களைத் தவிர்க்க, பின்வருவனவற்றை உறுதிசெய்யவும்:

1. சான்றிதழில் உள்ள நிறுவனப் பெயர், உங்கள் OpenAI கணக்கில் உள்ள சட்டப்பூர்வ நிறுவனப் பெயருடன் அச்சு அசலாகப் பொருந்த வேண்டும் (பொருந்துமிடங்களில், தாய் நிறுவனம் பற்றிய குறிப்புகள் உட்பட).

2. வரி விலக்குச் சான்றிதழ், உங்கள் OpenAI கணக்கில் உள்ள வணிக முகவரிக்குரிய மாநிலம் மற்றும் முகவரிக்கானதாக இருக்க வேண்டும்.

3. வரி விலக்குப் படிவத்தில் கட்டாயமாக நிரப்ப வேண்டிய அனைத்துப் புலங்களும் தேர்வுப்பெட்டிகளும் துல்லியமாகவும் தெளிவாகப் படிக்கக்கூடிய வகையிலும் நிரப்பப்பட்டிருக்க வேண்டும்.

4. தேவைப்படும் பட்சத்தில், சான்றிதழில் கையொப்பமும் தேதியும் இடப்பட்டிருக்க வேண்டும்.

5. மறுவிற்பனையாளர்களுக்கான வரி விலக்குகளுக்கு, OpenAI தயாரிப்புகள் அல்லது சேவைகளை நீங்கள் எவ்வாறு மறுவிற்பனை செய்கிறீர்கள் என்பதற்கான சுருக்கமான விளக்கத்தைச் சேர்க்கவும்.

உங்கள் வரிவிலக்குக் கோரிக்கையைத் திருத்தி மீண்டும் சமர்ப்பிக்கவும்

உங்கள் ஆவணங்களை ஆதரவுக் குழுவால் அங்கீகரிக்க முடியவில்லை என்றால், பதிலில் குறிப்பிடப்பட்டுள்ள காரணத்தைப் பார்க்கவும்:

• முழுமையாக நிரப்பப்படாத படிவம்:

  தேவையான அனைத்துப் புலங்களையும் நிரப்பி, தேர்வுப்பெட்டிகளைத் தேர்ந்தெடுத்து, சான்றிதழில் தேவையான இடங்களில் கையொப்பமிட்டுத் தேதியைக் குறிப்பிடவும்.

• பெயர் அல்லது முகவரி பொருந்தவில்லை:

  உங்கள் கணக்கிலும் சான்றிதழிலும் உள்ள தகவல்கள் பொருந்துமாறு, தேவையான திருத்தங்களைச் செய்யவும்.

• தவறான ஆவணங்கள்:

  பொருத்தமான படிவத்தைக் கண்டறிய, உங்கள் வணிக முகவரி அமைந்துள்ள மாநிலத்தின் வரித் துறை இணையதளத்தைப் பார்க்கவும் அல்லது வரி ஆலோசகரை அணுகவும்.

ஆதரவுக் குழுவுடனான உங்கள் தற்போதைய உரையாடலில் திருத்தப்பட்ட ஆவணங்களை இணைத்துப் பதிலளிக்கவும் அல்லது அவற்றை மீண்டும் சமர்ப்பிக்க ஆதரவுக் குழுவைத் தொடர்புகொள்ளவும். உங்கள் கணக்கின் மின்னஞ்சல் முகவரி, நிறுவன ID அல்லது விலைப்பட்டியல் எண்ணைச் சேர்க்கவும்.