டெர்ம்ஸ் ஆஃப் யூஸ் மற்றும் பிரைவசி பாலிசியில் என்ன மாற்றம் செய்யப்பட்டது?

புதுப்பிக்கப்பட்ட எங்கள் டெர்ம்ஸ் ஆஃப் யூஸ் மற்றும் பிரைவசி பாலிசி ஆகியவற்றை நீங்கள் படிக்க வேண்டும்; இருப்பினும், சில முக்கிய மாற்றங்களின் சுருக்கமான மேலோட்டம் கீழே உள்ளது. இந்த மாற்றங்கள் ஜனவரி 31, 2024 அன்று அமலுக்கு வரும்.

டெர்ம்ஸ் ஆஃப் யூஸ்

• தனி வணிக விதிமுறைகள். வணிகங்கள் மற்றும் டெவலப்பர்கள் எங்கள் சேவைகளைப் பயன்படுத்துவது தொடர்பான பகுதிகளை, குறிப்பாக ChatGPT Enterprise மற்றும் எங்கள் APIகளைப் பற்றியவற்றை, டெர்ம்ஸ் ஆஃப் யூஸிலிருந்து நீக்கியுள்ளோம். அந்த சேவைகளுக்கு பொருந்தும் புதிய வணிக விதிமுறைகள் தொகுப்பை உருவாக்கியுள்ளோம்.

• புதுப்பிக்கப்பட்ட நடுவர் தீர்ப்பு நடைமுறைகள். நடுவர் தீர்ப்புக்குட்படும் தகராறுகளைத் தீர்க்க நாங்கள் பின்பற்றும் சில நடைமுறைகளைப் புதுப்பித்துள்ளோம்.

• மேம்படுத்தப்பட்ட வாசிப்புத்தன்மை. எங்கள் டெர்ம்ஸ் ஆஃப் யூஸின் சில பகுதிகளை எளிமையாகவும் புரிந்துகொள்ளச் சுலபமாகவும் மாற்ற, அவற்றை மறுசீரமைத்து தெளிவுபடுத்தியுள்ளோம் (ஆம், ChatGPT-ன் சிறிய உதவியுடன்).

பிரைவசி பாலிசி

• நாங்கள் சேகரிக்கும் தனிப்பட்ட தரவு. நாங்கள் சேகரிக்கும் தகவல் குறித்து கூடுதல் விவரங்களையும் எடுத்துக்காட்டுகளையும் வழங்கியுள்ளோம்; உதாரணமாக, நீங்கள் OpenAI நிகழ்வுகள் அல்லது கருத்துக்கணிப்புகளில் பங்கேற்கும்போது பெறப்படும் தகவல்.

• வணிகக் கணக்குகள். ChatGPT Enterprise மற்றும் குழு கணக்குகளின் நிர்வாகிகள், தங்கள் நிறுவனத்துடன் தொடர்புடைய கணக்குகளை எவ்வாறு அணுகி கட்டுப்படுத்தலாம் என்பது குறித்த தகவலை வழங்கியுள்ளோம்.

டெர்ம்ஸ் ஆஃப் யூஸ் எந்தச் சேவைகளுக்கு பொருந்தும்?

தனிநபர்கள் பயன்படுத்துவதற்காக உள்ள ChatGPT, DALL·E மற்றும் OpenAI-ன் பிற சேவைகளை நீங்கள் பயன்படுத்துவதற்கு டெர்ம்ஸ் ஆஃப் யூஸ் பொருந்தும். ChatGPT Enterprise மற்றும் OpenAI API போன்ற, வணிகங்கள் பயன்படுத்துவதற்காக உள்ள சேவைகளுக்கு வணிக விதிமுறைகள் பொருந்தும்.

ChatGPT Enterprise மற்றும் OpenAI APIக்காக தனி வணிக விதிமுறைகளை ஏன் உருவாக்கினோம்?

தரவு செயலாக்கத் தேவைகள், குழு மேலாண்மை போன்ற விஷயங்களில், வணிக மற்றும் நிறுவனப் பயனர்களின் தேவைகளும் கவலைகளும் பெரும்பாலும் தனிநபர் பயனர்களுடையவற்றிலிருந்து வேறுபடுகின்றன. அந்த குறிப்பிட்ட அம்சங்களை விரிவாக கையாளும் வகையில் தனியான வணிக விதிமுறைகள் வடிவமைக்கப்பட்டுள்ளன. இதனால், நீங்கள் பொதுவான விதிமுறைகளைத் தேடும் தனிநபராக இருந்தாலும், API பயன்பாடு அல்லது நிறுவனச் சேவைகள் குறித்த குறிப்பிட்ட விவரங்களைத் தேடும் வணிகமாக இருந்தாலும், உங்களுக்கு மிகவும் பொருத்தமான தகவலை எளிதாகக் கண்டுபிடிக்கலாம்.

நடுவர் தீர்ப்பு நடைமுறைகள் எவ்வாறு மாறின?

தகராறுகள் எவ்வாறு நடுவர் தீர்ப்புக்கு உட்படுத்தப்படும் என்பதை நாங்கள் திருத்தி தெளிவுபடுத்தினோம். எடுத்துக்காட்டாக, எங்கள் மாற்று தகராறு தீர்வு சேவையை ADR Services இலிருந்து National Arbitration and Mediation ஆக மாற்றினோம்; மேலும், தொகுதி நடுவர் தீர்ப்புகளை National Arbitration and Mediation எவ்வாறு கையாளும் என்பதை பிரதிபலிக்கும் வகையில் நடைமுறைகளைப் புதுப்பித்தோம்.

இந்த மாற்றங்கள் எப்போது அமலுக்கு வரும்?

புதுப்பிக்கப்பட்ட டெர்ம்ஸ் ஆஃப் யூஸ் மற்றும் பிரைவசி பாலிசி ஜனவரி 31, 2024 அன்று அமலுக்கு வரும்.

இந்தப் புதிய கொள்கைகளை ஏற்க விரும்பவில்லை என்றால் என்ன செய்வது?

ஜனவரி 31, 2024க்குப் பிறகும் எங்கள் சேவைகளை தொடர்ந்து பயன்படுத்துவதன் மூலம், புதுப்பிக்கப்பட்ட டெர்ம்ஸ் ஆஃப் யூஸ் மற்றும் பிரைவசி பாலிசி ஆகியவற்றை நீங்கள் ஏற்கிறீர்கள். புதுப்பிப்புகளை நீங்கள் ஏற்கவில்லை என்றால், உங்கள் கணக்கை நீக்கலாம்.