புதிய கோப்பு பதிவேற்ற திறன் எவ்வாறு செயல்படுகிறது?

கோப்புகளைப் பதிவேற்றும் வசதி பின்வரும் பணிகளுக்காக உருவாக்கப்பட்டது:

1. ஒருங்கிணைப்பு: புதிதாக ஒன்றை உருவாக்க, கோப்புகள் மற்றும் ஆவணங்களில் உள்ள தகவல்களை ஒருங்கிணைத்தல் அல்லது பகுப்பாய்வு செய்தல். எடுத்துக்காட்டாக:

   1. பண்புசார் மற்றும் அளவுசார் தகவல்கள் கலந்த CSV போன்ற விரிதாளைப் பதிவேற்றி, தரவைப் புரிந்துகொள்ளவும் காட்சிப்படுத்தவும் உதவுமாறு ChatGPT-யிடம் கேளுங்கள்.

   2. இரண்டு ஆவணங்களின் ஒற்றுமைகளையும் வேறுபாடுகளையும் ஒப்பிடுங்கள்.

   3. ஓர் ஆவணத்தில் வெளிப்படும் உணர்வையோ தொனியையோ பகுப்பாய்வு செய்யுங்கள்.

   4. ஒரு விரிதாளைப் பகுப்பாய்வு செய்யுங்கள்.

   5. ஓர் ஆவணத்தில் உள்ள கட்டமைப்பு அல்லது மதிப்பீட்டு வழிகாட்டியை மற்றோர் ஆவணத்தின் உள்ளடக்கத்திற்குப் பயன்படுத்துங்கள்.

2. உருமாற்றம்: ஆவணங்களில் உள்ள தகவலின் சாரத்தை மாற்றாமல் அதை வேறொரு வடிவத்தில் அமைத்தல். எடுத்துக்காட்டாக:

   1. சிக்கலான ஆய்வுக் கட்டுரையைப் பதிவேற்றி, அதன் எளிய சுருக்கத்தை வழங்குமாறு ChatGPT-யிடம் கேளுங்கள்.

   2. ஒரு PowerPoint விளக்கக்காட்சியைப் பதிவேற்றி, அதன் உள்ளடக்கம் குறித்த கருத்தை ChatGPT-யிடம் கேளுங்கள்.

   3. ஓர் ஆவணத்தை எளிய சொற்களில் சுருக்குங்கள்.

   4. ஒரு சிறிய ஆவணத்தைக் குறிப்பிட்ட பாணியில் மீண்டும் எழுதுங்கள்.

   5. ஒரு விளக்கக்காட்சியை ஆவணமாக மாற்றுங்கள்.

3. பிரித்தெடுத்தல்: ஓர் ஆவணத்திலிருந்து குறிப்பிட்ட தகவல்களைப் பிரித்தெடுத்தல். எடுத்துக்காட்டாக:

   1. ஒரு PDF கோப்பைப் பதிவேற்றி, குறிப்பிட்ட தலைப்பைப் பற்றிய மேற்கோள்கள் ஏதேனும் உள்ளனவா எனக் கண்டறியுமாறு ChatGPT-யிடம் கேளுங்கள்.

   2. ஓர் ஆவணத்திலிருந்து தொடர்புடைய மேற்கோள்களைப் பிரித்தெடுங்கள்.

   3. ஓர் ஆவணம் அல்லது விரிதாளில் குறிப்பிட்ட தலைப்பைப் பற்றிய குறிப்புகள் ஏதேனும் உள்ளனவா எனத் தேடுங்கள்.

   4. ஓர் ஆவணத்திலிருந்து மீத்தரவைப் (ஆசிரியர், உருவாக்கிய தேதி போன்றவை) பிரித்தெடுங்கள்.

   5. ஒரு விரிதாளில் குறிப்பிட்ட பண்பைக் கொண்ட வரிசைகளின் எண்ணிக்கையைக் கணக்கிடுங்கள்.

   6. ஓர் ஆவணத்தின் குறிப்பிட்ட பகுதிகளைப் பிரித்தெடுங்கள் (எ.கா., எல்லாத் தலைப்புகள் அல்லது எல்லாப் பொட்டுக்குறிப் பட்டியல்கள்).