கண்ணோட்டம்

எங்களின் சமீபத்திய ஃப்ளாக்ஷிப் மாடலுக்கான அணுகலுடன், ChatGPT Edu பின்வருவனவற்றையும் வழங்குகிறது:

• மேம்பட்ட கருவிகள்: தரவுப் பகுப்பாய்வு, இணைய உலாவல் மற்றும் கோப்புப் பதிவேற்றங்கள்

• ChatGPT-இன் தனிப்பயன் பதிப்புகளான GPT-களை உருவாக்கி, பல்கலைக்கழகப் பணிவெளிகளுக்குள் அவற்றைப் பகிரும் வசதி

• ChatGPT Free-ஐ விட மிக அதிகமான செய்தி வரம்புகள்

• தரம் மற்றும் வேகத்தில் மேம்பட்ட மொழித் திறன்களுடன், 50-க்கும் மேற்பட்ட மொழிகளுக்கான ஆதரவு

• வலுவான பாதுகாப்பு, தரவுத் தனியுரிமை மற்றும் குழு அனுமதிகள், SSO, SCIM, GPT மேலாண்மை போன்ற நிர்வாகக் கட்டுப்பாடுகள்

பாதுகாப்பும் தனியுரிமையும்

ChatGPT Enterprise-இல் உங்கள் வணிகத் தரவின் உரிமையும் கட்டுப்பாடும் உங்களிடமே உள்ளன. உங்கள் வணிகத் தரவையோ உரையாடல்களையோ நாங்கள் பயிற்சிக்குப் பயன்படுத்துவதில்லை; உங்கள் பயன்பாட்டிலிருந்து எங்கள் மாடல்கள் கற்றுக்கொள்வதும் இல்லை. ChatGPT Enterprise, SOC2 தரநிலைக்கும் இணங்குகிறது. அனைத்து உரையாடல்களும் பரிமாற்றத்தின்போதும் சேமிக்கப்பட்ட நிலையிலும் குறியாக்கம் செய்யப்படுகின்றன.

எங்கள் புதிய நிர்வாகக் கட்டுப்பாட்டுத் தளம் மூலம் குழு உறுப்பினர்களை எளிதாக நிர்வகிக்கலாம். இணையக் களச் சரிபார்ப்பு, SSO மற்றும் பயன்பாடு குறித்த நுண்ணறிவுகளையும் இது வழங்குவதால், நிறுவனம் முழுவதும் பெரிய அளவில் பயன்பாட்டுக்குக் கொண்டுவர முடியும். உங்கள் நிறுவனத் தரவை நாங்கள் எவ்வாறு கையாளுகிறோம் என்பது குறித்த கூடுதல் விவரங்களுக்கு, எங்கள் தனியுரிமைப் பக்கத்தையும் எங்கள் டிரஸ்ட் போர்டலையும் பார்க்கவும்.

API கிரெடிட்கள்

NSF தலைமையிலான தேசிய செயற்கை நுண்ணறிவு ஆராய்ச்சி வள முன்னோடித் திட்டத்துடன் (NAIRR) இணைந்து, செயற்கை நுண்ணறிவின் பாதுகாப்பிலும், கல்வி, சுகாதார அமைப்புகள் மற்றும் காலநிலை சார்ந்த பணிகளை மேம்படுத்துவதற்கான அதன் புதிய பயன்பாடுகளிலும் கவனம் செலுத்தும் ஆராய்ச்சியாளர்களுக்கு OpenAI API கிரெடிட்களை வழங்குகிறது.

இந்த நிதியின் ஒரு பகுதி, வரலாற்று ரீதியாகக் கறுப்பின மக்களுக்காக நிறுவப்பட்ட கல்லூரிகள் மற்றும் பல்கலைக்கழகங்களிலும், சிறுபான்மையினருக்குச் சேவை செய்யும் கல்வி நிறுவனங்களிலும் பயன்பாட்டு ஆராய்ச்சி மற்றும் பாடப்பணிகளை ஆதரிப்பதற்காக ஒதுக்கப்பட்டுள்ளது. செயற்கை நுண்ணறிவைப் பொறுப்புடன் பயன்பாட்டுக்குக் கொண்டுவருதல், அதனுடன் தொடர்புடைய அபாயங்களைக் குறைத்தல், செயற்கை நுண்ணறிவு அமைப்புகளின் சமூகத் தாக்கத்தைப் புரிந்துகொள்ளுதல் ஆகிய துறைகளில் எங்கள் தயாரிப்புகளைப் பயன்படுத்தி ஆய்வு செய்யும் ஆராய்ச்சியாளர்களுக்கும் நாங்கள் ஆதரவளிக்கிறோம்.

கல்வியாளர்கள், ஆராய்ச்சியாளர்கள், நிர்வாகிகள் மற்றும் மாணவர்கள் பயன்பெறும் வகையில், வரும் ஆண்டுகளிலும் எங்கள் தயாரிப்புகளையும் சேவைகளையும் தொடர்ந்து மேம்படுத்துவோம்.