ప్రచురణకర్తలు తరచుగా అడిగే ప్రశ్నలు
బ్రౌజర్లోని ChatGPT శోధన ఫలితాల్లో నా వెబ్సైట్ కనిపించేలా చేయడం ఎలా?
ప్రజలకు అందుబాటులో ఉన్న ఏ వెబ్సైట్ అయినా ChatGPT శోధనలో కనిపించవచ్చు. మీ కంటెంట్ను కనుగొని, ప్రముఖంగా చూపించి, స్పష్టంగా ఉదహరించి, దానికి లింక్ ఇవ్వడానికి వీలుగా ఈ మార్గదర్శకాలను పాటించండి:
ChatGPTలోని సారాంశాలు, సంక్షిప్త భాగాల్లో మీ సైట్ కంటెంట్ చేరాలంటే, మీరు OAI-SearchBotను నిరోధించడం లేదని నిర్ధారించుకోండి. అవసరమైతే, OAI-SearchBotకు యాక్సెస్ ఉండేలా మీ robots.txt ఫైల్ను నవీకరించాల్సి రావచ్చు.
గమనిక: అనుమతి లేని పేజీ URLను మేము మూడవ పక్ష శోధన సేవాప్రదాత నుంచి లేదా ఇతర పేజీలను క్రాల్ చేయడం ద్వారా పొందితే, అలాగే ఆ పేజీ వినియోగదారు ప్రశ్నకు సంబంధించిందనే సంకేతాలు ఉంటే, ChatGPT Atlasలో కేవలం లింక్, పేజీ శీర్షికను మాత్రమే చూపించవచ్చు.
ఇలా జరగకూడదనుకుంటే, noindex మెటా ట్యాగ్ను ఉపయోగించండి. గమనిక: మా క్రాలర్ మెటా ట్యాగ్ను చదవాలంటే, సంబంధిత పేజీ లేదా పేజీలను క్రాల్ చేయడానికి దానికి అనుమతి ఉండాలి.
తమ కంటెంట్ను యాక్సెస్ చేయడానికి OAI-SearchBotను అనుమతించే ప్రచురణకర్తలు, Google Analytics వంటి విశ్లేషణ వేదికలను ఉపయోగించి ChatGPT నుంచి వచ్చే రెఫరల్ ట్రాఫిక్ను ట్రాక్ చేయవచ్చు. ChatGPT రెఫరల్ URLలలో utm_source=chatgpt.com అనే UTM పరామితిని స్వయంచాలకంగా చేర్చుతుంది. దీనివల్ల ChatGPT శోధన ఫలితాల నుంచి వచ్చే ట్రాఫిక్ను స్పష్టంగా ట్రాక్ చేసి విశ్లేషించవచ్చు.
ChatGPT Atlas నా వెబ్పేజీ కంటెంట్తో శిక్షణ పొందుతుందా?
సంభావ్య శిక్షణ నుంచి మినహాయించాలనుకునే సైట్లు, పేజీలలో GPTBot వినియోగదారు-ఏజెంట్ను ప్రచురణకర్తలు అనుమతించకూడదు. Atlasలో వినియోగదారుల పరస్పర చర్యల ద్వారా పొందిన కంటెంట్ విషయంలో మేము ఈ సంకేతాన్ని గౌరవిస్తాము.
గమనిక: వినియోగదారులు శిక్షణకు సమ్మతించినా, GPTBot నుంచి వైదొలిగిన వెబ్పేజీలు శిక్షణ కోసం ఉపయోగించబడవు.
అభివృద్ధికర్తలు తరచుగా అడిగే ప్రశ్నలు
Atlasలో ChatGPT ఏజెంట్తో నా వెబ్సైట్ పనితీరును మెరుగుపరచడానికి నేను ఏం చేయగలను?
మీ వెబ్సైట్ను మరింత సులభంగా యాక్సెస్ చేయగలిగేలా చేస్తే, Atlasలోని ChatGPT ఏజెంట్ దాన్ని మరింత మెరుగ్గా అర్థం చేసుకోగలదు.
పేజీ నిర్మాణం, పరస్పర చర్య అంశాలను అర్థం చేసుకోవడానికి ChatGPT Atlas, స్క్రీన్ రీడర్లకు తోడ్పడే లేబుళ్లు, పాత్రలనే ఉపయోగించే ARIA ట్యాగ్లను ఉపయోగిస్తుంది. అనుకూలతను మెరుగుపరచడానికి, బటన్లు, మెనూలు, ఫారమ్ల వంటి పరస్పర చర్య అంశాలకు వివరణాత్మక పాత్రలు, లేబుళ్లు, స్థితులను జోడిస్తూ WAI-ARIA ఉత్తమ పద్ధతులను అనుసరించండి. దీనివల్ల ChatGPT ప్రతి అంశం ఏం చేస్తుందో గుర్తించి, మీ సైట్తో మరింత కచ్చితంగా పరస్పర చర్య చేయగలదు.
Apps SDKతో రూపొందించిన యాప్లు Atlasలో ఎలా పనిచేస్తాయి?
వెబ్లోని ChatGPTలో పనిచేసే విధంగానే ChatGPT యాప్లు Atlasలోనూ పనిచేస్తాయి. “Spotify, ఈ శుక్రవారం నా వేడుక కోసం పాటల జాబితా రూపొందించు,” అన్నట్లుగా అందుబాటులో ఉన్న యాప్ పేరుతో ChatGPTకు సందేశాన్ని ప్రారంభిస్తే, ChatGPT ఆ యాప్ను మీ సంభాషణలో స్వయంచాలకంగా చూపించి, సహాయం కోసం సంబంధిత సందర్భాన్ని ఉపయోగించగలదు. మీరు మొదటిసారి యాప్ను ఉపయోగించినప్పుడు, దానితో ఏ డేటా పంచుకోబడవచ్చో మీకు తెలిసేలా యాప్కు కనెక్ట్ కావాలని ChatGPT కోరుతుంది. తక్కువ వెడల్పులోనూ మీ యాప్లు చక్కగా పనిచేస్తాయని నిర్ధారించుకోవడానికి, చాట్ పక్కపట్టీలో అవి ఎలా పనిచేస్తాయో పరీక్షించాలని సిఫార్సు చేస్తున్నాము.
Atlasలో ఉన్నప్పుడు ChatGPTలోని యాప్లను వినియోగదారులు మరింత సులభంగా యాక్సెస్ చేయగల మార్గాలపై కూడా మేము కృషి చేస్తున్నాము. Atlasలో మరింత లోతైన అనుసంధానాలపై ఆసక్తి ఉన్న అభివృద్ధికర్తలకు త్వరలో మరిన్ని వివరాలు అందించగలమని ఆశిస్తున్నాము.