అవలోకనం

సాధారణ వినియోగం పూర్తిగా అయిపోయిన తర్వాత, లూనా రిజర్వ్ ఎంపిక చేసిన ఖాతాలకు GPT-5.6 లూనాతో అదనపు వినియోగాన్ని అందిస్తుంది. రిజర్వ్ వినియోగం అందుబాటులో ఉన్నంతవరకు మీరు లూనాతో మీ సంభాషణను కొనసాగించవచ్చు.

లూనా రిజర్వ్ అనేది ప్రత్యామ్నాయ మోడ్ మాత్రమే. మీరు విడిగా కొనుగోలు చేయాల్సిన మోడల్ కాదు. ఇది సాధారణ వినియోగాన్ని పునరుద్ధరించదు లేదా మా అత్యంత సమర్థవంతమైన మోడళ్లను అందుబాటులోకి తీసుకురాదు.

లభ్యత

ఎంపిక చేసిన వ్యక్తిగత ChatGPT Plus, Pro ఖాతాలకు లూనా రిజర్వ్ అందుబాటులో ఉంటుంది. ఇది ChatGPT Business లేదా ఎంటర్‌ప్రైజ్ కార్యస్థలాల్లో అందుబాటులో ఉండదు. లభ్యత మీ ఖాతాపైనా, ఈ సదుపాయానికి మద్దతు ఉన్న యాప్ వెర్షన్‌పైనా ఆధారపడి ఉంటుంది.

ఈ సదుపాయానికి మద్దతు ఉన్న Codex, ChatGPT వర్క్ అనుభవాలకు లూనా రిజర్వ్ వర్తిస్తుంది. ఇది సాధారణ ChatGPT చాట్‌కు వేరు. ఇది మీ ఖాతాకు ఏపీఐ క్రెడిట్స్‌ను జోడించదు.

లూనా రిజర్వ్‌ను ఉపయోగించండి

మీ ఖాతాలో లూనా రిజర్వ్ అందుబాటులో ఉంటే:

1. డెస్క్‌టాప్ యాప్‌లో Codex లేదా ChatGPT వర్క్‌ను తెరవండి, లేదా వెబ్‌లో ChatGPT వర్క్‌ను తెరవండి.

2. మీ సాధారణ వినియోగ పరిమితిని చేరుకున్నప్పుడు, వినియోగ హెచ్చరికలో లూనా రిజర్వ్ గురించిన నోటీసు లేదా చంద్రుని గుర్తు ఉందేమో చూడండి.

3. లూనాతో మీ సంభాషణను కొనసాగించండి.

మా అత్యంత సమర్థవంతమైన మోడళ్లను ఉపయోగించేందుకు మీకున్న ఎంపికలను చూడటానికి లూనా రిజర్వ్ సూచికను తెరవండి. కనిపించే ఎంపికలు మీ ప్లాన్, ఖాతాపై ఆధారపడి ఉంటాయి.

నోటీసును మూసివేసినంత మాత్రాన లూనా రిజర్వ్ ఆగిపోదు లేదా సాధారణ వినియోగం పునరుద్ధరించబడదు. రిజర్వ్ వినియోగం అందుబాటులో ఉన్నంతవరకు మీరు లూనాను ఉపయోగించడం కొనసాగించవచ్చు.

వినియోగం, పరిమితులు

సాధారణ వినియోగానికి, లూనా రిజర్వ్‌కు వేర్వేరు వినియోగ కేటాయింపులు ఉంటాయి:

• సాధారణ వినియోగంతో మీ ప్లాన్‌లో అందుబాటులో ఉన్న మోడళ్లను ఉపయోగించవచ్చు.

• సాధారణ వినియోగం పూర్తిగా అయిపోయిన తర్వాత లూనా రిజర్వ్, లూనాతో మాత్రమే అదనపు వినియోగాన్ని అందిస్తుంది.

మీ సాధారణ వినియోగం పూర్తిగా అయిపోయి ఉన్నంతవరకు ఇతర మోడళ్లు అందుబాటులో ఉండకపోవచ్చు. లూనా రిజర్వ్‌కు ప్రత్యేక వినియోగ పరిమితి ఉంది. దీన్ని అపరిమితంగా ఉపయోగించలేరు. ఇంకా ఎంత వినియోగం మిగిలి ఉందో, వినియోగ పరిమితి ఎప్పుడు పునరుద్ధరించబడుతుందో చూపించే వివరాల కోసం మీ ఖాతాలోని వినియోగ సమాచారాన్ని చూడండి.

సాధారణ వినియోగం మళ్లీ అందుబాటులోకి రాకముందే మీ రిజర్వ్ మొత్తాన్ని ఉపయోగిస్తే, వినియోగం అందుబాటులోకి వచ్చే వరకు వేచి ఉండాలి లేదా మీ ఖాతాలో అందించిన ఎంపికను ఉపయోగించాలి.

సాధారణ వినియోగానికి తిరిగి మారండి

సాధారణ వినియోగం మళ్లీ అందుబాటులోకి వచ్చినప్పుడు, మీ ప్లాన్‌లో అందుబాటులో ఉన్న మోడళ్లకు తిరిగి మారవచ్చు.

మీ ప్లాన్, ఖాతాను బట్టి, మా అత్యంత సమర్థవంతమైన మోడళ్లను మళ్లీ ఉపయోగించేందుకు కొన్ని ఎంపికలు కూడా కనిపించవచ్చు. ఉన్నత ప్లాన్‌కు మారడం, క్రెడిట్స్‌ను జోడించడం లేదా అందుబాటులో ఉన్న వినియోగ పరిమితి పునరుద్ధరణ ఎంపికను ఉపయోగించడం వంటివి వీటిలో ఉండవచ్చు. మీకు ఒకటి లేదా అంతకంటే ఎక్కువ ఎంపికలు కనిపించవచ్చు. మీ ఖాతాలో కనిపించే ఎంపికలను ఉపయోగించండి.

లూనా రిజర్వ్ సమస్యలను పరిష్కరించండి

మీకు లూనా రిజర్వ్ కనిపించకపోతే, ఈ సదుపాయానికి అనుమతి ఉన్న ఖాతాల్లో మీ ఖాతా లేకపోవచ్చు. సాధారణ వినియోగ పరిమితిని చేరుకున్నంత మాత్రాన ఈ సదుపాయం తప్పనిసరిగా లభిస్తుందని కాదు. దీని లభ్యత మారవచ్చు.

ఇంతకుముందు మీకు ఈ సదుపాయం ఉండి ఇప్పుడు కనిపించకపోయినా, రిజర్వ్ వినియోగంలో అనుకోని మార్పులు గమనించినా, OpenAI సహాయ బృందాన్ని సంప్రదించండి. ఈ వివరాలను చేర్చండి:

• మీ ప్లాన్, ఇంతకుముందు మీకు లూనా రిజర్వ్ కనిపించిన ఉత్పత్తి.

• సమస్య ఎదురైన తేదీ, సమయం, సమయ మండలం.

• వినియోగ సూచిక, కనిపించిన సందేశం ఉన్న తెరచిత్రం.

• మీరు ఉపయోగిస్తున్న యాప్ వెర్షన్, మోడల్.

ఈ సదుపాయం లభ్యత లేదా వినియోగంలో అనుకోని మార్పులను పరిశీలించడంలో OpenAI సహాయ బృందం తోడ్పడగలదు. అయితే, మీకు ఈ సదుపాయం ఇంతకుముందు ఎప్పుడూ లేకపోతే, సహాయ బృందం మీ ఖాతాకు లూనా రిజర్వ్‌ను జోడించలేదు.

Codex వినియోగంపై సాధారణ మార్గదర్శకాల కోసం మీ ChatGPT ప్లాన్‌తో Codexను ఉపయోగించడం చూడండి.