అవలోకనం
మీ dot అనేది ChatGPTలో ఎల్లప్పుడూ అందుబాటులో ఉండే ఏజెంట్. ఒక ప్రాజెక్ట్‌ను ఆలోచన దశ నుంచి మీరు ఉపయోగించుకోగల ఫలితంగా మలచడంలో ఇది సాయపడుతుంది. దానికి ఒక లక్ష్యాన్ని ఇచ్చి, అవసరమైన నేపథ్య సమాచారాన్ని పంచుకోండి. సంభాషణల మధ్య కూడా అది పనిని ముందుకు తీసుకెళ్లగలదు.
సొంత కంప్యూటర్‌తో పాటు మీరు అనుసంధానించే యాప్‌లను ఉపయోగించి, మీ dot పరిశోధించగలదు, సృష్టించగలదు, పనులను పూర్తి చేయగలదు. ఇది ChatGPT మెమరీలోని నేపథ్య సమాచారంతో పని మొదలుపెట్టి, మీరు ఎలా పనిచేయడానికి ఇష్టపడతారో నేర్చుకుంటుంది. అది సొంతంగా ఏం చేయవచ్చో మీరు నిర్ణయిస్తారు. దాని పనిని సమీక్షిస్తూ, మీ అభిప్రాయాన్ని తెలియజేయవచ్చు లేదా అవసరాన్ని బట్టి పని దిశను మార్చవచ్చు. మీరు దాన్ని ఎప్పుడైనా తాత్కాలికంగా నిలిపివేయవచ్చు.
నా dot ఏ పనుల్లో సాయపడగలదు?
పూర్తి చేయడంలో మీకు సాయం కావాల్సిన ఒక ప్రాజెక్ట్‌తో మొదలుపెట్టండి:
ప్రెజెంటేషన్‌ను సిద్ధం చేయండి. డేటాను, కస్టమర్ల అభిప్రాయాలను ఒకచోట చేర్చి, ఏం మారిందో పరిశోధించండి. కొత్త సమాచారం అందేకొద్దీ స్లైడ్‌లను నవీకరించండి.
కంటెంట్‌ను రూపొందించండి. ఇంటర్వ్యూ లిఖిత ప్రతిని కార్యక్రమ గమనికలుగా, సామాజిక మాధ్యమాల పోస్ట్‌లుగా మార్చండి. ఆపై మీ సవరణలను అన్ని ముసాయిదాలకు వర్తింపజేయండి.
యాప్‌ను మెరుగుపరచండి. చేయాల్సిన మార్పు పరిధిని నిర్ణయించి, కోడ్ రాసి, పరీక్షించండి. దాంతో మీరు సమీక్షించేందుకు సరిగ్గా పనిచేసే మార్పులు సిద్ధంగా ఉంటాయి.
ఏ ప్లాన్‌లలో dots ఉంటాయి?
యూరోపియన్ ఎకనామిక్ ఏరియా, స్విట్జర్లాండ్, యూకే మినహా ఇతర మార్కెట్లలో 18 ఏళ్లు, అంతకంటే ఎక్కువ వయసున్న Pro వినియోగదారులకు ChatGPTలో dots దశలవారీగా అందుబాటులోకి వస్తున్నాయి. ChatGPT మద్దతు ఉన్న ప్రాంతాల్లో బిజినెస్ ప్రీమియం వినియోగదారులకు కూడా dots అందుబాటులో ఉన్నాయి. ఇందుకు వర్క్‌స్పేస్ అర్హత నిబంధనలు వర్తిస్తాయి. ఎంటర్‌ప్రైజ్ వినియోగదారులు (ఎడ్యూ, హెల్త్‌కేర్‌తో సహా) తమ వర్క్‌స్పేస్ నిర్వాహకుడు ప్రారంభించినప్పుడు బీటాను ప్రయత్నించవచ్చు. అయితే, మొదట ఇది డిఫాల్ట్‌గా ఆఫ్‌లో ఉంటుంది. వర్క్‌స్పేస్ సెట్టింగ్‌లు, ఎన్‌క్రిప్షన్, డేటా నిల్వ లేదా ఇన్‌ఫరెన్స్ నిర్వహణ ప్రాంతానికి సంబంధించిన నిబంధనలు కూడా అర్హతపై ప్రభావం చూపవచ్చు.
మీ మొదటి dot మీ Pro లేదా బిజినెస్ ప్రీమియం ప్లాన్‌లో అదనపు ఖర్చు లేకుండా లభిస్తుంది. మీతో మాట్లాడటానికి, ఆలోచించడంలో సాయపడటానికి, మీకు ముఖ్యమైన విషయాలను ఎప్పటికప్పుడు చూసుకోవడానికి ఇది 24/7 అందుబాటులో ఉంటుంది. మరింత లోతుగా పని చేయడానికి కూడా మీ ప్లాన్‌లో కొంత వినియోగ కోటా ఉంటుంది. ప్రారంభించిన తర్వాత మొదటి నెలలో వినియోగ పరిమితులు మరింత ఎక్కువగా ఉంటాయి. భవిష్యత్తులో మీరు మరిన్ని dots జోడించగలుగుతారు. ప్రతి dot వేగాన్ని పెంచడం ద్వారా లేదా అది నెలకు చేపట్టగల మొత్తం పనిని పెంచడం ద్వారా దానితో మరింత పని చేయించుకోగలుగుతారు.
dots దశలవారీగా అందుబాటులోకి వస్తున్నాయి. మీ ఖాతాలో అందుబాటులోకి రావడానికి కొన్ని రోజులు పట్టవచ్చు.
మొదలుపెట్టడం
నా dotను ఎలా సెటప్ చేయాలి?
ఐఓఎస్ లేదా ఆండ్రాయిడ్‌లోని ChatGPT మొబైల్ యాప్‌లో, డెస్క్‌టాప్ యాప్‌లో లేదా డెస్క్‌టాప్ వెబ్‌లో మీ dotను సృష్టించండి. ప్రారంభించడానికి సెటప్ సూచనలను అనుసరించండి. మొబైల్‌లో సెటప్ చేయడానికి మొబైల్ యాప్ తాజా వెర్షన్‌ను ఉపయోగించండి. డెస్క్‌టాప్ యాప్ విండోస్‌లో కూడా అందుబాటులో ఉంది.
మీరు ChatGPT మొబైల్ యాప్‌లో కూడా మీ dotతో మాట్లాడవచ్చు. మొబైల్ వెబ్‌లో dotsకు మద్దతు లేదు.
సెటప్ సమయంలో మీ dotకు పేరు పెట్టవచ్చు. దాని డిఫాల్ట్ హ్యాండిల్ @yourname-dot. మీరు పేరు పెట్టినప్పుడు, దాని హ్యాండిల్ @yourname-agentnameగా మారుతుంది. తర్వాత దాని పేరు లేదా అవతార్‌ను మార్చడానికి, పేరు లేదా అవతార్‌ను ఎంచుకుని ప్రొఫైల్‌ను తెరవండి. ఆపై పెన్సిల్ చిహ్నాన్ని ఎంచుకోండి.
మీ dot కోసం అందుబాటులో ఉన్న పాత్రల్లో ఒకదాన్ని లేదా ఒక పెంపుడు జంతువును ఎంచుకోవచ్చు. మీ dot మీ కోసం ఒక పెంపుడు జంతువును కూడా సృష్టించవచ్చు.
మీ dotతో కలిసి పనిచేయడం
సాధారణ ChatGPT సంభాషణకు, నా dotకు తేడా ఏమిటి?
మీ dot అనేది ChatGPTలో ఎల్లప్పుడూ అందుబాటులో ఉండే ఏజెంట్. అది నిరంతర బాధ్యతను తీసుకుని, సంభాషణల మధ్య కూడా పనిని ముందుకు తీసుకెళ్లగలదు. మీ dotకు సొంత క్లౌడ్ కంప్యూటర్ ఉంటుంది. మీరు అనుసంధానించాలని ఎంచుకున్న యాప్‌లలో అది పనిచేస్తుంది. కొనసాగుతున్న పనిలో సాయపడేందుకు నేపథ్య సమాచారాన్ని గుర్తుంచుకుంటుంది.
మీ dotకు ఒక లక్ష్యాన్ని ఇచ్చి, అది సొంతంగా ఏం చేయవచ్చో నిర్దేశించండి. అది సంక్లిష్ట సమస్యలను పరిష్కరించగలదు, తర్వాత ఏం చేయాలో గుర్తించగలదు, ఫలితాలను మీ సమీక్ష కోసం తీసుకురాగలదు. మీ విచక్షణ అవసరమైన నిర్ణయాల కోసం అది మిమ్మల్ని సంప్రదిస్తుంది.
నా dotకు పని ఎలా ఇవ్వాలి?
మీ dotతో ఏం చేయించాలనుకుంటున్నారో వివరించి, దానికి అవసరమైన వివరాలను పంచుకోండి. ఉదాహరణకు, మీ క్యాలెండర్‌ను సమీక్షించమని, ఒక అంశంపై పరిశోధించమని లేదా ఏదైనా విషయాన్ని తర్వాత గుర్తుచేయమని అడగవచ్చు. మరింత సమాచారం ఇవ్వడానికి లేదా అభ్యర్థనను మార్చడానికి మీరు సంభాషణలో ప్రత్యుత్తరం ఇవ్వవచ్చు.
ఫైల్ లేదా ఫొటోను జతచేయడానికి, సంభాషణలో + ఎంచుకోండి.
డెస్క్‌టాప్ యాప్‌లో మీ dot ప్రొఫైల్‌ను తెరిచి, ప్రగతిలో ఉన్నవి, షెడ్యూల్ చేసినవి, పూర్తయినవి కింద కార్యకలాపాలను సమీక్షించండి. మీ dot కంప్యూటర్ను చూడటానికి, దానిపై పని చేయడానికి ప్రొఫైల్ నుంచి దాన్ని తెరవవచ్చు. మొబైల్‌లో, ఆ కంప్యూటర్ మీ నియంత్రణలో తెరుచుకుంటుంది.
నా dot నా సొంత కంప్యూటర్ను ఉపయోగించగలదా?
మీ dotకు సొంత క్లౌడ్ కంప్యూటర్ ఉంటుంది. మీ స్థానిక కంప్యూటర్‌కు యాక్సెస్ ఇవ్వడం ఐచ్ఛికం. మొదట ఇది ఆఫ్‌లో ఉంటుంది. ఒక కంప్యూటర్ను అనుసంధానించడానికి, ఆ కంప్యూటర్‌లోని ChatGPT డెస్క్‌టాప్ యాప్‌ను ఉపయోగించండి. మీ స్థానిక కంప్యూటర్‌పై చేసే పని వేర్వేరు టాస్క్‌లుగా నడుస్తుంది. అవి పక్కపట్టీలో కనిపిస్తాయి.
మీరు ఒక కంప్యూటర్ను అనుసంధానించి, యాక్సెస్‌ను అనుమతించు అని నిర్ధారించినప్పుడు, మీ dot తన సందేశ ఛానెల్‌లలో దేని నుంచైనా ఆ కంప్యూటర్‌లోని ఫైల్‌లను యాక్సెస్ చేయగలదు, దానిపై పనిచేయగలదు. మీ dot ఆ కంప్యూటర్‌లోని ఫైల్‌లను యాక్సెస్ చేయకుండా లేదా దానిపై పనిచేయకుండా ఆపడానికి యాక్సెస్‌ను ఉపసంహరించు అని నిర్ధారించండి.
స్థానిక కంప్యూటర్ యాక్సెస్‌ను ప్రారంభిస్తే, మీ dot వర్క్ లేదా Codex టాస్క్‌లను సృష్టించగలదు, స్థానిక నైపుణ్యాలను ఉపయోగించగలదు. దాని క్లౌడ్ బ్రౌజర్‌ను నిరోధించినప్పుడు మీ స్థానిక బ్రౌజర్‌ను ఉపయోగించగలదు.
నా dot Codex క్లౌడ్ పరిసరాలను ఉపయోగించగలదా?
మీ dot Codex క్లౌడ్ పరిసరాల్లో క్లౌడ్ టాస్క్‌లను సృష్టించగలదు. మీ dotను ఉపయోగించమని అడిగే ముందు Codexలో ఆ పరిసరాన్ని సృష్టించండి.
అనుసంధానించిన యాప్‌లు
యాప్‌లను ఎలా అనుసంధానించాలి, నిర్వహించాలి?
అనుసంధానించిన యాప్‌ల ద్వారా మీ dotకు మీ పనుల కోసం ఉపయోగించగల సమాచారం అందుబాటులో ఉంటుంది. మీరు ఆ సమాచారం గురించి ప్రత్యేకంగా ఏ ప్రశ్నా అడగకపోయినా, మీ dot దాన్ని తనంతట తానే సమీక్షించి, అందులోని విషయాలను గుర్తుంచుకోగలదు.
మొబైల్‌లో యాప్‌ను సమీక్షించడానికి లేదా అనుసంధానించడానికి, మీ dot ప్రొఫైల్‌ను తెరిచి అనుకూలీకరించు > ప్లగిన్‌లుకు వెళ్లండి. మద్దతు ఉన్న యాప్‌ను ఎంచుకుని, దాన్ని అనుసంధానించే ముందు దాని అనుమతులను సమీక్షించండి. ప్లగిన్‌ల తెర ఉమ్మడి ChatGPT సెట్టింగ్‌లను ఉపయోగిస్తుంది. అందుబాటులో ఉండే యాప్‌లు వేరుగా ఉండవచ్చు.
మీరు అనుసంధానించిన యాప్‌ల అనుసంధానాన్ని తీసివేయవచ్చు. యాప్ అనుసంధానాన్ని తీసివేసినా, మీ dot ఇప్పటికే దాని నుంచి పొందిన సమాచారం తొలగించబడదు. మీ dotను తొలగిస్తే, అది తన సొంత మెమరీలో భద్రపరచుకున్న సమాచారం తొలగించబడుతుంది. “నా dotను ఎలా రీసెట్ చేయాలి?” చూడండి. ఇది కింద ఉంది.
నా dotను స్లాక్ లేదా ఇమెయిల్‌కు అనుసంధానించవచ్చా?
డెస్క్‌టాప్‌లోని ChatGPT నుంచి మీ dotను స్లాక్‌కు అనుసంధానించవచ్చు. మీ dot మీ పనుల కోసం ఉపయోగించేలా మీ వ్యక్తిగత ఇమెయిల్ ఖాతాను కూడా అనుసంధానించవచ్చు. ప్రారంభ సమయంలో మీ dotకు ప్రత్యేకంగా సొంత ఇమెయిల్ చిరునామాను ఇవ్వలేరు.
నా dot నాకు కాల్ చేయగలదా?
ప్రారంభ సమయంలో మీ dot తనంతట తానే మీకు కాల్ చేయలేదు.
షెడ్యూల్ చేసిన పనులు
పనులను షెడ్యూల్ చేసి, తాజా సమాచారం ఎలా పొందాలి?
రిమైండర్‌ను సెట్ చేయమని లేదా క్రమం తప్పకుండా ఏదైనా తనిఖీ చేయమని మీ dotను అడగండి. ఉదాహరణకు, ప్రతి ఉదయం మీ క్యాలెండర్‌ను సమీక్షించి, ఆ రోజు ఏయే కార్యక్రమాలు ఉన్నాయో చెప్పమని అడగవచ్చు.
షెడ్యూల్ ప్రకారం చేసిన పనులు, మీరడగకుండానే అందించే తాజా సమాచారం సంభాషణలో కనిపిస్తాయి. షెడ్యూల్ చేసిన పనిని నిర్వహించడానికి, మీ dot ప్రొఫైల్‌లోని ఇటీవలి కార్యకలాపాలులో దాన్ని ఎంచుకోండి లేదా ChatGPTలో షెడ్యూల్ చేసినవి విభాగాన్ని తెరవండి. మీరు కొనసాగుతున్న, తాత్కాలికంగా నిలిపివేసిన, పూర్తయిన పనులను సమీక్షించవచ్చు. ఒక పనిని ఎంత తరచుగా చేయాలి, ఏ సమయంలో చేయాలి లేదా పూర్తయినప్పుడు ఏ నోటిఫికేషన్‌లు రావాలి అనేవి మార్చడానికి ఆ పనిని తెరవండి.
నా నుంచి కొత్త సందేశం లేకుండానే నా dot ఎప్పుడు పని ప్రారంభించగలదు?
మీ dot నేపథ్యంలో పరిశోధించి, మీకు సాయపడే మార్గాలను సూచించగలదు. మీరు కొత్త ప్రశ్న అడగకపోయినా, అనుసంధానాల ద్వారా అందుబాటులో ఉన్న సమాచారాన్ని అది తనంతట తానే సమీక్షించి, అందులోని విషయాలను గుర్తుంచుకోగలదు. మీరు షెడ్యూల్ చేసిన రిమైండర్‌లను లేదా పునరావృత పనులను అది నిర్వహించగలదు. మీ dot ప్రొఫైల్‌లో షెడ్యూల్ చేసిన పనిని సమీక్షించవచ్చు లేదా అది కొనసాగకూడదనుకున్నప్పుడు మీ dotను తాత్కాలికంగా నిలిపివేయవచ్చు.
టెక్స్ట్ సందేశాలు
dotకు ఎవరు టెక్స్ట్ సందేశాలు పంపవచ్చు?
అమెరికాలో పరిమిత సంఖ్యలో Pro వినియోగదారులకు టెక్స్ట్ సందేశాల సదుపాయం బీటాలో అందుబాటులో ఉంది. బిజినెస్ లేదా ఎంటర్‌ప్రైజ్ వర్క్‌స్పేస్‌లలో దీనికి మద్దతు లేదు.
మీ dotకు టెక్స్ట్ సందేశాలు పంపడానికి ఐమెసేజ్ లేదా RCS అవసరం.
నా dotకు టెక్స్ట్ సందేశాలు ఎలా పంపాలి?
ChatGPT మొబైల్ యాప్‌లో, డెస్క్‌టాప్ వెబ్‌లో లేదా డెస్క్‌టాప్ యాప్‌లో మీ ఫోన్‌ను అనుసంధానించవచ్చు:
మీ dot ప్రొఫైల్‌ను తెరిచి టెక్స్ట్ సందేశాలు ఎంచుకోండి.
మీ ఫోన్ నంబర్‌ను నమోదు చేసి నిర్ధారణ సందేశాన్ని పంపు ఎంచుకోండి.
మీకు అందిన కోడ్‌ను నమోదు చేసి ఫోన్ నంబర్‌ను ధృవీకరించు ఎంచుకోండి.
మీ నంబర్ ధృవీకరించిన తర్వాత, మీ ఫోన్ నుంచి మీ dotకు టెక్స్ట్ సందేశాలు పంపవచ్చు.
మీ dot ప్రొఫైల్‌లో టెక్స్ట్ సందేశాలు కనిపించకపోతే, ఈ సదుపాయం మీ ఖాతాకు ఇంకా అందుబాటులోకి రాలేదు. తర్వాత మళ్లీ ప్రయత్నించండి.
నా dot నా ఇతర టెక్స్ట్ సంభాషణలను చూడగలదా?
లేదు. టెక్స్ట్ సందేశాల సదుపాయాన్ని ఆన్ చేస్తే, మీరు మీ dotకు సందేశాలు పంపడం మాత్రమే సాధ్యమవుతుంది. దీనివల్ల మీ dotకు లేదా OpenAIకి మీ ఇతర టెక్స్ట్ సంభాషణలను యాక్సెస్ చేసే అనుమతి లభించదు.
ఇతరులు నా dotకు టెక్స్ట్ సందేశాలు పంపవచ్చా?
లేదు. టెక్స్ట్ సందేశాలు మీకూ మీ dotకూ మధ్య మాత్రమే పనిచేస్తాయి. మీ dot గ్రూప్ టెక్స్ట్ సంభాషణల్లో పాల్గొనలేదు.
నా dotకు SMS పంపితే ఏమవుతుంది?
SMSకు మద్దతు లేదు. మీరు అనుసంధానించిన నంబర్ నుంచి SMS పంపితే, బదులుగా ఐమెసేజ్, RCS లేదా ChatGPT యాప్‌ను ఉపయోగించమని కోరుతూ ఆటోమేటిక్ ప్రత్యుత్తరం రావచ్చు. మీ మొబైల్ సర్వీస్ ప్రొవైడర్ SMS ఛార్జీలు వర్తిస్తాయి.
నా dot ఫోన్ నంబర్‌కు కాల్ చేయవచ్చా?
లేదు, మీ dot ఫోన్ నంబర్‌కు టెక్స్ట్ సందేశాలు మాత్రమే పంపవచ్చు.
మీ dotకు కాల్ చేయడానికి, ChatGPT మొబైల్ యాప్‌లో దాని సంభాషణను తెరిచి ఫోన్ బటన్‌ను ఎంచుకోండి.
నా dotకు పంపే టెక్స్ట్ సందేశాలకు ఎండ్-టు-ఎండ్ ఎన్‌క్రిప్షన్ ఉంటుందా?
మీ dot తరఫున టెక్స్ట్ సందేశాలను పంపడానికి, స్వీకరించడానికి మేము మూడవ పక్ష సందేశ సేవా సంస్థ లింక్ను ఉపయోగిస్తాము. లింక్‌తో మా భాగస్వామ్యంలో భాగంగా, మా అత్యాధునిక మోడళ్లు, మూడవ పక్ష భద్రతా సంస్థలతో విస్తృత భద్రతా తనిఖీలు నిర్వహించాము. ఈ సందేశాలు OpenAIకి చేరే క్రమంలో లింక్ వాటిని ప్రాసెస్ చేస్తుంది. అందువల్ల మీరు ఐమెసేజ్ లేదా RCS ఉపయోగించినా, మీకూ మీ dotకూ మధ్య జరిగే సంభాషణకు ఎండ్-టు-ఎండ్ ఎన్‌క్రిప్షన్ ఉండదు.
నా సందేశాలను ఎలా రక్షిస్తారు, నిల్వ చేస్తారు?
మీ టెక్స్ట్ సందేశాలను చేరవేయడానికి లింక్ వాటిని ప్రాసెస్ చేస్తుంది. కానీ చేరవేసిన తర్వాత వాటిలోని విషయాలను నిల్వ ఉంచదు. దాని సిబ్బంది మీ టెక్స్ట్ సందేశాలను ఎప్పుడు యాక్సెస్ చేయవచ్చనే దానిపై పరిమితులు విధిస్తుంది. సందేశాల సమయాలు, చేరవేత స్థితి వంటి పరిమిత చేరవేత సమాచారాన్ని అది నిల్వ ఉంచవచ్చు. మా ప్రైవసీ పాలసీలో వివరించినట్లుగా, OpenAI మీ టెక్స్ట్ సందేశాలను ChatGPTలో మీ dot సంభాషణల్లో భాగంగా నిల్వ చేస్తుంది.
ప్రారంభానికి ముందు, OpenAI లింక్‌తో తన అనుసంధానాన్ని సమీక్షించింది. ఒక స్వతంత్ర సంస్థ లింక్ సందేశ సేవను పరీక్షించింది.
నా dot నుంచి టెక్స్ట్ సందేశాలు రాకుండా ఎలా ఆపాలి?
మీ dot నుంచి టెక్స్ట్ సందేశాలు అందుకోవడం ఆపడానికి STOP అని ప్రత్యుత్తరం ఇవ్వండి.
ChatGPT యాప్‌లో లేదా డెస్క్‌టాప్ వెబ్‌లో కూడా టెక్స్ట్ సందేశాల సదుపాయాన్ని ఆఫ్ చేయవచ్చు:
మీ dot ప్రొఫైల్‌ను తెరవండి.
టెక్స్ట్ సందేశాలు > టెక్స్ట్ సందేశాలను ఆఫ్ చేయి ఎంచుకోండి.
టెక్స్ట్ సందేశాలను ఆఫ్ చేస్తే నా సంభాషణలు తొలగించబడతాయా?
లేదు. టెక్స్ట్ సందేశాలను ఆఫ్ చేస్తే మీ ఫోన్ నంబర్ అనుసంధానం తీసివేయబడుతుంది. దీనివల్ల ChatGPTలో మీ పాత సంభాషణలు లేదా భద్రపరచిన జ్ఞాపకాలు వెంటనే గానీ, 30 రోజుల తర్వాత గానీ తొలగించబడవు.
సందేశాలు లేదా డేటాకు ఛార్జీలు వర్తిస్తాయా?
సందేశాలు, డేటాకు ఛార్జీలు వర్తించవచ్చు. టెక్స్ట్ సందేశాల సదుపాయాన్ని ప్రారంభించేటప్పుడు చూపే నోటీసుతో పాటు OpenAI టెర్మ్స్ ఆఫ్ యూజ్, ప్రైవసీ పాలసీని సమీక్షించండి.
మెమరీ
నా dot మెమరీని ఎలా ఉపయోగిస్తుంది?
మీ dot ChatGPT నుంచి జ్ఞాపకాలను పొందుతుంది. అనుసంధానించిన యాప్‌ల సమాచారంతో సహా సొంత జ్ఞాపకాలను కూడా సృష్టించుకోగలదు. దీనివల్ల కొనసాగుతున్న పనిలో అది నేపథ్య సమాచారాన్ని ఉపయోగించగలుగుతుంది.
మొబైల్‌లో, అనుకూలీకరించు > మెమరీ విభాగం ChatGPT ఏమి గుర్తుంచుకుందో చూపిస్తుంది. ఈ తెర ఉమ్మడి ChatGPT మెమరీ సెట్టింగ్‌లను ఉపయోగిస్తుంది.
మీ dot భద్రపరచుకున్న సొంత జ్ఞాపకాలను తొలగించాలంటే, మీ dotను తొలగించాలి. నా dotను ఎలా రీసెట్ చేయాలి? చూడండి. ఇది కింద ఉంది.
నియంత్రణలు, ఆమోదాలు
నిర్ధారణలను, అనుకూల నియమాలను ఎలా నిర్వహించాలి?
కొన్ని చర్యల విషయంలో, మీ dot ఏమి పంచుకోవచ్చు, కొనుగోలు చేయవచ్చు లేదా యాక్సెస్ చేయవచ్చు అనే దానిపై మీరు నియమాలను సెట్ చేయవచ్చు.
మొబైల్‌లో డిఫాల్ట్ నియమాలను సమీక్షించడానికి లేదా కొత్త నియమాన్ని జోడించడానికి అనుకూలీకరించు > అనుకూల నియమాలు తెరవండి. నియమం వర్తించే చర్యను వివరించి, ఆపై అందుబాటులో ఉన్న ఈ విధానాల్లో ఒకదాన్ని ఎంచుకోండి:
అడగకుండానే చర్య తీసుకో
ముందస్తు ఆమోదం ఉంటే చర్య తీసుకో
చర్య తీసుకునే ముందు అడుగు
మీకు అప్పగించు
“ముందస్తు ఆమోదం” అంటే మీ ప్రాంప్ట్‌లో ఆ చర్యను మీరు స్పష్టంగా కోరారని అర్థం. టిక్ గుర్తుతో నియమాన్ని భద్రపరచి, ఆపై అనుకూల నియమాలులో దాన్ని సమీక్షించండి.
మీ నియమాలను అనుసరించేటప్పుడు కూడా మీ dot పొరపాట్లు చేయవచ్చు. ఫలితంపై ఆధారపడే ముందు దాని పనిని సమీక్షించి, ముఖ్యమైన వివరాలను తనిఖీ చేయండి.
నా dotను తాత్కాలికంగా ఎలా నిలిపివేయాలి?
మీరు తిరిగి ప్రారంభించడానికి సిద్ధమయ్యే వరకు మీ dotను ఆపడానికి, దాని ప్రొఫైల్‌లో మరిన్ని ఎంపికల మెను (•••) తెరిచి తాత్కాలికంగా నిలిపివేయి ఎంచుకోండి. దాన్ని మళ్లీ ప్రారంభించడానికి తాత్కాలికంగా నిలిపివేయబడింది • తిరిగి ప్రారంభించడానికి తాకండి ఎంచుకోండి.
నా dotను ఎలా రీసెట్ చేయాలి?
మీ dotను తొలగిస్తే, అది భద్రపరచుకున్న సొంత జ్ఞాపకాలు, షెడ్యూల్ చేసిన పనులు తొలగించబడతాయి. అది వేరుగా సృష్టించిన వర్క్ లేదా Codex చాట్‌లు మాత్రం అలాగే ఉంటాయి. మీ ప్రధాన సంభాషణ ఆర్కైవ్ చేయబడుతుంది. ఆ dotతో ఆ సంభాషణను కొనసాగించలేరు. నిర్ధారించే ముందు, సంభాషణలో మీకు అవసరమయ్యే వాటిని భద్రపరచుకోండి. తొలగించిన తర్వాత తిరిగి పునరుద్ధరించలేరు.
మీ dot ప్రొఫైల్‌ను తెరిచి మరిన్ని ఎంపికల మెను (•••) ఎంచుకోండి.
తొలగించు ఎంచుకోండి.
నిర్ధారించడానికి తొలగించు ఎంచుకోండి లేదా మీ dotను అలాగే ఉంచడానికి రద్దు చేయి ఎంచుకోండి.
మీ dotను తొలగిస్తే, దాని స్థానంలో కొత్తది సృష్టించబడదు. మీకు సెటప్ సదుపాయం అందుబాటులో ఉన్న పరికరంలో కొత్త dotను సృష్టించవచ్చు.
మీ dot సమస్యలను పరిష్కరించడం
నా dot నా కంప్యూటర్ను లేదా స్థానిక సాధనాలను ఉపయోగించలేకపోతోంది
మీ dot ఏ కంప్యూటర్ను ఉపయోగించాలనుకుంటున్నారో, ఆ కంప్యూటర్‌లోని ChatGPT డెస్క్‌టాప్ యాప్‌లో స్థానిక యాక్సెస్‌ను ప్రారంభించండి:
మీ dot ప్రొఫైల్‌ను తెరవండి.
కంప్యూటర్లు కింద మీ కంప్యూటర్ను గుర్తించి యాక్సెస్‌ను అనుమతించు ఎంచుకోండి.
నిర్ధారణ సందేశాన్ని సమీక్షించి, మళ్లీ యాక్సెస్‌ను అనుమతించు ఎంచుకోండి.
ఆ కంప్యూటర్‌లో ChatGPT యాప్‌ను తెరిచి ఉంచి, కంప్యూటర్ను ఆన్‌లైన్‌లో ఉంచండి. ఆఫ్‌లైన్ అంటే కంప్యూటర్ అందుబాటులో లేదని అర్థం. దానివల్ల అనుసంధానం రద్దు కాదు. యాక్సెస్‌ను అనుమతించు అందుబాటులో లేకపోతే, మీరు ఆ కంప్యూటర్‌లో డెస్క్‌టాప్ యాప్‌నే ఉపయోగిస్తున్నారో లేదో తనిఖీ చేయండి.
కంప్యూటర్ను Codexకు అనుసంధానించడం లేదా వర్క్ సింక్‌ను ప్రారంభించడం వల్ల మీ dotకు స్థానిక యాక్సెస్ లభించదు. స్థానిక నైపుణ్యాలను ఉపయోగించాలంటే మీ dotకు అనుసంధానించిన కంప్యూటర్ అవసరం.
నా dot ఒక యాప్‌ను లేదా వెబ్‌సైట్‌ను ఉపయోగించలేకపోతోంది
అనుసంధానించిన యాప్ విషయంలో, మద్దతు ఉన్న ప్లగిన్ ఇన్‌స్టాల్ అయి, సరైన ఖాతాకు అనుసంధానించి ఉందో లేదో తనిఖీ చేయండి. దానికి అనుమతించిన చర్యలను సమీక్షించండి: సమాచారం చదవడానికి ఉన్న అనుమతిలో దాన్ని మార్చడానికి లేదా సందేశాలు పంపడానికి అనుమతి ఉండకపోవచ్చు. అనుసంధానం గడువు ముగిసితే, తిరిగి అనుసంధానించాలన్న అభ్యర్థనను తెరిచి మళ్లీ అనుసంధానించండి.
మీ dot క్లౌడ్ బ్రౌజర్‌కు ప్రత్యేక సైన్-ఇన్ సెషన్‌లు ఉంటాయి. మీ వ్యక్తిగత కంప్యూటర్‌లో సైన్ ఇన్ చేసినంత మాత్రాన మీ dot సైన్ ఇన్ కాదు. వెబ్‌సైట్ ధృవీకరణతో సహా సైన్-ఇన్ అభ్యర్థనను పూర్తి చేయండి లేదా నియంత్రణను తీసుకుని మీరే సైన్ ఇన్ చేయండి. మీ పని పూర్తయిన తర్వాత నియంత్రణను తిరిగి ఇవ్వండి.
ఒక వెబ్‌సైట్ క్లౌడ్ బ్రౌజర్‌ను నిరోధిస్తే, మీరు అనుసంధానించిన కంప్యూటర్ను ప్రయత్నించమని మీ dotను అడగవచ్చు. దీనివల్ల వేరే స్థానిక టాస్క్ సృష్టించబడవచ్చు. అయితే క్లౌడ్ బ్రౌజర్ సెషన్ బదిలీ కాదు, ఆ వెబ్‌సైట్ పనిచేస్తుందన్న హామీ కూడా లేదు.
నేను ఒక చర్యను ఆమోదించాను, అయినా అది ఇంకా నిరోధించబడుతోంది
సమస్య ఉన్న పనిని తెరిచి, వేరే సైన్-ఇన్, అనుసంధాన లేదా ఆమోద అభ్యర్థన ఉందేమో చూడండి. సంబంధిత అనుకూల నియమాన్ని సమీక్షించండి: దానికి స్పష్టమైన ఆదేశం అవసరమైతే, ఆ చర్యను నేరుగా చేయమని అడగండి. ముసాయిదాను అడిగినంత మాత్రాన దాన్ని పంపడానికి అనుమతి ఇచ్చినట్లు కాదు.
అనుకూల నియమాలు యాప్ లేదా కంప్యూటర్ యాక్సెస్‌ను ఇవ్వవు. అంతర్నిర్మిత భద్రతా చర్యలను కూడా అధిగమించవు. పాస్‌వర్డ్ మార్చడం వంటి కొన్ని దశలను మీరే పూర్తి చేయాలి.
నా dot చేసిన పని లేదా ఫైల్‌లు కనిపించడం లేదు
ChatGPT డెస్క్‌టాప్ యాప్‌లో, మీ dot పేరు లేదా అవతార్‌ను ఎంచుకుని దాని ప్రొఫైల్‌ను తెరవండి. సంబంధిత పనిని తెరిచి, దాని పురోగతిని, ఫైల్‌లను, ఫలితాలను సమీక్షించండి. స్థానిక టాస్క్‌లు అనుసంధానించిన కంప్యూటర్‌లోని పక్కపట్టీలో కనిపిస్తాయి. పునరావృత పనులు షెడ్యూల్ చేసినవి కింద ఉంటాయి.
పని మొదలుపెట్టిన అసలు కంప్యూటర్‌లో లేదా క్లౌడ్ పరిసరంలో తనిఖీ చేయండి. మీ dot కోసం ఎంచుకున్న కంప్యూటర్ను మార్చినా, ఇప్పటికే ఉన్న పని దానికి తరలించబడదు.
మీ dot క్లౌడ్ కంప్యూటర్ను పరిశీలించడానికి, దాని ప్రొఫైల్‌లో కంప్యూటర్లు కింద చూడండి. మీకు నియంత్రణ అవసరమైతే నియంత్రణను తీసుకో ఎంచుకోండి. మీ dot కొనసాగించగలిగినప్పుడు నియంత్రణను తిరిగి ఇవ్వు ఎంచుకోండి.
నా dot పని ఆపేసింది లేదా ఒక సూచనను పట్టించుకోలేదు
సమస్య ఉన్న పనిని తెరిచి, పెండింగ్‌లో ఉన్న నిర్ణయం, ఆమోదం, సైన్-ఇన్ లేదా అనుసంధాన అభ్యర్థనలకు స్పందించండి. మీ dot తాత్కాలికంగా నిలిపివేయబడి ఉంటే, దాన్ని తిరిగి ప్రారంభించండి.
పునరావృత పనుల కోసం షెడ్యూల్ చేసినవి తెరిచి, భద్రపరచిన సూచనలను, సమయాన్ని తనిఖీ చేయండి. పని పూర్తయినట్లు గుర్తించినా, ఫలితాన్ని సమీక్షించండి.
సమస్య ఉన్న పనిలోనే సవరణలను నేరుగా తెలియజేయండి. మీకు కావాల్సిన ఫలితాన్ని, సంబంధిత ఫైల్‌లు లేదా లింక్‌లను కూడా ఇవ్వండి. ప్రతి పనికీ ప్రత్యేక సంభాషణ ఉంటుంది. మీ dotతో మీరు జరిపిన అన్ని సంభాషణలూ దానికి ఆటోమేటిక్‌గా అందవు.
నా dot కనిపించడం లేదు
మీరు ఉపయోగించాలనుకున్న ఖాతా, వర్క్‌స్పేస్‌లోనే ఉన్నారో లేదో తనిఖీ చేసి, ఆపై chatgpt.com/dots తెరవండి.
Pro: యూరోపియన్ ఎకనామిక్ ఏరియా, స్విట్జర్లాండ్, యునైటెడ్ కింగ్‌డమ్ వెలుపల 18 ఏళ్లు, అంతకంటే ఎక్కువ వయసున్న వినియోగదారులకు అందుబాటులో ఉంది.
బిజినెస్ ప్రీమియం: వర్క్‌స్పేస్ అర్హత నిబంధనలకు లోబడి, ChatGPT మద్దతు ఉన్న ప్రాంతాల్లో అందుబాటులో ఉంది.
ఎంటర్‌ప్రైజ్, ఎడ్యూ మరియు హెల్త్‌కేర్‌తో సహా: మీ వర్క్‌స్పేస్ నిర్వాహకుడు బీటా యాక్సెస్‌ను ప్రారంభించాలి. ఇది డిఫాల్ట్‌గా ఆఫ్‌లో ఉంటుంది.
దశలవారీగా అందుబాటులోకి వస్తుంది.
మీ dotకు కాల్ చేయడంలో సమస్య ఉందా?
మీ dot సంభాషణను తెరిచి, దానికి కాల్ చేయడానికి ఫోన్ బటన్‌ను ఎంచుకోండి. కాల్ పనిచేయకపోయినా చాట్ అందుబాటులో ఉంటే, అక్కడ టైప్ చేస్తూ సంభాషణను కొనసాగించవచ్చు.
మెమరీ సెట్టింగ్‌లు, రీసెట్ వల్ల ఏమి మారుతుంది?
మొబైల్‌లో, అనుకూలీకరించు > మెమరీ విభాగం ఉమ్మడి ChatGPT మెమరీ సెట్టింగ్‌లను చూపిస్తుంది. మీ dot భద్రపరచుకున్న సొంత జ్ఞాపకాలు వేరుగా ఉంటాయి. ఆ సెట్టింగ్‌లను మార్చినంత మాత్రాన మీ dot ఇప్పటికే భద్రపరచుకున్న గమనికలు మారకపోవచ్చు.
మీ dotను తొలగిస్తే, అది భద్రపరచుకున్న సొంత జ్ఞాపకాలు, షెడ్యూల్ చేసిన పనులు తొలగించబడతాయి. అది వేరుగా సృష్టించిన వర్క్ లేదా Codex చాట్‌లు మాత్రం అలాగే ఉంటాయి. మీకు అవసరమైన ఫలితాలను భద్రపరచుకుని, నిర్ధారించే ముందు తొలగింపు నోటీసును సమీక్షించండి.