ప్రారంభ ప్రక్రియ, విధానాలకు సంబంధించిన సాధారణ సమస్యల పరిష్కారం

యాడ్స్ మేనేజర్‌లో సాధారణంగా ఎదురయ్యే సమస్యలను పరిష్కరించడానికి ఈ మార్గదర్శిని ఉపయోగించండి. మీ సమస్యకు అత్యంత దగ్గరగా సరిపోయే సమస్య వర్గంతో ప్రారంభించండి. సూచించిన తనిఖీలను చేసి, సమస్య కొనసాగితే సహాయ బృందాన్ని సంప్రదించండి. ఖాతా ధృవీకరణ, ఖాతా ఆమోదం, ప్రకటన సమీక్ష, ప్రకటన ప్రదర్శనలకు సంబంధించిన తనిఖీలు వేర్వేరుగా ఉంటాయి. ఒకటి పూర్తయినంత మాత్రాన మిగిలినవన్నీ పూర్తయినట్లు కాదు.

1. వ్యాపార ధృవీకరణ

నా వ్యాపార ధృవీకరణ విఫలమైంది

• దీని అర్థం: మీ ఖాతా ధృవీకరణను పూర్తి చేశాము, కానీ దానికి ఆమోదం ఇవ్వలేకపోయాము. మీ వ్యాపార గుర్తింపు, యాజమాన్యం లేదా అనుబంధాల వివరాలు సరైనవని నిర్ధారించలేకపోతే ధృవీకరణ విఫలం కావచ్చు.

• తదుపరి చర్య: మీ ఖాతా, ప్రకటనలు, ల్యాండింగ్ పేజీలు మీ వ్యాపారాన్ని, ఇతర వ్యక్తులు, సంస్థలు లేదా బ్రాండ్‌లతో ఉన్న సంబంధాలను ఖచ్చితంగా ప్రతిబింబించేలా చూసుకోండి.

నా వ్యాపార ధృవీకరణ జరుగుతోంది

• దీని అర్థం: ధృవీకరణపై ఇంకా తుది నిర్ణయం వెలువడలేదు. పెండింగ్ స్థితిలో ఉన్నప్పుడు, కొన్ని తనిఖీలు ప్రారంభం కావడానికి వేచి ఉండవచ్చు. కాబట్టి సమీక్ష ప్రస్తుతం జరుగుతోందని ఎల్లప్పుడూ అర్థం కాదు. యాడ్స్ మేనేజర్‌లో కనిపించే సూచనలను అనుసరించండి. పేజీ కనిపిస్తున్నప్పుడు, మీరు తిరిగి ఆ ట్యాబ్‌కు వచ్చినప్పుడు, ధృవీకరణ ఫలితాల్లో మార్పులున్నాయేమో యాడ్స్ మేనేజర్ తనిఖీ చేస్తుంది.

• తదుపరి చర్య: సమీక్ష పూర్తవడానికి 7 పని రోజుల వరకు పట్టవచ్చు. అంతకంటే ఎక్కువ సమయం పడితే ప్రకటనల సహాయ బృందాన్ని సంప్రదించండి.

నా వ్యాపార ధృవీకరణ ప్రారంభం కాలేదు

• ముందుగా తనిఖీ చేయండి: సరైన యాడ్స్ మేనేజర్ ఖాతాలోని ధృవీకరణ సూచనకు తిరిగి వెళ్లండి. తాజా సంస్కరణలో ఉన్న బ్రౌజర్‌ను ఉపయోగించి పేజీని రిఫ్రెష్ చేయండి లేదా మళ్లీ సైన్ ఇన్ చేయండి.

• తదుపరి చర్య: ధృవీకరణ అప్పటికీ తెరుచుకోకపోతే, ప్రకటనల సహాయ బృందాన్ని సంప్రదించండి. మీ ప్రకటన ఖాతా ఐడీ, మీరు ఎంచుకున్న బటన్ లేదా లింక్, కనిపించిన దోష సందేశం యథాతథంగా లేదా స్క్రీన్‌షాట్, ప్రయత్నించిన తేదీ, సమయం, సమయ మండలం వివరాలను చేర్చండి. దోషం కనిపించే ముందు ధృవీకరణ ఫారమ్ తెరుచుకుందో లేదో మాకు తెలియజేయండి. సహాయం కోరుతూ పంపే సందేశంలో గుర్తింపు పత్రాలు, పాస్‌వర్డ్‌లు లేదా చెల్లింపు వివరాలు పంపవద్దు.

ధృవీకరణ కారణంగా ప్రకటనను సేవ్ చేయలేకపోతున్నాను

• దీని అర్థం: ధృవీకరణ అవసరమైన స్వీయ-సేవ ఖాతాల్లో, ప్రకటన గమ్యస్థానం వేరే వెబ్‌సైట్ డొమైన్‌లో ఉంటే, ముందుగా ఖాతా ధృవీకరణకు ఆమోదం లభించాల్సి రావచ్చు. ప్రస్తుత ధృవీకరణ స్థితిని తెలుసుకోవడానికి యాడ్స్ మేనేజర్‌లోని సందేశాన్ని చూడండి.

• తదుపరి చర్య: నిర్వాహకుడు అవసరమని సందేశం సూచిస్తే, ధృవీకరణను పూర్తి చేయమని ఖాతా నిర్వాహకుడిని అడగండి. మళ్లీ ప్రయత్నించండి కనిపిస్తే, అందుబాటులో ఉన్న మరో ప్రయత్నాన్ని ప్రారంభించడానికి దాన్ని ఎంచుకోవచ్చు. మళ్లీ ప్రయత్నించడం ప్రారంభిస్తే, అందుబాటులో ఉన్న ధృవీకరణ ప్రయత్నాల్లో ఒకటి వినియోగించబడవచ్చు. కేవలం సేవ్ చేయండి ఎంచుకుంటే విఫలమైన లేదా తిరస్కరించబడిన ధృవీకరణ మళ్లీ ప్రారంభం కాదు. సహాయ బృందాన్ని సంప్రదించండి కనిపిస్తే, ఆ ఎంపికను ఉపయోగించండి. లేకపోతే, కనిపించే ధృవీకరణ సూచనలను అనుసరించండి.

వ్యాపార ధృవీకరణ పూర్తికాకముందే నా ప్రకటనలు ప్రదర్శితమై, ఛార్జీలు విధించబడవచ్చా?

కొన్ని ఖాతాల్లో అదనపు వ్యాపార ధృవీకరణ అవసరమయ్యే ముందే ప్రకటనల ప్రదర్శన ప్రారంభమవుతుంది. అయితే, ప్రకటనలకు ఆమోదం లభించి ఉండాలి. అలాగే బిల్లింగ్, ఖాతా సంసిద్ధత, ప్రచార స్థితి, బడ్జెట్, సమయ ప్రణాళిక ప్రకటనల ప్రదర్శనకు అనుకూలంగా ఉండాలి. ఈ సమయంలో ప్రకటనల ఖర్చు పెరుగుతూ ఉండవచ్చు.

ఖాతా ఖర్చు నిర్దిష్ట పరిమితికి చేరుకున్న తర్వాత అదనపు వ్యాపార ధృవీకరణ అవసరం కావచ్చు. ధృవీకరణ అవసరమయ్యే వ్యయ పరిమితులు వేర్వేరుగా ఉండవచ్చు, మారవచ్చు కూడా. ధృవీకరణ అవసరమయ్యే వ్యయ పరిమితి, మీ ప్రచార బడ్జెట్‌కు వేరుగా ఉంటుంది. అలాగే, మీ చెల్లింపు పద్ధతి ద్వారా డబ్బు ఎప్పుడు వసూలు చేయాలో నిర్ణయించే చెల్లింపు పరిమితికి కూడా ఇది వేరుగా ఉంటుంది. ఇది ప్రకటనల కోసం ఇచ్చే ఉచిత క్రెడిట్స్ కాదు.

ధృవీకరణ ప్రక్రియలో ఒక దశ పూర్తికాలేదనే కారణంతో ప్రచారం నిలిచే ఉంటుందని లేదా ఖర్చు కాదని భావించవద్దు. మీరు ప్రకటనలు ఇవ్వడానికి సిద్ధంగా లేకపోతే, మీ ప్రచారాలను తాత్కాలికంగా నిలిపివేసి, యాడ్స్ మేనేజర్‌లో వాటి స్థితిని నిర్ధారించుకోండి. ఖర్చును నియంత్రించడానికి మీ ప్రచార బడ్జెట్‌లను, సమయ ప్రణాళికలను సమీక్షించండి. ధృవీకరణను పూర్తి చేయాలని యాడ్స్ మేనేజర్ కోరితే, అక్కడ కనిపించే సూచనలను అనుసరించండి. అవసరమైన ధృవీకరణకు ఆమోదం లభించే వరకు ప్రకటనల ప్రదర్శనపై పరిమితులు విధించవచ్చు.

2. పరిశ్రమల అర్హత

నా వ్యాపారానికి లేదా పరిశ్రమకు ప్రకటనలు ఇవ్వడానికి అర్హత లేదు

• దీని అర్థం: ప్రస్తుత ప్రకటనల విధానాల ప్రకారం మీ పరిశ్రమ లేదా సేవలకు OpenAIలో ప్రకటనలు ఇవ్వడం నిషేధించబడింది. అనుమతి ఉన్న పరిశ్రమలు, సేవల వర్గాల కోసం దయచేసి దిగువ అర్హత పట్టికను చూడండి. వ్యాపారం నమోదై ఉన్నంత మాత్రాన లేదా లైసెన్స్ ఉన్నంత మాత్రాన ప్రతి ప్రకటన వర్గంలోనూ, మార్కెట్‌లోనూ దానికి అర్హత లభించదు.

• తదుపరి చర్య: ప్రకటనదారు ఖాతా గురించి తీసుకున్న నిర్ణయం సరికాదని మీరు భావిస్తే, నిర్ణయాన్ని తెలియజేసిన ఇమెయిల్‌లోని అప్పీల్ లింక్‌ను ఉపయోగించండి. ఒక నిర్దిష్ట ప్రకటనపై తీసుకున్న నిర్ణయం కోసం, యాడ్స్ మేనేజర్‌లో అప్పీల్ లేదా సమీక్షను అభ్యర్థించండి ఎంపిక అందుబాటులో ఉన్నప్పుడు దాన్ని ఉపయోగించండి. సంబంధిత అప్పీల్ ఎంపిక కనిపించకపోతే లేదా దాన్ని తెరవలేకపోతే, ప్రకటనల సహాయ బృందాన్ని సంప్రదించండి.

3. ప్రకటనల తిరస్కరణలు (విధానాల ప్రకారం అర్హత పట్టిక)

నా ప్రకటన తిరస్కరించబడింది

• ముందుగా తనిఖీ చేయండి: యాడ్స్ మేనేజర్‌లో తిరస్కరణ సందేశాన్ని చదివి, ఏ వచనం, చిత్రం లేదా గమ్య పేజీ కారణంగా తిరస్కరించబడిందో గుర్తించండి. ప్రకటనలోని అన్ని అంశాలు, దాని గమ్యస్థానం ప్రకటనల విధానాలకు అనుగుణంగా ఉన్నాయని, ఒకే ఉత్పత్తి లేదా సేవను వివరిస్తున్నాయని నిర్ధారించుకోండి.

• తదుపరి చర్య: పేర్కొన్న విధానపరమైన కారణం మీ ప్రకటనకు వర్తించదని మీరు భావిస్తే, యాడ్స్ మేనేజర్‌లోని అప్పీల్ ఎంపికను లేదా సమీక్షను అభ్యర్థించండి బటన్‌ను ఉపయోగించవచ్చు. సమస్య పరిష్కారానికి అప్పీల్ చేయడమే అత్యంత వేగవంతమైన మార్గం. కాబట్టి అప్పీల్ ఎంపిక అందుబాటులో లేకపోతే లేదా అప్పీల్‌పై నిర్ణయం రాకుండా 7 రోజులకు మించి గడిస్తే మాత్రమే ప్రకటనల సహాయ బృందాన్ని సంప్రదించండి.

నేను ఎంచుకున్న దేశాల్లో నా ప్రకటనలు ప్రదర్శించలేను

• దీని అర్థం: ప్రచారంలో లక్ష్యంగా ఎంచుకున్న దేశాలను, అక్కడ విధానాల ప్రకారం అనుమతించిన వర్గాలతో పోల్చి చూడండి. నిర్దిష్ట భౌగోళిక ప్రాంతాల్లో సంబంధిత విధాన వర్గాలకు అనుమతి లేనప్పుడు ఈ లోప సందేశం కనిపిస్తుంది. కొన్ని వర్గాలు ఎంపిక చేసి ఆమోదించిన ప్రకటనదారులకు మాత్రమే పరిమితం. ప్రస్తుతం మేము కొద్దిమంది ప్రకటనదారులతో మాత్రమే పని చేస్తున్నాము. కొన్ని విధాన వర్గాల్లో ఆమోదం కోసం దరఖాస్తులను స్వీకరించడం లేదు. దిగువన ఉన్న ప్రకటనల విధానాల ప్రకారం అర్హత పట్టికను చూడండి.

  ఒక ప్రకటన సమీక్షలో ఆమోదం పొందినా, ఎంచుకున్న దేశాల్లో ప్రదర్శించడానికి అర్హత లేకపోవచ్చు. విధాన వర్గాన్ని, దేశాలవారీగా ఉన్న పరిమితులను తనిఖీ చేయండి. మీ ప్రకటనను తప్పు వర్గంలో చేర్చారని మీరు భావిస్తే, అందుబాటులో ఉన్న అప్పీల్ లేదా సమీక్షను అభ్యర్థించండి ఎంపికను ఉపయోగించండి.

• తదుపరి చర్య: మీ ప్రకటనపై విధానపరమైన పరిమితి విధించడం సరికాదని మీరు భావిస్తే, యాడ్స్ మేనేజర్‌లో లేదా తిరస్కరణ నోటీసులో అప్పీల్ ఎంపిక అందుబాటులో ఉన్నప్పుడు దాన్ని ఉపయోగించండి. సమస్య పరిష్కారానికి అప్పీల్ చేయడమే అత్యంత వేగవంతమైన మార్గం. కాబట్టి అప్పీల్ ఎంపిక అందుబాటులో లేకపోతే లేదా అప్పీల్‌పై నిర్ణయం రాకుండా 7 రోజులకు మించి గడిస్తే మాత్రమే ప్రకటనల సహాయ బృందాన్ని సంప్రదించండి.

4. డొమైన్ ఆమోదాలు

ఈ ఖాతా కోసం నా డొమైన్‌కు ఆమోదం లభించలేదు

• దీని అర్థం: మీరు అందించిన డొమైన్‌తో మీ ప్రకటనదారు గుర్తింపు సరిపోలుతుందని మేము ధృవీకరించలేకపోయాము.

• తదుపరి చర్య: దయచేసి మీరు అందించిన డొమైన్ సమాచారంతో మీ ప్రకటనదారు గుర్తింపు సరిపోలుతుందో లేదో తనిఖీ చేయండి. తిరస్కరణకు కారణం, తదుపరి చర్యల వివరాలతో మీకు ఇమెయిల్ వచ్చి ఉండాలి. ఆ నిర్ణయం సరికాదని మీరు భావిస్తే, దయచేసి ఆ ఇమెయిల్‌లోని లింక్ ద్వారా అప్పీల్ చేయండి. సమస్య పరిష్కారానికి అప్పీల్ చేయడమే అత్యంత వేగవంతమైన మార్గం. అప్పీల్ చేయడంలో ఏవైనా సమస్యలు ఎదురైనా లేదా అప్పీల్ ఎంపిక కనిపించకపోయినా, దయచేసి ప్రకటనల సహాయ బృందాన్ని సంప్రదించండి.

ప్రకటనల సహాయ బృందాన్ని ads-support@openai.com ద్వారా సంప్రదించవచ్చు. సంప్రదించేటప్పుడు, దయచేసి మీ ప్రకటన ఖాతా ఐడీని, మీరు ఎదుర్కొంటున్న సమస్య ఏ వర్గానికి చెందినదో తెలియజేయండి.

కఠిన నియంత్రణలు ఉన్న రంగాల కోసం ప్రకటనల విధానాల ప్రకారం అర్హత పట్టిక

ఆరోగ్యం

ఆర్థిక సేవలు

న్యాయ సేవలు