అవలోకనం
గోప్య భద్రతా ప్రాసెసింగ్‌తో కూడిన జీరో డేటా రిటెన్షన్ (పీఎస్‌పీతో కూడిన జెడ్‌డీఆర్) ద్వారా OpenAI కస్టమర్ ప్రాంప్ట్‌లను లేదా ప్రతిస్పందనలను నిల్వ చేయకుండానే ఆఫ్‌లైన్‌లో స్వయంచాలక భద్రతా సమీక్ష నిర్వహించవచ్చు. పీఎస్‌పీ మీ డేటాను ఎలా రక్షిస్తుందో, సెటప్‌కు ఏమి అవసరమో తెలుసుకోవడానికి పీఎస్‌పీ డెవలపర్ మార్గదర్శిని చదవండి. అర్హత, ఎండ్‌పాయింట్ పరిమితుల కోసం ఏపీఐ డేటా నియంత్రణలు చదవండి.
సెటప్‌ను ప్రారంభించండి
మీ నిల్వ సేవా ప్రదాతకు సంబంధించిన సెటప్, ధ్రువీకరణ సూచనలను అనుసరించమని సంస్థ నిర్వాహకుడిని అడగండి. నిర్దేశిత OpenAI ప్రాజెక్ట్ కోసం క్లౌడ్ ఆకృతీకరణ, నిల్వ నమోదు, ధ్రువీకరణ వివరాలు ఈ మార్గదర్శినిలో ఉన్నాయి.
పీఎస్‌పీ సెటప్ మార్గదర్శినిని తెరవండి
మీ సెటప్‌ను తనిఖీ చేయండి
మీ ప్రాజెక్ట్‌లో నిల్వ కనెక్షన్ స్థితి ధ్రువీకరించబడింది అని, రిటెన్షన్ పాలసీ గోప్య భద్రతా ప్రాసెసింగ్‌తో కూడిన జీరో డేటా రిటెన్షన్ అని చూపుతున్నట్లు నిర్ధారించుకోండి. నిల్వను నమోదు చేసినంత మాత్రాన సెటప్ పూర్తయినట్లు కాదు.
సెటప్ లేదా ధ్రువీకరణ విఫలమైతే, ఎంచుకున్న సంస్థను, ప్రాజెక్ట్‌ను తనిఖీ చేయండి. చూపిన లోపాన్ని సమీక్షించి, మార్గదర్శినిలోని సమస్య పరిష్కార సూచనలను అనుసరించండి.
పీఎస్‌పీ సమస్య పరిష్కార సూచనలను తెరవండి
ప్రారంభ ఏర్పాట్లకు సహాయం పొందండి
ప్రారంభ ఏర్పాట్లలో మీకు OpenAI ఖాతా బృందం సహాయం చేస్తుంటే, ఆ బృందాన్ని సంప్రదించండి. లేకపోతే, అదనపు సహాయం కోసం సహాయక బృందాన్ని సంప్రదించవచ్చు.
సమస్యను పరిష్కరించడంలో మాకు తోడ్పడేందుకు ఈ వివరాలను చేర్చండి:
మీ ఖాతా ఈమెయిల్ చిరునామా, OpenAI సంస్థ ఐడీ, ప్రాజెక్ట్ ఐడీ.
మీ నిల్వ సేవల ప్రదాత, ప్రాంతం, విఫలమైన సెటప్ దశ, చూపిన లోపం లేదా స్థితి.
వైఫల్యం సంభవించిన సమయం, సమయ మండలంతో సహా, అలాగే అందుబాటులో ఉంటే అభ్యర్థన ఐడీ.
ఏపీఐ కీలు, క్లౌడ్ ప్రామాణీకరణ వివరాలు, ప్రాంప్ట్‌లు, ప్రతిస్పందనలు లేదా గుప్తీకరణ తొలగించిన కస్టమర్ రికార్డులను చేర్చవద్దు. స్క్రీన్‌షాట్‌లు, లోపం వివరాలను పంచుకునే ముందు వాటి నుంచి సున్నితమైన సమాచారాన్ని తొలగించండి.