ప్రస్తుతం GPT-4.xను ఉపయోగిస్తున్న పనులను కొత్త మోడల్‌కు మార్చడానికి GPT-6 Lunaతో ప్రారంభించాలని సిఫార్సు చేస్తున్నాం. తగిన కాన్ఫిగరేషన్ మీ అనువర్తనంపై ఆధారపడి ఉంటుంది. కాబట్టి వాస్తవ వినియోగ అభ్యర్థనలను మళ్లించే ముందు, మీ సాధారణ పనిభారాలను ప్రతిబింబించే పనులతో మోడల్‌ను మూల్యాంకనం చేయండి.
మీ రీజనింగ్ సెట్టింగ్‌ను ఎంచుకోండి
రీజనింగ్ ప్రయత్న స్థాయిని noneగా సెట్ చేసి ప్రారంభించండి. GPT-4.xను ఉపయోగిస్తున్న చాలా పనులను ఈ సెట్టింగ్‌తో కొత్త మోడల్‌కు మార్చవచ్చని భావిస్తున్నాం. మీ అనువర్తనానికి నాణ్యత, ప్రతిస్పందన సమయం, ఖర్చుల మధ్య సరైన సమతుల్యతను కనుగొనడానికి ఇతర సెట్టింగ్‌లను పరీక్షించండి.
ఏపీఐ మార్పులు, సాంకేతిక వివరాల కోసం GPT-6 అభివృద్ధిదారుల మార్గదర్శిని చూడండి.
ఖర్చు, పనితీరును పోల్చండి
ఈ మార్పు పరిధిలోని GPT-4.x మోడళ్లతో పోలిస్తే GPT-6 Lunaలో ఒక్కో టోకెన్ ధర తక్కువ. చాలా వినియోగ సందర్భాల్లో, ఇది ఒక్కో టోకెన్‌కు తక్కువ ధరకే మరింత సామర్థ్యం గల మోడల్‌ను అందిస్తుంది.
కొత్త మోడల్‌కు మారే ముందు మీ సొంత పనిభారాలపై మొత్తం ఖర్చును పోల్చండి. టోకెన్ వినియోగం, రీజనింగ్ సెట్టింగ్‌లు ప్రతి పనికి అయ్యే ఖర్చుపై ప్రభావం చూపవచ్చు.
మీ అనువర్తనాన్ని కొత్త మోడల్‌కు మార్చండి
పోలిక కోసం ప్రస్తుత పనితీరును నమోదు చేయండి. ముఖ్యమైన అసాధారణ సందర్భాలతో సహా, మీ వినియోగాన్ని ప్రతిబింబించే అభ్యర్థనలను ఎంచుకుని, మీ ప్రస్తుత మోడల్ నాణ్యత, ప్రతిస్పందన సమయం, ఖర్చును నమోదు చేయండి.
Lunaను మూల్యాంకనం చేయండి. రీజనింగ్ ప్రయత్న స్థాయిని
noneగా సెట్ చేసి ప్రారంభించండి. ఫలితాలను మీరు నమోదు చేసిన ప్రస్తుత పనితీరుతో పోల్చండి. మీ అనువర్తనం ఆధారపడే ప్రవర్తనలను తనిఖీ చేయండి. వర్తించే చోట ఫలితాల ఆకృతి, సాధనాల వినియోగాన్ని కూడా తనిఖీ చేయండి.సర్దుబాటు చేసి మళ్లీ పరీక్షించండి. మీ మూల్యాంకన ఫలితాల ఆధారంగా సూచనలను, రీజనింగ్ ప్రయత్న స్థాయిని, సమాధానాల విస్తృతిని సర్దుబాటు చేసి, మళ్లీ పరీక్షించండి.
దశలవారీగా అమలు చేయండి. వాస్తవ వినియోగ అభ్యర్థనల్లో కొంత భాగాన్ని మాత్రమే మళ్లించడం ద్వారా ప్రారంభించండి. కొత్త మోడల్‌కు మార్పును పూర్తి చేసే ముందు నాణ్యత, ప్రతిస్పందన సమయం, లోపాలు, ఖర్చును పర్యవేక్షించండి.
సహాయం పొందండి
స్వయంగా సేవలను నిర్వహించుకునే కస్టమర్‌లు: help.openai.comలోని సంభాషణ చిహ్నం ద్వారా OpenAI సహాయ బృందాన్ని సంప్రదించండి.
విక్రయ బృందం ద్వారా సేవలు పొందే కస్టమర్‌లు: మా ఇంజినీరింగ్ బృందం సహాయాన్ని ఏర్పాటు చేసుకోవడానికి మీ OpenAI ఖాతా నిర్వహణ బృందాన్ని సంప్రదించండి. మీ ఉత్పత్తికి అనుగుణంగా కొత్త మోడల్‌కు మారే ప్రణాళికను రూపొందించడంలో, Luna నుంచి గరిష్ఠ ప్రయోజనం పొందే మార్గాలను గుర్తించడంలో మేము సహాయపడగలం.