మార్చి 11, 2025 నాటికి, మా కొత్త Agents ప్లాట్‌ఫారమ్ యొక్క బిల్డింగ్ బ్లాక్‌లను విడుదల చేశాము. వివరాల కోసం, మా Responses API కోసం మా API డాక్స్, Web Search, File Search, Computer Use సహా సాధనాలు, మరియు Tracingతో కూడిన మా Agents SDK చూడండి. Assistants API betaపై మీ అభిప్రాయం ఆధారంగా, మేము కీలక మెరుగుదలలను Responses APIలో చేర్చాము. మేము పూర్తి ఫీచర్ సమానత్వాన్ని సాధించిన తర్వాత, 2026 మొదటి అర్ధభాగంలో లక్ష్య సన్‌సెట్ తేదీతో, ఈ సంవత్సరం తరువాత Assistants API డిప్రికేషన్ ప్లాన్ను ప్రకటిస్తాము.
తరచుగా అడిగే ప్రశ్నలు
అసిస్టెంట్స్ ఏపీఐ అంటే ఏమిటి?
అసిస్టెంట్స్ ఏపీఐతో డెవలపర్లు తమ యాప్‌లలో శక్తివంతమైన కృత్రిమ మేధస్సు అసిస్టెంట్‌లను సులభంగా రూపొందించవచ్చు. ఈ ఏపీఐ సంభాషణ చరిత్రను స్వయంగా నిర్వహించాల్సిన అవసరాన్ని తొలగిస్తుంది. అలాగే, OpenAI హోస్ట్ చేసే కోడ్ ఇంటర్‌ప్రెటర్, ఫైల్ శోధన వంటి సాధనాలను ఉపయోగించుకునే వీలు కల్పిస్తుంది. మూడవ పక్ష సాధనాల కోసం మెరుగైన ఫంక్షన్ కాలింగ్‌కు కూడా ఈ ఏపీఐ మద్దతు ఇస్తుంది.
నేను ఇప్పటికీ అసిస్టెంట్స్ API v1 బీటాను ఉపయోగించవచ్చా?
లేదు. డిసెంబర్ 18, 2024 నుంచి అసిస్టెంట్ API బీటా v1 వెర్షన్‌ను వినియోగదారులు యాక్సెస్ చేయలేరు. ప్రస్తుతం మేము v2కు మాత్రమే మద్దతు ఇస్తున్నాము. మీ API కాల్‌లను v1 నుంచి v2కు మార్చడానికి ఈ మైగ్రేషన్ మార్గదర్శిని చూడండి.
నేను దీన్ని ఎలా యాక్సెస్ చేయాలి?
OpenAI API ఖాతా ఉన్న ఎవరైనా Assistants APIను ఉపయోగించవచ్చు, కానీ ఇది డిప్రికేట్ చేయబడింది మరియు ఆగస్టు 2026లో తొలగించబడుతుంది. కొత్త ప్రాజెక్ట్‌ల కోసం, బదులుగా Responses APIను ఉపయోగించండి. మీరు ఇప్పటికే Assistants APIను ఉపయోగిస్తుంటే, Responses APIకి మీ మైగ్రేషన్‌ను ప్రణాళిక చేయండి. API అందుబాటులో ఉన్నంత వరకు Assistants Playgroundలో ఇప్పటికే ఉన్న అసిస్టెంట్‌లను మీరు ఇంకా యాక్సెస్ చేయవచ్చు.
అసిస్టెంట్ అంటే ఏమిటి?
అసిస్టెంట్ అనేది ఒక నిర్దిష్ట ప్రయోజనం కోసం రూపొందించిన కృత్రిమ మేధస్సు వ్యవస్థ. ఇది OpenAI మోడళ్లను ఉపయోగిస్తూ, ఫైళ్లను యాక్సెస్ చేయగలదు, థ్రెడ్‌లను నిల్వ ఉంచి నిర్వహించగలదు, సాధనాలను పిలవగలదు.
థ్రెడ్ అంటే ఏమిటి?
థ్రెడ్ అనేది అసిస్టెంట్, వినియోగదారు మధ్య జరిగే సంభాషణ సెషన్. థ్రెడ్‌లు సందేశాల చరిత్రను నిల్వ చేస్తాయి. సంభాషణ నిడివి మోడల్ సందర్భ పరిమితిని మించినప్పుడు ఆ చరిత్రను కుదిస్తాయి. ఇలా అవి అప్లికేషన్ అభివృద్ధిని సులభతరం చేస్తాయి.
ఫైల్ శోధన సాధనం అంటే ఏమిటి?
మోడల్ సమాధానాలను మెరుగుపరచడానికి మీ ఫైళ్ల నుంచి సరైన డేటాను వెలికితీయడంలో file_search సాధనం సహాయపడుతుంది. ఇందుకోసం ఇది పలు ఉత్తమ సమాచార వెలికితీత పద్ధతులను అదనపు ఏర్పాటు అవసరం లేకుండానే అమలు చేస్తుంది.
డిఫాల్ట్‌గా file_search సాధనం కింది సెట్టింగ్‌లను ఉపయోగిస్తుంది:
భాగం పరిమాణం: 800 టోకెన్‌లు
భాగాల మధ్య ఉమ్మడి కంటెంట్: 400 టోకెన్‌లు
ఎంబెడ్డింగ్ మోడల్: 256 పరిమాణాలతో text-embedding-3-large
సందర్భానికి జోడించే భాగాల గరిష్ఠ సంఖ్య: 20
ఫైల్ అప్‌లోడ్‌కు ఉన్న పరిమితులు ఏమిటి?
ఫైల్‌ను అప్‌లోడ్ చేయడానికి ఉన్న పరిమితులు:
ఒక్కో ఫైల్‌కు 512 మెగాబైట్లు
ఒక్కో ఫైల్‌కు 50 లక్షల టోకెన్‌లు
ఒక్కో వెక్టర్ స్టోర్‌కు 10 వేల ఫైళ్లు
ఒక్కో అసిస్టెంట్‌కు 1 వెక్టర్ స్టోర్
ఒక్కో థ్రెడ్‌కు 1 వెక్టర్ స్టోర్
ఒక సంస్థలోని ప్రతి ప్రాజెక్ట్‌కు మొత్తం నిల్వ పరిమితి 100 గిగాబైట్లు.
ఫైల్ శోధన సాధనానికి ఉన్న పరిమితులు ఏమిటి?
మాకు తెలిసిన కొన్ని పరిమితులు ఉన్నాయి. రాబోయే నెలల్లో వీటిని అధిగమించే సామర్థ్యాలను జోడించేందుకు కృషి చేస్తున్నాం:
ప్రస్తుతం భాగాలుగా విభజించడం, ఎంబెడ్డింగ్ లేదా సమాచార వెలికితీతకు సంబంధించిన సెట్టింగ్‌లను మార్చే వీలు లేదు.
పత్రాల్లోని చిత్రాలను పార్స్ చేసే సదుపాయం లేదు.
నిర్మిత ఫైల్ ఫార్మాట్‌ల నుంచి (.csv లేదా .jsonl ఫైళ్ల వంటివి) సమాచారాన్ని వెలికితీసే సదుపాయం లేదు. మద్దతు ఉన్న ఫైల్ రకాలను చూడండి.
అసిస్టెంట్స్ ఏపీఐకి అభ్యర్థన రేటు పరిమితులు ఏమిటి?
అసిస్టెంట్స్ ఏపీఐ అభ్యర్థన రేటు పరిమితులు వినియోగ స్థాయి, మోడల్పై ఆధారపడవు. బదులుగా, అభ్యర్థన రకాన్ని బట్టి డిఫాల్ట్ పరిమితులు ఉంటాయి. వీటికి కొన్ని మినహాయింపులు ఉన్నాయి:
GET: నిమిషానికి 1000 అభ్యర్థనలు
POST: నిమిషానికి 300 అభ్యర్థనలు
DELETE: నిమిషానికి 300 అభ్యర్థనలు
ఏపీఐలో కోడ్ ఇంటర్‌ప్రెటర్ ధర ఎంత?
కోడ్ ఇంటర్‌ప్రెటర్ ధర ఒక్కో సెషన్‌కు $0.03. మీ అసిస్టెంట్ ఒకేసారి రెండు వేర్వేరు థ్రెడ్‌లలో కోడ్ ఇంటర్‌ప్రెటర్‌ను పిలిస్తే, రెండు కోడ్ ఇంటర్‌ప్రెటర్ సెషన్‌లు ఏర్పడతాయి (2 * $0.03). డిఫాల్ట్‌గా ప్రతి సెషన్ ఒక గంటపాటు సక్రియంగా ఉంటుంది. అంటే, మీ వినియోగదారు అదే థ్రెడ్‌లో కోడ్ ఇంటర్‌ప్రెటర్‌కు ఒక గంట వరకు సూచనలు ఇస్తూ ఉంటే, ఈ రుసుమును ఒక్కసారి మాత్రమే చెల్లిస్తారు.
ఏపీఐలో ఫైల్ శోధన ధర ఎంత?
ఫైల్ శోధన కోసం వెక్టర్ స్టోర్ నిల్వకు రోజుకు ఒక్కో గిగాబైట్‌కు $0.10 వసూలు చేస్తారు (మొదటి గిగాబైట్ నిల్వ ఉచితం). మీ ఫైల్‌ను పార్స్ చేసి, భాగాలుగా విభజించి, ఎంబెడ్డింగ్ చేసిన తర్వాత ఏర్పడే వెక్టర్ స్టోర్ పరిమాణాన్నే నిల్వ పరిమాణంగా లెక్కిస్తారు.
2024 ఏప్రిల్ 17కు ముందు సృష్టించిన వెక్టర్ స్టోర్‌లన్నీ 2024 చివరి వరకు ఉచితం. ఆ తర్వాత వాటికి కింది వాటిలో ఒకటి వర్తిస్తుంది:
2024 ఏప్రిల్ 17 తర్వాత సృష్టించిన ఏదైనా రన్‌లో వాటిని కనీసం ఒక్కసారైనా ఉపయోగించి ఉంటే, అప్పటి ధరల ప్రకారం రుసుము వసూలు చేస్తారు (ప్రస్తుతం రోజుకు ఒక్కో గిగాబైట్‌కు $0.10).
2024 ఏప్రిల్ 17 నుంచి 2024 డిసెంబర్ 31 మధ్య ఒక్క రన్‌లో కూడా ఉపయోగించని వాటిని తొలగిస్తారు. ఈ ధరల మార్పును ప్రకటించకముందు మీరు సృష్టించి, ఎప్పుడూ ఉపయోగించని వెక్టర్ స్టోర్‌లకు రుసుము పడకుండా ఉండేందుకు ఇలా చేస్తారు.
నేను ఎన్ని అసిస్టెంట్‌లను సృష్టించగలనన్న దానికి పరిమితి ఉందా?
ఒక సంస్థ సృష్టించగల అసిస్టెంట్‌ల సంఖ్యకు పరిమితి లేదు.
ఏపీఐలో స్ట్రీమింగ్ అందుబాటులో ఉందా?
అవును, అసిస్టెంట్స్ ఏపీఐలో స్ట్రీమింగ్ అందుబాటులో ఉంది.
అసిస్టెంట్స్ ఏపీఐలో జేసన్ మోడ్ అందుబాటులో ఉందా?
అవును, అసిస్టెంట్స్ ఏపీఐలోని Assistants లేదా Run ఆబ్జెక్ట్‌లపై response_format పారామీటర్ ద్వారా జేసన్ మోడ్ అందుబాటులో ఉంది.
అసిస్టెంట్స్ ఏపీఐ మూడవ పక్ష ఫంక్షన్ కాల్‌ల అభ్యర్థనలను కూడా నిర్వహిస్తుందా?
లేదు. ఫంక్షన్ కాలింగ్ ద్వారా మోడల్ సాధనాలను ఎంచుకుని, వాటికి తగిన రూపంలో అభ్యర్థనలను సిద్ధం చేయగలదు. అయితే, మూడవ పక్ష సాధనాలకు చేసే కాల్‌ల అమలును OpenAI నిర్వహించదు.
నేను OpenAIకి పంపే డేటాను ఎలా నిర్వహిస్తారు?
మా ప్లాట్‌ఫారమ్‌లోని మిగతా సేవల మాదిరిగానే, OpenAI ఏపీఐకి పంపిన డేటా, ఫైళ్లను మా మోడళ్లకు శిక్షణ ఇవ్వడానికి ఎప్పుడూ ఉపయోగించము. మీరు కోరుకున్నప్పుడల్లా మీ డేటాను తొలగించవచ్చు. అసిస్టెంట్స్ ఏపీఐకి అప్‌లోడ్ చేసిన డేటాను వినియోగదారు స్వయంగా తొలగించే వరకు కాలపరిమితి లేకుండా నిల్వ ఉంచుతారు.
అసిస్టెంట్స్ ఏపీఐ ద్వారా DALL-E అందుబాటులో ఉందా?
ప్రస్తుతం DALL-E అందుబాటులో లేదు.
Assistants APIకి UI ఉందా?
Assistants API కోసం Playgroundను చూడవచ్చు. మీరు ఎడమ సైడ్‌బార్‌లో Assistants వీక్షణలో ఉన్నారని, ఆన్ చేయాలనుకునే సాధనాలకు అనుకూలమైన మోడల్‌ను ఉపయోగిస్తున్నారని నిర్ధారించుకోండి.
అసిస్టెంట్స్ ఏపీఐలో అసిస్టెంట్ సూచనలకు అక్షరాల పరిమితి ఎంత?
అసిస్టెంట్ సూచనల ఫీల్డ్‌లో గరిష్ఠంగా 2,56,000 అక్షరాలు ఉండవచ్చు.
నాకు ఈ తరహా దోష సందేశం కనిపిస్తోంది: “మీ అభ్యర్థనను ప్రాసెస్ చేస్తున్నప్పుడు సర్వర్‌లో లోపం ఏర్పడింది. అందుకు క్షమించండి. మీరు అభ్యర్థనను మళ్లీ ప్రయత్నించవచ్చు. లోపం కొనసాగితే, help.openai.comలోని మా హెల్ప్ సెంటర్ ద్వారా మమ్మల్ని సంప్రదించండి. ” నేను ఏం చేయాలి?
మీకు ఈ లోపం కనిపిస్తుంటే, మీ ప్రాంప్ట్‌ను సరిగ్గా ఏర్పాటు చేయకపోవడం కారణం కావచ్చు. అభ్యర్థనను మళ్లీ మళ్లీ ప్రయత్నించినా విఫలమవుతుంటే, వీటిని ప్రయత్నించండి:
ఫంక్షన్‌లను పోలిన ఆదేశాలను ఫంక్షన్‌లుగానే పరిగణించేలా మీ ప్రాంప్ట్‌ను పునర్నిర్మించండి
మీ ప్రాంప్ట్‌లోని ప్రతి ఆదేశాన్ని ఒక ఫంక్షన్‌గా toolsకు జోడించండి
నా ఫైల్ శోధన సాధనం సరిగ్గా ఎందుకు పనిచేయడం లేదు?
ఫైల్ శోధన సాధనాన్ని ఉపయోగించేటప్పుడు max_prompt_tokens విలువను కనీసం 20,000గా సెట్ చేయాలని సిఫార్సు చేస్తున్నాం. సుదీర్ఘ సంభాషణలు లేదా ఫైల్ శోధనతో పలుమార్లు పరస్పర చర్యలు జరిపేటప్పుడు, ఈ పరిమితిని 50,000కు పెంచడాన్ని పరిగణించండి. అత్యుత్తమ నాణ్యత గల ఫలితాల కోసం max_prompt_tokens పరిమితులను పూర్తిగా తొలగించడం మరింత మంచిది.
నేను అభిప్రాయాన్ని ఎలా తెలియజేయగలను?
మీ అభిప్రాయాలను వినడానికి మేము ఆసక్తిగా ఉన్నాం. మా డెవలపర్ వేదికలో, help.openai.comలోని హెల్ప్ సెంటర్ ద్వారా లేదా ట్విట్టర్‌లో @OpenAIDevsకు వాటిని తెలియజేయండి.