నేను వేరే దేశానికి ప్రయాణిస్తున్నాను. ChatGPT లేదా APIని ఉపయోగించలేకపోతున్నాను.

మా సేవలు అందుబాటులో ఉన్న దేశం లేదా ప్రాంతంలో మీరు ChatGPT లేదా API ఖాతాను సృష్టించి, ఇప్పుడు అవి అందుబాటులో లేని ప్రాంతంలో ప్రయాణిస్తుంటే, మీ ఖాతాలోకి ప్రవేశించడంలో లేదా మా సేవలను ఉపయోగించడంలో ఇబ్బంది ఎదురవవచ్చు.


మా సేవలు అందుబాటులో ఉన్న దేశాలు, ప్రాంతాల జాబితా ఇక్కడ ఉంది.

మా సేవలు అందుబాటులో ఉన్న దేశం లేదా ప్రాంతం నుంచి వాటిని ఉపయోగిస్తున్నప్పటికీ, అవి అందుబాటులో లేని దేశం లేదా ప్రాంతం నుంచి ఉపయోగిస్తున్నట్లు కొన్నిసార్లు దోష సందేశాలు కనిపించవచ్చు. ఉదాహరణకు, మా సేవలు అందుబాటులో లేని ప్రాంతానికి వెళ్లి, అక్కడ మీ పరికరంలో అంతర్జాలాన్ని ఉపయోగించిన తర్వాత ఇంటికి తిరిగివచ్చి OpenAI సేవలను ఉపయోగించడానికి ప్రయత్నిస్తే ఇలా జరగవచ్చు.

మీకు ఇలా జరిగితే, ముందుగా మీ విహారిణిలోని తాత్కాలిక నిల్వను, కుకీలను తొలగించి ప్రయత్నించండి. ఆ తర్వాత వేరే విహారిణి లేదా అజ్ఞాత విహరణ విధానాన్ని ఉపయోగించి మా సేవలను పొందడానికి ప్రయత్నించండి.

ఈ చర్యలతో మీ సమస్య పరిష్కారం కాకపోతే, దయచేసి సహాయ బృందాన్ని సంప్రదించండి. మీరు ఇకపై మా సేవలను ఉపయోగించలేకపోతే, మీకున్న చందాలను రద్దు చేయడంలో మేము సంతోషంగా సహాయం చేస్తాము.