అవలోకనం

ChatGPT అనేది సంభాషణ ద్వారా సహాయపడే కృత్రిమ మేధ సహాయకం. ఇది కింది వాటితో సహా ఎన్నో రకాల పనుల్లో తోడ్పడగలదు:

• ప్రశ్నలకు సమాధానాలు ఇవ్వడం, భావనలను వివరించడం

• విషయాన్ని ముసాయిదాగా రాయడం, తిరగరాయడం లేదా సంగ్రహించడం

• సృజనాత్మక సూచనలు ఇవ్వడం (ఉదా. కథలు రాయడం లేదా ఆలోచనలు అందించడం)

• తార్కిక రీజనింగ్ ద్వారా సమస్యలను పరిష్కరించడం

• ఒక భాష నుంచి మరో భాషలోకి అనువదించడం

ఇది సహజ భాషను అర్థం చేసుకుంటుంది. సంక్లిష్టమైన సూచనలను పాటించగలదు, సంభాషణలో ఇంతకుముందు చెప్పుకున్న విషయాలను గుర్తుంచుకోగలదు, సందర్భానికి అనుగుణంగా సమాధానాలు ఇవ్వగలదు. చెల్లింపు పథకాన్ని ఉపయోగించే వినియోగదారులు పలు పునాది నమూనాల్లో తమకు కావాల్సినదాన్ని ఎంచుకోవచ్చు. పునాది నమూనాల గురించి మరింత తెలుసుకోండి.

సాధనాలు, ప్రత్యేక మోడ్‌లు

మీ చందా స్థాయి, సెట్టింగ్‌లను బట్టి, ChatGPT తన సామర్థ్యాలను విస్తరించుకోవడానికి అంతర్నిర్మిత సాధనాలను ఉపయోగించవచ్చు.

శోధన (అంతర్జాలంలో వెతకడం)

ఇటీవలి లేదా ఎప్పటికప్పుడు లభించే సమాచారాన్ని అంతర్జాలంలో వెతికేందుకు ChatGPTకి వీలు కల్పిస్తుంది. తాజా సంఘటనలు, పరిచయం లేని అంశాలపై ప్రశ్నలకు లేదా మూలాధారాలతో కూడిన సమాధానాలు కావాలనుకున్నప్పుడు ఉపయోగపడుతుంది. ChatGPT సెర్చ్ గురించి మరింత తెలుసుకోండి.

డీప్ రీసెర్చ్

అనేక దశల్లో సాగే పరిశోధన పనుల కోసం రూపొందించబడింది. ChatGPT పలు అంతర్జాల వనరుల్లోని సమాచారాన్ని చదివి, సమన్వయం చేసి, మూలాలను పేర్కొంటూ స్ట్రక్చర్డ్ అవుట్‌పుట్స్ అందిస్తుంది. వ్యూహరచన, నివేదికలు, పరిశోధనా సాహిత్య సమీక్షలకు ఉపయోగపడుతుంది.డీప్ రీసెర్చ్ గురించి మరింత తెలుసుకోండి.

చిత్రాలను అందించడం, రూపొందించడం

మీరు ఎక్కించిన చిత్రాలు, రేఖాచిత్రాలు, తెరచిత్రాలు లేదా సమాచార పటాలను ChatGPT విశ్లేషించగలదు. వాటిలో చూపిన అంశాల గురించి ప్రశ్నలు అడగవచ్చు, సమాచారాన్ని వెలికితీయవచ్చు లేదా దృశ్యాలను అర్థం చేసుకోవడానికి సహాయం పొందవచ్చు.

సరళమైన వచన సూచనలతో బొమ్మలు, నమూనా రూపాలు లేదా సృజనాత్మక దృశ్యాలను రూపొందించమని కూడా మీరు ChatGPTని అడగవచ్చు. “నేపథ్యంలో సూర్యాస్తమయాన్ని చేర్చు” వంటి సాధారణ భాషా సూచనలతో చిత్రాలను మార్చవచ్చు. ChatGPTలో ఇమేజ్ జనరేషన్ గురించి మరింత తెలుసుకోండి.

ChatGPTతో రూపొందించిన చిత్రంలో మార్పులు చేయమని కూడా మీరు ChatGPTని అడగవచ్చు. ChatGPTలో చిత్రాలను సవరించడం గురించి మరింత తెలుసుకోండి.

ఫైళ్లు, ఆడియో అప్‌లోడ్‌లు

మీరు పత్రాలు, స్ప్రెడ్‌షీట్లు, ప్రెజెంటేషన్లు, మద్దతు ఉన్న ఆడియో ఫైళ్లను అప్‌లోడ్ చేయవచ్చు. ChatGPT వాటిలోని విషయాలను సంగ్రహించగలదు, సమాచారాన్ని వెలికితీయగలదు లేదా వాటి గురించి ప్రశ్నలకు సమాధానాలు ఇవ్వగలదు. ఆడియో రికార్డింగ్‌లను వచనరూపంలోకి మార్చమని కూడా మీరు అడగవచ్చు. ఆడియోను అర్థం చేసుకోవడం, వచనరూపంలోకి మార్చడంలో పనితీరు భాషను బట్టి మారవచ్చు.

మద్దతు ఉన్న ప్లాన్‌లు, ఫైల్ రకాలు, అప్‌లోడ్ సూచనల కోసం చూడండి: ChatGPTకి ఫైళ్లు, ఆడియో అప్‌లోడ్ చేయడం.

మెరుగైన అనుభవం కోసం, ChatGPTకి ఫైళ్లను అప్‌లోడ్ చేసేటప్పుడు మద్దతు ఉన్న, పూర్తిగా నవీకరించిన బ్రౌజర్‌ను ఉపయోగించండి.

దత్తాంశ విశ్లేషణ

గణన పట్టికలు, CSVలు, ఇతర నిర్మిత ఆకృతుల్లోని దత్తాంశాన్ని విశ్లేషించి, దృశ్యరూపంలో చూపేందుకు ChatGPT సురక్షిత వాతావరణంలో కోడ్‌ను అమలు చేయగలదు. ధోరణులను సంగ్రహించడం, దత్తాంశంలోని లోపాలను సరిచేయడం లేదా భవిష్యత్ అంచనాలు వేయడం వంటి పనులకు దీన్ని ఉపయోగించండి. దత్తాంశ విశ్లేషణ గురించి మరింత తెలుసుకోండి.

వాయిస్ మోడ్

మొబైల్ అనువర్తనం లేదా ఈ సదుపాయానికి మద్దతిచ్చే డెస్క్‌టాప్/అంతర్జాల వేదికల ద్వారా ChatGPTతో సహజంగా మాట్లాడండి. మీరు చేతులు ఉపయోగించకుండానే సంభాషించవచ్చు, నచ్చిన స్వరాన్ని ఎంచుకోవచ్చు, సమాధానాలను మాటల్లో వినవచ్చు. వాయిస్ మోడ్ గురించి మరింత తెలుసుకోండి.

మెమరీ

మెమరీని ఆన్ చేసినప్పుడు, మీరు పంచుకున్న ఉపయోగకరమైన విషయాలను (మీ పేరు, అభిరుచులు లేదా లక్ష్యాలు వంటివి) ChatGPT గుర్తుంచుకుని, భవిష్యత్తులో మీకు అనుగుణంగా సమాధానాలు ఇవ్వగలదు. గుర్తుంచుకున్న విషయాలను మీరు ఎప్పుడైనా చూడవచ్చు, సవరించవచ్చు లేదా తొలగించవచ్చు. మెమరీ గురించి మరింత తెలుసుకోండి

ప్రాజెక్టులు

ఒకే లక్ష్యానికి సంబంధించిన సంభాషణలు, దస్త్రాలు, సందర్భ సమాచారాన్ని క్రమబద్ధంగా ఉంచుకోవడానికి ప్రాజెక్టులు వీలు కల్పిస్తాయి. పలు విడతల్లో సాగే పనులకు, సమష్టి కృషికి లేదా దీర్ఘకాల పరిశోధనలకు ఇది అనువైనది. ప్రాజెక్టుల గురించి మరింత తెలుసుకోండి.

నిర్ణీత సమయానికి చేసే పనులు

కొందరు వినియోగదారులు భవిష్యత్తులో గుర్తుచేసే సందేశాలు పంపడం, విశ్లేషణలు చేయడం లేదా తాజా సమాచారం కోసం అంతర్జాలంలో వెతకడం వంటి పనులను ChatGPT తనంతట తానుగా చేసేలా ఏర్పాటు చేయవచ్చు. పనులను ఒక్కసారి లేదా మళ్లీ మళ్లీ చేసేలా ఏర్పాటు చేయవచ్చు.నిర్ణీత సమయానికి చేసే పనుల గురించి మరింత తెలుసుకోండి.

కస్టమ్ GPTలు

ప్రత్యేకంగా రూపొందించిన సూచనలు, అప్‌లోడ్ చేసిన ఫైల్‌లు, ఎంచుకున్న టూల్స్‌కు యాక్సెస్‌తో మీ స్వంత AI అసిస్టెంట్‌ను రూపొందించవచ్చు. ఈ అసిస్టెంట్‌లు ChatGPT యొక్క ప్రత్యేకీకృత వెర్షన్‌లలా పనిచేస్తాయి మరియు వీటిని షేర్ చేయవచ్చు లేదా పబ్లిక్ డైరెక్టరీలో ప్రచురించవచ్చు.

• కస్టమ్ పేరు, ప్రొఫైల్, ప్రవర్తనను సెట్ చేయండి

• నాలెడ్జ్ సోర్స్‌లుగా ఉపయోగించడానికి ఫైల్‌లను జోడించండి

• మీ GPT ఏ టూల్స్ మరియు APIలను ఉపయోగించగలదో ఎంచుకోండి

GPT Store

నిర్దిష్ట పనుల కోసం ఇతరులు రూపొందించిన సహాయకాలను వెతకండి, ఉపయోగించండి లేదా ప్రచురించండి. రచన, ప్రోగ్రామ్‌ల రూపకల్పన, ఉత్పాదకత, విద్యతో పాటు మరెన్నో విభాగాలు ఉన్నాయి. అవసరాలకు అనుగుణంగా రూపొందించిన GPTల గురించి మరింత తెలుసుకోండి.