ઝાંખી

ChatGPTમાં ટીમ તમારા વર્કસ્પેસના એવા લોકોને એકસાથે લાવે છે જેઓ એક જ પ્રોજેક્ટ પર કામ કરે છે. તમારા સહકર્મીઓને એક વાર ઉમેરો, પછી દરેક વ્યક્તિ સાથે અલગથી શેર કરવાને બદલે ટીમ સાથે પૃષ્ઠ અથવા આખી ChatGPT સ્પેસ શેર કરો.

કોણ સાથે કામ કરશે તે ટીમ નક્કી કરે છે. તેઓ જે સામગ્રી અને સંદર્ભ શેર કરે છે તે ChatGPT સ્પેસમાં રહે છે. તમે ટીમ સાથે એકથી વધુ ChatGPT સ્પેસ શેર કરી શકો છો અને એક ChatGPT સ્પેસમાં એકથી વધુ ટીમો હોઈ શકે છે. ઉદાહરણ તરીકે, તમે આ કરી શકો છો:

• ઉત્પાદન, ઇજનેરી, ડિઝાઇન, કામગીરી અને માર્કેટિંગ વિભાગો માટે ઉત્પાદન રજૂ કરવાની ટીમ બનાવો, પછી રજૂઆત માટેની ChatGPT સ્પેસ અને સંબંધિત પૃષ્ઠો શેર કરો.

• ગ્રાહક ખાતાની યોજનાઓ અને કામની સોંપણી માટેની સામગ્રી શેર કરવા વેચાણ, ઉકેલ ઇજનેરી અને ગ્રાહક સફળતા વિભાગોને ગ્રાહક ખાતાની ટીમમાં એકસાથે લાવો.

• વિવિધ પ્રોજેક્ટમાં અભિયાનની રૂપરેખાઓ, સંશોધન અને આયોજન માટેની ChatGPT સ્પેસ શેર કરવા માર્કેટિંગ કે કામગીરીની કાયમી ટીમનો ઉપયોગ કરો.

પ્રોજેક્ટનું સાપ્તાહિક અપડેટ કે ગ્રાહક સંબંધિત ફેરફારોનો સારાંશ જેવા વારંવાર કરવાના કામ માટે તમે ટીમનાં કાર્યો પણ બનાવી શકો છો. અધિકૃત ટીમ સાથીઓ સાથે મળીને પરિણામોની સમીક્ષા કરી શકે છે, સૂચનાઓ અપડેટ કરી શકે છે અને કાર્યની જાળવણી કરી શકે છે.

ઉપલબ્ધતા

ટીમો ChatGPT Business અને એન્ટરપ્રાઇઝ વર્કસ્પેસમાં ઉપલબ્ધ છે. તમે અને તમારા સહકર્મીઓ જે વર્કસ્પેસના સભ્યો હો તેમાં ટીમનો ઉપયોગ કરો. તમને કઈ ક્ષમતાઓ ઉપલબ્ધ છે તે તમારા વર્કસ્પેસની સેટિંગ્સ અને પરવાનગીઓ નક્કી કરે છે.

ટીમ શું શેર કરે છે તે સમજો

સહિયારાં પૃષ્ઠો, ChatGPT સ્પેસ, કાર્યો અને અન્ય સમર્થિત સંસાધનોને એકસાથે લાવવા તમારી ટીમનો ઉપયોગ કરો.

ChatGPT સ્પેસ અને સૂચનાઓ

તમારી ટીમ સાથે પૃષ્ઠ અથવા ChatGPT સ્પેસ શેર કરો જેથી સહકર્મીઓ એક જ કામ પર સાથે કામ કરી શકે. એક ટીમને એકથી વધુ ChatGPT સ્પેસનો ઍક્સેસ હોઈ શકે છે અને એક ChatGPT સ્પેસમાં એકથી વધુ ટીમો હોઈ શકે છે. સભ્યો સામગ્રી જોઈ કે સંપાદિત કરી શકે છે કે નહીં તે શેર કરવાની પરવાનગીઓ અને તેમને મળેલા અન્ય ઍક્સેસ પર આધાર રાખે છે.

જ્યારે તમે ટીમનું કાર્ય બનાવો, ત્યારે તેના માટે જરૂરી સૂચનાઓ અને સ્રોતોના સંદર્ભો આપો. ટીમ સાથે ChatGPT સ્પેસ શેર કરવાથી તેની બધી સામગ્રી આપમેળે દરેક કાર્યનો ભાગ બનતી નથી.

પ્લગઇન અને જોડાણો

ટીમ સાથે શેર કરેલા પ્લગઇનનો ઉપયોગ તેના સભ્યો અને તેનાં કાર્યો બંને કરી શકે છે. પ્લગઇન સાધનો કે કૌશલ્યો પૂરાં પાડે છે; જરૂરી ઍપ ઍક્સેસ ઉપયોગમાં લેવાતા જોડાણ પર આધાર રાખે છે.

પ્લગઇન શેર કરવાથી તમારું વ્યક્તિગત ઍપ જોડાણ શેર થતું નથી. ટીમનાં કાર્યો ટીમ માટે ગોઠવેલાં જોડાણોનો ઉપયોગ કરે છે. તે કઈ માહિતી મેળવી શકે અને કઈ ક્રિયાઓ કરી શકે તે જોડાયેલું સેવા પ્રદાતાનું ખાતું નક્કી કરે છે. કાર્ય વર્કસ્પેસના સક્ષમ કરેલા જોડાણનો ઉપયોગ કરી શકે તે માટે ટીમના દરેક સભ્યે સેવા પ્રદાતાનું એ જ ખાતું જોડવાની જરૂર નથી.

પ્લગઇન વિશે વધુ માહિતી માટે જુઓ: ChatGPT અને Codexમાં પ્લગઇન.

કાર્યો અને પરિણામો

વર્કસ્પેસની પરવાનગીઓ અનુમતિ આપતી હોય તો ટીમના સભ્યો કાર્યોનું સંચાલન કરી શકે છે અને ઉપલબ્ધ કાર્ય-અમલની સમીક્ષા કરી શકે છે. આમાં તેઓ જોડાયા તે પહેલાં પૂર્ણ થયેલા કાર્ય-અમલ પણ સામેલ છે. કાર્યો તેમની સાચવેલી સૂચનાઓ અને ટીમ માટે ગોઠવેલાં જોડાણોનો ઉપયોગ કરે છે. તેમાં કાર્ય બનાવનારની વ્યક્તિગત સાચવેલી સ્મૃતિઓ, કસ્ટમ સૂચનાઓ કે ચેટનો ઇતિહાસ આપમેળે સામેલ થતા નથી.

ટીમો, વર્કસ્પેસ અને જૂથો

તમારા વર્કસ્પેસમાં તમારી સંસ્થાના સભ્યો, સેટિંગ્સ અને વહીવટી નિયંત્રણો હોય છે. ટીમ તે વર્કસ્પેસના લોકોને સહિયારા કામ માટે એકસાથે લાવે છે. ટીમ બનાવવાથી કે તેમાં જોડાવાથી તમે વર્કસ્પેસના સંચાલક બનતા નથી.

વર્કસ્પેસનાં જૂથો સંચાલકોને સભ્યોને વ્યવસ્થિત કરવામાં, સંસાધનો શેર કરવામાં અને સુવિધાઓના ઍક્સેસ માટે કસ્ટમ ભૂમિકાઓ સોંપવામાં મદદ કરે છે. જૂથોનું સંચાલન જાતે કરી શકાય છે અથવા તેમને ઓળખ પ્રદાતા સાથે સમન્વયિત કરી શકાય છે. ટીમ સહકર્મીઓને પૃષ્ઠો, ChatGPT સ્પેસ અને કાર્યો પર સાથે કામ કરવા માટે સહિયારું સભ્યપદ આપે છે. ટીમના સભ્યપદ, સામગ્રી શેર કરવાની પ્રક્રિયા અને સાધનોની પરવાનગીઓનું સંચાલન અલગથી થાય છે.

ઉદાહરણ તરીકે, સંચાલક કોઈ વિભાગને સુવિધાનો ઍક્સેસ આપવા માટે જૂથનો ઉપયોગ કરી શકે છે. ત્યાર બાદ સહકર્મીઓ પ્રોજેક્ટનાં સંસાધનો શેર કરવા અને નિયમિત અપડેટનું સંચાલન કરવા ટીમ બનાવી શકે છે.

ટીમનું સભ્યપદ મળ્યા પછી પણ વર્કસ્પેસની પરવાનગીઓ લાગુ રહે છે. જૂથોના વહીવટ માટે જુઓ: જૂથો અને જૂથ સંચાલકોનું સંચાલન.

ટીમ બનાવો

ટીમના સભ્યો અને સહિયારું કામ જે વર્કસ્પેસમાં હોય તેમાં ટીમ બનાવો. જો તમને ટીમો બનાવવાની પરવાનગી ન હોય, તો ઍક્સેસ વિશે તમારા વર્કસ્પેસના સંચાલકને પૂછો.

1. ટીમોની યાદી ખોલો.

2. ટીમ બનાવો પસંદ કરો.

3. નામ દાખલ કરો અને ઇચ્છો તો વર્ણન પણ દાખલ કરો.

4. પૂર્ણ કરવા માટે ટીમ બનાવો પસંદ કરો.

તમે ટીમના માલિક બનો છો. ટીમ પાસે ગોઠવેલાં જોડાણોનો ઉપયોગ કરીને ક્લાઉડમાં કાર્યો ચલાવવા માટે પોતાનું સેવા ખાતું હોય છે.

સભ્યો ઉમેરો અથવા ટીમમાં જોડાઓ

ટીમના સભ્યો એ જ વર્કસ્પેસના સહકર્મીઓને આમંત્રિત કરી શકે છે.

1. ટીમ ખોલો અને આમંત્રિત કરો પસંદ કરો.

2. નામ અથવા ઇમેઇલ દ્વારા શોધો અને ઉમેરવા માટે સહકર્મીઓ પસંદ કરો.

3. સભ્ય ઉમેરો અથવા સભ્યો ઉમેરો પસંદ કરો.

ટીમમાં જોડાવાની લિંક શેર કરવા, આમંત્રિત કરોના વિકલ્પો ખોલો અને લિંક કૉપિ કરો પસંદ કરો. એ જ વર્કસ્પેસના અન્ય સભ્યો લિંક ખોલીને જોડાઈ શકે છે; જોડાવા માટે ટીમના માલિકની અલગ મંજૂરી જરૂરી નથી. વર્કસ્પેસના જે સભ્યો ટીમમાં જોડાતાં પહેલાં તેની લિંક ખોલે છે તેમને ટીમનું નામ અને સભ્યોની યાદી દેખાઈ શકે છે.

સહકર્મીઓને આમંત્રિત કરતાં કે જોડાવાની લિંક શેર કરતાં પહેલાં, ટીમનાં હાલનાં કાર્યો, કાર્ય-અમલનો ઇતિહાસ અને ગોઠવેલાં જોડાણોની સમીક્ષા કરો. ટીમ સાથે પૃષ્ઠો અને ChatGPT સ્પેસ અલગથી શેર કરો અને દરેક સંસાધનને શેર કરવાની પરવાનગીઓની સમીક્ષા કરો.

વર્કસ્પેસનું RBAC અને ટીમની પરવાનગીઓ

એન્ટરપ્રાઇઝ વર્કસ્પેસમાં, રોલ-બેસ્ડ એક્સેસ કન્ટ્રોલ (RBAC) વડે સંચાલકો નિયંત્રિત કરી શકે છે કે કોણ ટીમો બનાવી શકે અને કોણ ટીમનાં કાર્યો બનાવી કે અપડેટ કરી શકે. સુવિધાઓની પરવાનગીઓ, ટીમનું સભ્યપદ અને જોડાણોના ઍક્સેસનું સંચાલન અલગથી થાય છે.

ટીમો બનાવવાની પરવાનગી મળવાથી તમે કોઈ ટીમમાં ઉમેરાઈ જતા નથી કે તમને દરેક ટીમનો ઍક્સેસ મળતો નથી. તમે ટીમમાં શું કરી શકો તે તમારા સભ્યપદ અને ટીમમાં તમારી ભૂમિકા પર પણ આધાર રાખે છે.

વર્કસ્પેસના માલિકો વર્કસ્પેસના વ્યક્તિગત સભ્યો કે જૂથોને કસ્ટમ ભૂમિકાઓ સોંપી શકે છે. ગોઠવણી માટે જુઓ: ભૂમિકા-આધારિત ઍક્સેસ નિયંત્રણ વડે સુવિધાઓના ઍક્સેસનું સંચાલન.

સભ્ય અને માલિકને મળતો ઍક્સેસ સમજો

ટીમના સભ્યો સહકર્મીઓને આમંત્રિત કરી શકે છે અને માલિક સિવાયના સભ્યોને દૂર કરી શકે છે. સભ્યો દરેક ક્રિયા માટેની પરવાનગીઓ અનુસાર ટીમનાં કાર્યોનું સંચાલન પણ કરી શકે છે.

ફક્ત ટીમના માલિક જ ટીમ કાઢી શકે છે. વર્કસ્પેસના સંચાલકો વર્કસ્પેસનાં જોડાણોનું સંચાલન કરે છે અને તેનો ઉપયોગ કોણ કરી શકે તે નક્કી કરે છે. ટીમના માલિક પસંદ કરે છે કે વર્કસ્પેસનાં કયા પાત્ર જોડાણો ટીમ માટે સક્ષમ કરવા. ટીમના માલિક બનવાથી વર્કસ્પેસના સંચાલકની પરવાનગીઓ મળતી નથી.

સભ્ય તરીકે ટીમ છોડવા માટે, સભ્યો ખોલો અને ટીમ છોડો પસંદ કરો. ટીમ છોડવાથી તેના દ્વારા મળેલો ઍક્સેસ દૂર થાય છે; શેર કરેલા સંસાધનનો તમને અલગથી મળેલો કોઈ પણ ઍક્સેસ યથાવત્ રહે છે. સભ્યને દૂર કરવાની સામાન્ય પ્રક્રિયા દ્વારા ટીમના માલિકને દૂર કરી શકાતા નથી.

ટીમના કાર્યનો ઉપયોગ કરો

ઉદાહરણ તરીકે, પ્રોજેક્ટની ટીમ મંજૂર સ્રોતોમાંથી પ્રગતિ, અવરોધો અને આગળનાં પગલાંની માહિતી એકત્ર કરીને સહિયારી સ્લૅક ચૅનલમાં અપડેટ પોસ્ટ કરવા માટે સાપ્તાહિક કાર્ય ગોઠવી શકે છે. ટીમના સાથીઓ પરિણામની સમીક્ષા કરી શકે છે અને સાચવેલી સૂચનાઓમાં સુધારો કરી શકે છે. કાર્યને તેના સ્રોતોનો ઍક્સેસ અને તે ચૅનલમાં પોસ્ટ કરવાની પરવાનગી જરૂરી છે.

કાર્યો ક્લાઉડમાં ચાલે છે, તેથી કાર્ય બનાવનારે ChatGPT ખુલ્લું રાખવાની જરૂર નથી.

જોડાણની ગોઠવણી, ટ્રિગર, કાર્ય-અમલનો ઇતિહાસ અને મુશ્કેલીનિવારણ માટે જુઓ: ChatGPTમાં ટીમનાં કાર્યો બનાવવા અને તેમનું સંચાલન કરવું.

વારંવાર પૂછાતા પ્રશ્નો

ટીમ અને ChatGPT સ્પેસ વચ્ચે શું તફાવત છે?

ટીમ એટલે એવા લોકોનું જૂથ જેમને કામનો સહિયારો ઍક્સેસ હોય અને જેઓ કાર્યોની જવાબદારી વહેંચતા હોય. તેઓ જે સામગ્રી અને સંદર્ભ પર સાથે કામ કરે છે તે ChatGPT સ્પેસમાં રહે છે. તમે ટીમ સાથે એકથી વધુ ChatGPT સ્પેસ શેર કરી શકો છો અને એક ChatGPT સ્પેસમાં એકથી વધુ ટીમો હોઈ શકે છે.

શું ટીમનો ઉપયોગ કરવા માટે મારે કાર્ય બનાવવું જરૂરી છે?

ના. એ જ સહકર્મીઓ સાથે પૃષ્ઠો, ChatGPT સ્પેસ અને અન્ય સમર્થિત સંસાધનો શેર કરવા માટે તમે ટીમનો ઉપયોગ કરી શકો છો. જો તમે ઇચ્છતા હો કે ChatGPT સમયપત્રક મુજબ અથવા સમર્થિત ટ્રિગરના પ્રતિસાદમાં કોઈ કામ વારંવાર કરે, તો ટીમનું કાર્ય બનાવો.

શું આ માઇક્રોસોફ્ટ ટીમ્સ છે કે ChatGPTનો અલગ પ્લાન છે?

ના. ChatGPTમાં ટીમો વડે તમે તમારા હાલના ChatGPT વર્કસ્પેસમાં લોકોને અને સહિયારા કામને વ્યવસ્થિત કરી શકો છો. માઇક્રોસોફ્ટ ટીમ્સ એ માઇક્રોસોફ્ટની અલગ ઍપ છે.

શું ટીમમાં જોડાવાથી મારી વ્યક્તિગત ચેટ કે ઍપનાં ખાતાં શેર થાય છે?

ટીમમાં જોડાવાથી તમારી વ્યક્તિગત ચેટ કે ઍપનાં જોડાણો આપમેળે શેર થતાં નથી. ટીમ સાથે શેર કરેલાં સંસાધનો અને તેનાં કાર્યો માટે ગોઠવેલાં જોડાણોની સમીક્ષા કરો. પ્લગઇન શેર કરવું અને જોડાયેલા ખાતાનો ઍક્સેસ આપવો એ અલગ ક્રિયાઓ છે.

શું હું બીજા વર્કસ્પેસમાંથી કોઈને ઉમેરી શકું?

ટીમો એક જ વર્કસ્પેસના સભ્યોને એકસાથે લાવે છે. ટીમમાં જોડાવાની લિંક કોઈને વર્કસ્પેસમાં જોડાવાનું આમંત્રણ આપતી નથી.

શું ટીમનું સભ્યપદ વર્કસ્પેસનાં જૂથો કે સ્લૅક અથવા માઇક્રોસોફ્ટ ટીમ્સની ચૅનલો સાથે સમન્વયિત થાય છે?

ના. હાલમાં તે જૂથો કે ચૅનલોમાંથી ટીમનું સભ્યપદ આયાત કરી શકાતું નથી અને પછીથી સભ્યપદમાં થતા ફેરફારો આપમેળે સમન્વયિત થતા નથી. ટીમના સભ્યોને સીધા ChatGPTમાં ઉમેરો કે દૂર કરો.