ChatGPT ուսուցիչների համար տարբերակը հաստատված՝ ԱՄՆ-ի K–12 դասարանների մանկավարժների համար անվճար է մինչև 2028 թ. հունիսը։
Ընդհանուր տեղեկություններ
«ChatGPT ուսուցիչների համար»-ը ChatGPT-ի անվտանգ, ինքնուրույն կարգավորվող տարբերակն է՝ նախատեսված ԱՄՆ-ի նախակրթարանից մինչև 12-րդ դասարանների (K–12) մանկավարժների համար։ Այն ուսուցիչներին և դպրոցի անձնակազմին հնարավորություն է տալիս ԱԲ-ի միջոցով աշխատել ուսումնական նյութերի ու աշակերտների տվյալների հետ՝ կրթական ոլորտին համապատասխան պաշտպանության և վարչարարական վերահսկման միջոցներով, որոնք օգնում են դպրոցներին պահպանել կիրառելի պահանջները։
Հասանելիություն և գներ
Կարող եք օգտվել, եթե՝
Աշխատում եք ԱՄՆ-ի հավատարմագրված հանրակրթական (K–12) դպրոցում կամ դպրոցական շրջանում և
Ուսուցիչ, աշխատակից, դպրոցի ղեկավար կամ դպրոցական շրջանի ադմինիստրատոր եք
Անվճար ժամանակահատվածից հետո կարող ենք վճար սահմանել կամ փոխել գները՝ նպատակ ունենալով պլանը մատչելի պահել մանկավարժների համար։ Գների փոփոխության դեպքում նախապես կտեղեկացնենք՝ մեր պայմաններին համապատասխան։
Պլանը նախատեսված չէ աշակերտների համար։ Յուրաքանչյուր աշխատատարածքից կարող են օգտվել միայն նույն դպրոցական շրջանի՝ հաստատված կարգավիճակով մանկավարժները։
Սկսեք օգտվել որպես մանկավարժ
Ստեղծեք ուսուցիչների աշխատատարածք
Անցեք մանկավարժի կարգավիճակի հաստատման էջ։ Մուտք գործեք կամ ստեղծեք ChatGPT հաշիվ՝ օգտագործելով ձեր դպրոցի կամ դպրոցական շրջանի էլեկտրոնային փոստի հասցեն։
Հաստատեք ձեր մանկավարժի կարգավիճակը՝ օգտագործելով նույն էլեկտրոնային փոստի հասցեն։
Հաստատումից հետո կվերադառնաք ChatGPT-ում մանկավարժի կարգավիճակի հաստատման էջ։ Ընտրեք Ստեղծել նոր աշխատատարածք կամ Ստեղծել աշխատատարածք։ Եթե ինքնաբերաբար չվերադառնաք այդ էջ, կամ հաստատումն ավարտվի ավելի ուշ, կրկին բացեք մանկավարժի կարգավիճակի հաստատման էջը։ Եթե առաջարկվի մուտք գործել, օգտագործեք հաստատման համար օգտագործած նույն հաշիվը։
Մուտքագրեք աշխատատարածքի անունը։ Ծանոթացեք Ուսուցիչների հասանելիության պայմաններին և Աշակերտների տվյալների գաղտնիության համաձայնագրին, նշեք համաձայնության վանդակը, ապա ընտրեք Համաձայնել և շարունակել։
Հետևեք սկզբնական կարգավորման հրահանգներին՝ նշելու ձեր դերը, առարկաներն ու դասարանները։
Միացեք առկա աշխատատարածքի
Եթե ձեր դպրոցը կամ դպրոցական շրջանն արդեն ունի ուսուցիչների աշխատատարածք, ընտրեք այն, երբ առաջարկվի, և հետևեք հրահանգներին՝ միանալու կամ հասանելիություն խնդրելու համար։ Կարող եք նաև խնդրել աշխատատարածքի սեփականատիրոջը կամ ադմինիստրատորին հրավեր ուղարկել ձեր դպրոցական էլեկտրոնային փոստի հասցեին։ Բացեք հրավերը և մուտք գործեք կամ ստեղծեք հաշիվ՝ օգտագործելով այդ էլեկտրոնային փոստի հասցեն։
Անցեք այլ աշխատատարածք կամ օգնություն ստացեք աշխատատարածքից դուրս գալու համար
Եթե պարզապես ուզում եք օգտվել արդեն առկա առանձին անձնական աշխատատարածքից, պրոֆիլի ընտրացանկում ընտրեք Անձնական։
Եթե ձեր ուսուցիչների աշխատատարածքի միակ սեփականատերն եք, չեք կարող ինքնուրույն դուրս գալ դրանից, քանի դեռ մնում եք դրա միակ սեփականատերը։
Ուսուցիչների աշխատատարածքից դուրս գալու հարցում օգնություն ստանալու համար կապվեք OpenAI-ի աջակցման ծառայության հետ՝ Օգնության կենտրոնի զրույցի կոճակի միջոցով։ Նշեք ուսուցիչների աշխատատարածքը և հայտնեք՝ ցանկանում եք դուրս գալ դրանից, ապաակտիվացնել այն, թե խնդրել ընդմիշտ ջնջել այն։ Պահպանեք ձեր անձնական հաշիվը, եթե այն դեռ անհրաժեշտ է ձեզ։
Լուծեք հաստատման ընթացքում առաջացած սխալները
Եթե հաստատման փաստաթղթերն ուղարկելիս տեսնում եք «Անհայտ սխալ» հաղորդագրությունը, բացեք հաստատման էջն այլ դիտարկիչում։ Օգտագործեք նույն ChatGPT հաշիվն ու մուտք գործելու եղանակը, ապա կրկին փորձեք ուղարկել փաստաթղթերը։
Եթե հաստատման սխալները շարունակվում են, կամ չեք կարող հաստատել ձեր՝ որպես մանկավարժ օգտվելու իրավունքը, կապվեք OpenAI-ի աջակցման ծառայության հետ՝ Օգնության կենտրոնի զրույցի կոճակի միջոցով։
Ներառված հնարավորությունները
«ChatGPT ուսուցիչների համար»-ը ներառում է OpenAI-ի ֆլագմանային մոդելը, ինչպես նաև ուսուցիչներին հարմարեցված սկզբնական կարգավորում, հուշումներ և օգտագործման առաջարկվող սցենարներ։ Կարող եք օգտագործել՝
Ձեր նյութերի և տվյալների հետ աշխատելու համար՝ ֆայլերի վերբեռնում, ֆայլերի որոնում, հավելվածներ և տվյալների վերլուծություն։
Տեղեկություններ գտնելու և ուսումնասիրելու համար՝ վեբ որոնում և խորքային ուսումնասիրություն, եթե հասանելի են։
Տարբեր եղանակներով աշխատելու և պատասխաններն անհատականացնելու համար՝ ձայնային ռեժիմ, պատկերի գեներացում և հիշողություն։
Գործընկերների հետ աշխատելու համար՝ համատեղ նախագծեր և համագործակցության հնարավորություններ։
Ավելի երկարատև առաջադրանքներ կատարելու համար՝ ChatGPT Work։
Գործիքներ և բազմակի օգտագործման աշխատանքային գործընթացներ ավելացնելու համար՝ փլագիններ։
Կայքեր և թեթև հավելվածներ ստեղծելու ու դրանցով կիսվելու համար՝ Կայքեր։
Էջեր ստեղծելու, կազմակերպելու և դրանցով կիսվելու համար՝ ChatGPT Space։
Պլանի հնարավորությունների մասին ավելին իմանալու համար տեսեք՝ ChatGPT ուսուցիչների համար։
Կարգավորեք դպրոցի կամ դպրոցական շրջանի աշխատատարածքը
Աշխատատարածքի սեփականատերերն ու ադմինիստրատորները կարող են կառավարել անդամներին, դերերը և աշխատատարածքի կարգավորումները։ Վարչարարական գործիքները ներառում են միասնական մուտք (SSO), դերերի վրա հիմնված հասանելիության վերահսկում, դոմենի ամրագրում և վերլուծական տվյալներ։
Հաստատեք ձեր դպրոցական շրջանի դոմենը
Հաստատեք ձեր դպրոցական շրջանի էլեկտրոնային փոստի դոմենը, եթե ձեր աշխատատարածքում հասանելի է դոմենի հաստատումը։ Հրահանգների համար տեսեք՝ Դոմենի հաստատում OpenAI-ում նույնականացման համար։ Եթե ինքնուրույն հաստատումը հասանելի չէ, կապվեք OpenAI-ի աջակցման ծառայության հետ՝ Օգնության կենտրոնի զրույցի կոճակի միջոցով։
Անհրաժեշտության դեպքում ամրագրեք ձեր դոմենը
Դպրոցական շրջանի ադմինիստրատորները կարող են դոմենի ամագրման հայտ ներկայացնել՝ մանկավարժներին շրջանի կողմից կառավարվող աշխատատարածքում միավորելու համար։ Դոմենի ամրագրումը տարբերվում է դոմենի հաստատումից և պարտադիր չէ SCIM գրացուցակի համաժամացումը միացնելու համար։
Ամրագրումը կարող է համապատասխան էլեկտրոնային փոստի հասցեներով օգտատերերին ուղղորդել դեպի ամրագրված դոմենի աշխատատարածք և անհասանելի դարձնել նույն դոմենն օգտագործող՝ «ChatGPT ուսուցիչների համար»-ի այլ աշխատատարածքները։ Նախքան ամագրման հայտ ներկայացնելը՝ քննարկեք այս հետևանքները ձեր դպրոցի կամ դպրոցական շրջանի հետ։
Ամրագրման հայտ ներկայացնելու համար կապվեք OpenAI-ի աջակցման ծառայության հետ՝ Օգնության կենտրոնի զրույցի կոճակի միջոցով։ Ձեր հաղորդագրությունը սկսեք «Դոմենի ամրագրումն ավարտելու հայտ — ChatGPT ուսուցիչների համար» արտահայտությամբ և նշեք ձեր դպրոցական շրջանի անունն ու դոմենը։
Կարգավորեք անձնակազմի հասանելիությունը
Սեփականատերերն ու ադմինիստրատորները կարող են ուղղակիորեն հրավիրել պահանջներին համապատասխանող աշխատակիցներին։ «ChatGPT ուսուցիչների համար»-ից օգտվող հանրակրթական (K–12) դպրոցական շրջանների՝ պահանջներին համապատասխանող կազմակերպական միջավայրերը կարող են նաև ամբողջ միջավայրի համար կիրառել SCIM՝ ինքնության մատակարարից անձնակազմի խմբերը համաժամացնելու նպատակով։
SCIM-ը կարգավորելու համար՝
Խնդրեք գլոբալ ադմինիստրատորին կարգավորել գրացուցակի համաժամացումն ամբողջ կազմակերպական միջավայրի համար։ Նույն կազմակերպական միջավայրի համար պետք է հաստատված լինի առնվազն մեկ դոմեն։ Կարգավորման հրահանգների համար տեսեք՝ Կազմակերպական միջավայրի գրացուցակի միացում SCIM-ի միջոցով հաշիվների տրամադրման և կառավարման համակարգում։
Սկսեք ձեր ինքնության մատակարարում գրանցված՝ նախատեսված աշխատակիցների փոքր փորձնական խմբից։ Բացառեք աշակերտների հաշիվներն ու խմբերը։
Անձնակազմի համաժամացված խմբերը կցեք ձեր ուսուցիչների աշխատատարածքին։ Հրահանգների համար տեսեք՝ Համաժամացված խմբերի կցում և արտադրանքի հասանելիության տրամադրում։ Համաժամացումից հետո ստուգեք աշխատատարածքի հրավերներն ու անդամակցությունը։
Եթե ձեր աշխատատարածքում հասանելի է SSO-ն, կարգավորեք այն ձեր դպրոցական շրջանի համար։ Հրահանգների համար տեսեք՝ Միասնական մուտքի (SSO) կարգավորում OpenAI-ի արտադրանքների համար։ Նախքան գործարկումը՝ վերանայեք աշխատատարածքի թույլտվություններն ու կարգավորումները։
Նախքան գործարկումը՝ փորձարկեք հասանելիությունը
SCIM-ի համար անձնակազմի խմբերի ընտրությունը չի սահմանափակում աշխատատարածքին միանալու այլ եղանակները։ Առանձին վերանայեք առկա անդամներին, ուղղակի հրավերները և դոմենի հիման վրա միանալու հնարավորությունը։
Փորձարկեք աշխատակիցների փոքր խմբով։ Ստուգեք, որ մուտքը, անհրաժեշտության դեպքում հրավերի ընդունումը և ուսուցիչների նախատեսված աշխատատարածքի հասանելիությունը գործում են։
Օգտագործեք փորձնական հաշիվ, որը չպետք է հասանելիություն ունենա, և համոզվեք, որ այն չի կարող միանալ այլ եղանակով։
Եթե օգտագործում եք SCIM, հեռացրեք փորձնական օգտատիրոջը մատակարարի համակարգում նշանակված օգտատերերի ցանկից կամ խմբից։ Սպասեք հաջող համաժամացմանը և համոզվեք, որ խմբի անդամակցության հիման վրա տրամադրված հասանելիությունը վերացվել է։ Առանձին ստուգեք ուղղակի հրավերները, մյուս խմբերը և աշխատատարածքի՝ ձեռքով տրամադրված հասանելիությունը, ապա վերացրեք այն հասանելիությունը, որն այլևս չպետք է գործի։
Հաջող փորձարկումից հետո համաժամացման մեջ ներառեք անձնակազմի մնացած նախատեսված խմբերը կամ հրավիրեք պահանջներին համապատասխանող այն աշխատակիցներին, որոնք չեն կառավարվում SCIM-ի միջոցով։ Աշխատակիցներին խնդրեք մուտք գործել իրենց դպրոցական շրջանի էլեկտրոնային փոստի հասցեով և հետևել ցուցադրվող հրահանգներին՝ շրջանի աշխատատարածքին միանալու կամ այն բացելու համար։
Օգնություն ստացեք ավելի լայնածավալ ներդրման համար
Կապվեք վաճառքի բաժնի հետ, եթե ձեր դպրոցական շրջանն ունի ներդրման բարդ պահանջներ, կարիք ունի կորպորատիվ ընդլայնված հնարավորությունների, ինչպիսիք են տվյալների մշակման հավելվածը կամ կորպորատիվ բանալիների կառավարումը (EKM), կամ հետաքրքրված է ChatGPT Edu-ով կամ OpenAI-ի այլ արտադրանքներով։
Տվյալների գաղտնիություն և անվտանգություն
«ChatGPT ուսուցիչների համար»-ը նախատեսված է օգնելու դպրոցներին կատարել գաղտնիության և կիրառելի պահանջների պահպանման իրենց պարտավորությունները։ Այն ներառում է կրթական ոլորտին համապատասխան պաշտպանության և պահանջների պահպանման միջոցներ, այդ թվում՝ FERPA-ին համապատասխան պաշտպանություն և աշակերտների տվյալների գաղտնիության համաձայնագիր։
Ինչպես են օգտագործվում ձեր տվյալները
Ինչպես Business-ի մյուս հաճախորդների դեպքում, «ChatGPT ուսուցիչների համար»-ին տրամադրված տեղեկությունները լռելյայն չեն օգտագործվում մեր մոդելներն ուսուցանելու համար։ Նկատի ունեցեք, որ մենք կարող ենք օգտագործել ավտոմատացված համակարգեր՝ բովանդակությունն անվտանգության և որակի տեսանկյունից դասակարգելու համար։
Պահված զրույցների հասանելիություն
Մեր համակարգերում պահված զրույցներին հասանելիություն ունեն միայն (1) լիազորված աշխատակիցները, որոնց դա անհրաժեշտ է տեխնիկական աջակցություն տրամադրելու, հարթակի հնարավոր չարաշահումները հետաքննելու և իրավական պահանջները պահպանելու համար, և (2) գաղտնիության ու անվտանգության պարտավորություններով կապված մասնագիտացված արտաքին կապալառուները՝ բացառապես չարաշահումների և ոչ պատշաճ օգտագործման դեպքերը ստուգելու համար։
Տվյալների օգտագործման, հասանելիության և անվտանգության մասին ավելին իմանալու համար տեսեք՝ Կազմակերպությունների տվյալների գաղտնիությունը OpenAI-ում։