Կարգավորեք չափումների գործընկերների ինտեգրումները

ChatGPT-ի գովազդներն աջակցում են չափումների ոլորտի որոշ գործընկերների հետ ինտեգրումներին՝ օգնելով գովազդատուներին չափել արշավների արդյունավետությունը։ Կախված գործընկերոջից՝ ինտեգրումները կարող են աջակցել կոնվերսիաների հետևմանը, ատրիբուցիային, ծախսերի հաշվետվություններին, լրացուցիչ ազդեցության չափմանը և կոնվերսիայի իրադարձությունները ChatGPT-ի գովազդներին փոխանցելուն։ Հասանելի հնարավորություններն ու կարգավորման տարբերակները տարբերվում են ըստ գործընկերոջ․ արդի մանրամասների համար տե՛ս գործընկերոջ փաստաթղթերը։

Մեր աջակցած՝ բջջային չափումների գործընկերների հետ կոնկրետ ինտեգրումների համար կարգավորման ուղեցույցները տե՛ս այստեղ։

Նախքան սկսելը

Ձեզ անհրաժեշտ են՝

• Ads Manager-ի ակտիվ հաշիվ։

• Ձեր ինտեգրման համար պահանջվող մուտքային տվյալները՝ Ads Manager-ի API բանալի կամ պիքսելի ID և Կոնվերսիաների API-ի բանալի՝ Ads Manager-ի «Կոնվերսիաներ» բաժնից։

• Տվյալների աղբյուր, որը պարունակում է այն կոնվերսիայի իրադարձությունները, որոնք ցանկանում եք ուղարկել, եթե կիրառելի է։

• Համապատասխան թույլտվություններ՝ տվյալների հետ աշխատող ձեր գործընկերոջ հարթակում։

• Այն ստանդարտ կամ անհատականացված իրադարձությունների ցանկը, որոնք ցանկանում եք ուղարկել ChatGPT-ի գովազդներին, եթե կիրառելի է։

Աջակցվող իրադարձությունների, JavaScript պիքսելի և Կոնվերսիաների API-ի մասին տեղեկությունների համար տե՛ս չափումների վերաբերյալ OpenAI-ի փաստաթղթերը։

Ստորև ներկայացված են ChatGPT-ի գովազդների համար ներկայումս աջակցվող չափումների գործընկերները։ Մենք կթարմացնենք այս հոդվածը, երբ հասանելի դառնան նոր գործընկերների հետ ինտեգրումներ։

Fospha-ի կարգավորում

• Մուտք գործեք OpenAI-ի Ads Manager հաշիվ՝ ads.openai.com հասցեով։ Համոզվեք, որ ունեք ադմինիստրատորի հասանելիություն։

• Անցեք Կարգավորումներ → Ընդհանուր → API բանալիներ։

• Նոր բանալի ստեղծելու համար սեղմեք Ստեղծել նոր բանալի։

• Պատճենեք բանալին և տրամադրեք այն Fospha-ի մեկնարկային կարգավորման պորտալում՝ ձեր UTM կարգավորումների հետ միասին։

Ամբողջական հրահանգների համար տե՛ս Fospha-ի կարգավորման ուղեցույցը։

Hightouch-ի կարգավորում

• Hightouch-ում բացեք Նպատակակետեր բաժինը, սեղմեք Ավելացնել նպատակակետ, ընտրեք OpenAI և սեղմեք Շարունակել։

• Նպատակակետի նույնականացման համար մուտքագրեք ChatGPT-ի գովազդների ձեր պիքսելի ID-ն և API բանալին։

• Ընտրեք այն մոդելը, որը պարունակում է ChatGPT-ի գովազդներին ուղարկվելիք իրադարձությունները, և ստեղծեք համաժամացում OpenAI նպատակակետի հետ։

• Կարգավորեք գրառումների համընկնման կանոնները և համապատասխանեցրեք այն իրադարձությունների հատկությունները, որոնք ցանկանում եք ուղարկել ChatGPT-ի գովազդներին։ Համոզվեք, որ իրադարձությունների մոդելն օգտագործում է իսկապես եզակի առաջնային բանալի, որպեսզի Hightouch-ն ուղարկի յուրաքանչյուր իրադարձություն։

Ամբողջական հրահանգների համար տե՛ս Hightouch-ի կարգավորման ուղեցույցը։

INCRMNTAL-ի կարգավորում

• Ads Manager-ում անցեք Կարգավորումներ → Ընդհանուր → API բանալիներ և սեղմեք Ստեղծել նոր բանալի՝ INCRMNTAL-ի համար API բանալի ստեղծելու նպատակով։

• INCRMNTAL-ում անցեք Կարգավորում → Ինտեգրումներ, սեղմեք Ավելացնել ինտեգրում, որոնեք OpenAI և սեղմեք Ավելացնել։

• Մարքեթինգային գործունեության տվյալները միացնելու համար ընտրեք Գործողություններ։ Ընտրեք Հաշվետվություններ, եթե ցանկանում եք, որ INCRMNTAL-ը ստանա նաև ծախսերի տվյալները։

• Մուտքագրեք ChatGPT-ի գովազդների ձեր API բանալին և սեղմեք Ստուգել։

• Համոզվեք, որ ձեր արշավները երևում են Նախադիտում բաժնում, ապա սեղմեք Պահպանել։

Ամբողջական հրահանգների համար տե՛ս INCRMNTAL-ի կարգավորման ուղեցույցը։

LiveRamp-ի կարգավորում

• Դիմեք LiveRamp-ի ձեր ներկայացուցչին՝ OpenAI-ի հետ ինտեգրմանը հասանելիություն ստանալու համար։

• Եթե դեռ չեք արել, կարգավորեք կոնվերսիայի իրադարձությունների հոսքը դեպի LiveRamp։ Առցանց կոնվերսիայի իրադարձությունների համար տե՛ս առցանց կոնվերսիաների կարգավորման հրահանգները։ Անցանց կոնվերսիաների, օրինակ՝ խանութում կատարված գնումների համար տե՛ս անցանց կոնվերսիաների կարգավորման հրահանգները։

• Անցանց կոնվերսիաների համար ստեղծեք OpenAI նպատակակետի հաշիվ՝ օգտագործելով ձեր պիքսելի ID-ն և Կոնվերսիաների API-ի բանալին։ Առցանց կոնվերսիաների համար օգտագործեք առցանց կոնվերսիաների կարգավորման հրահանգներում նշված մուտքային տվյալները։

• Համապատասխանեցրեք ձեր իրադարձություններն ու պարտադիր դաշտերը՝ համաձայն համապատասխան ուղեցույցի։ Առցանց կոնվերսիաների համար տե՛ս LiveRamp-ի աջակցվող իրադարձություններն ու պարամետրերը։

• Ստուգեք OpenAI-ի ձեր գովազդների կառավարիչը՝ համոզվելու համար, որ ձեր իրադարձությունները հաջողությամբ ստացվել են։

Ամբողջական հրահանգների համար տե՛ս LiveRamp-ի առցանց կոնվերսիաների կարգավորման ուղեցույցը կամ անցանց կոնվերսիաների կարգավորման ուղեցույցը։

Northbeam-ի կարգավորում

• Ads Manager-ում ընտրեք այն գովազդային հաշիվը, որը ցանկանում եք միացնել։ Անցեք Կարգավորումներ → Ընդհանուր → API բանալիներ և սեղմեք Ստեղծել նոր բանալի՝ Northbeam-ի համար API բանալի ստեղծելու նպատակով։

• Northbeam-ում մեկնարկային կարգավորման ընթացքում անցեք Ինտեգրումներ և UTM-ներ → OpenAI-ի գովազդներ, կամ վահանակից անցեք Կարգավորումներ → Միացումներ → OpenAI-ի գովազդներ։

• Մուտքագրեք ձեր API բանալին, հաստատեք, որ գովազդային հաշիվը ճիշտ է ընտրված, և սեղմեք Միացնել։

• Ads Manager-ում ավելացրեք Northbeam-ի պահանջած հետևման պարամետրը ձեր արշավների Թիրախային էջի հարցման պարամետրեր դաշտում՝ հետևելով ստորև ներկայացված կարգավորման ուղեցույցին։

Ամբողջական հրահանգների համար տե՛ս Northbeam-ի կարգավորման ուղեցույցը։

Rockerbox-ի կարգավորում

• Ads Manager-ում անցեք Կարգավորումներ → Ընդհանուր → API բանալիներ և սեղմեք Ստեղծել նոր բանալի՝ Rockerbox-ի համար API բանալի ստեղծելու նպատակով։

• Անցեք Rockerbox-ում ինտեգրումների միացման էջը և օգտագործեք ձեր API բանալին՝ OpenAI-ի ինտեգրման նույնականացման համար։

• Համագործակցեք Rockerbox-ի ձեր ներկայացուցչի հետ՝ տրամադրելով ձեր API բանալին, պիքսելի ID-ն, կոնվերսիայի իրադարձության ID-ն և Rockerbox-ի սեգմենտի ID-ն։

• Հաստատեք, թե որ դաշտն է նույնականացնում յուրաքանչյուր կոնվերսիան, օրինակ՝ order_id-ն՝ գնումների համար։ Այս արժեքը պետք է համընկնի ձեր պիքսելի իրադարձություններում և Rockerbox-ի կոնվերսիաների տվյալներում, որպեսզի Rockerbox-ը կարողանա բացառել պիքսելի և սերվերային իրադարձությունների կրկնակի հաշվառումը։

• Ads Manager-ում ավելացրեք Rockerbox-ի հետևման պարամետրերը ձեր արշավների Թիրախային էջի հարցման պարամետրեր դաշտում՝ հետևելով ստորև ներկայացված կարգավորման ուղեցույցին։

Հետևման հրահանգների համար տե՛ս Rockerbox-ի կարգավորման ուղեցույցը։ Նույնականացման և կոնվերսիաների փոխանցման հարցերում օգնություն ստանալու համար դիմեք Rockerbox-ի ձեր ներկայացուցչին։

Triple Whale-ի կարգավորում

Միացնելուց առաջ համոզվեք, որ ChatGPT-ի գովազդների ձեր հաշվում կա առնվազն մեկ ակտիվ արշավ։

• Ads Manager-ում անցեք Կարգավորումներ → Ընդհանուր → API բանալիներ և սեղմեք Ստեղծել նոր բանալի՝ Triple Whale-ի համար API բանալի ստեղծելու նպատակով։

• Triple Whale-ում անցեք Տվյալներ → Ինտեգրումներ, գտեք ChatGPT-ի գովազդներ տարբերակը և սեղմեք Միացնել։

• Մուտքագրեք ChatGPT-ի գովազդների ձեր API բանալին և սեղմեք Պահպանել։

• Շարունակեք կիրառել Triple Whale-ի UTM պարամետրերը ChatGPT-ի գովազդների ձեր արշավներում՝ Triple Whale-ում այցելությունները, պատվերներն ու հաճախորդների անցած ուղիները համապատասխան աղբյուրներին վերագրելու համար։

Ամբողջական հրահանգների համար տե՛ս Triple Whale-ի կարգավորման ուղեցույցը։

Նշում․ Sonar Optimize-ի միջոցով տվյալների հարստացման, այդ թվում՝ հասանելիության և կարգավորման պահանջների մասին տեղեկությունների համար դիմեք Triple Whale-ին։

WorkMagic-ի կարգավորում

• WorkMagic-ում անցեք Կարգավորումներ → Հարթակների ինտեգրումներ → Մարքեթինգ։

• Գտեք ChatGPT-ի գովազդներ քարտը և սեղմեք Միացնել։

• Ծանոթացեք դրույթներին ու պայմաններին և ընդունեք դրանք։

• Ads Manager-ում անցեք Կարգավորումներ → Ընդհանուր → API բանալիներ և սեղմեք Ստեղծել նոր բանալի՝ WorkMagic-ի համար API բանալի ստեղծելու նպատակով։

• Վերադարձեք WorkMagic, ինտեգրման էկրանին տեղադրեք ChatGPT-ի գովազդների ձեր API բանալին և սեղմեք Հաստատել։

Ամբողջական հրահանգների համար տե՛ս WorkMagic-ի կարգավորման ուղեցույցը։