Որքա՞ն արժե ChatGPT-ից օգտվելը։
ChatGPT-ից օգտվելն անվճար է, թեև մենք ունենք նաև բաժանորդագրության պլաններ, որոնք հասանելի են մեր գների էջում։
Ինչպե՞ս է աշխատում ChatGPT-ն։
ChatGPT-ն ճշգրտորեն կարգաբերվել է GPT-3.5-ից՝ տեքստ ստեղծելու համար ուսուցանված լեզվական մոդելից։ ChatGPT-ն օպտիմալացվել է երկխոսության համար՝ օգտագործելով Մարդկային հետադարձ կապով ամրապնդումով ուսուցում (RLHF)՝ մեթոդ, որն օգտագործում է մարդկային ցուցադրություններ և նախապատվությունների համեմատություններ՝ մոդելն ուղղորդելու ցանկալի վարքագծի ուղղությամբ։
Ինչո՞ւ է AI-ն այդքան իրական և կենդանի թվում։
Այս մոդելները ուսուցանվել են ինտերնետից վերցված, մարդկանց կողմից գրված հսկայական ծավալի տվյալների վրա, այդ թվում՝ զրույցների, ուստի դրանց տրամադրած պատասխանները կարող են մարդկային հնչել։ Արդյունքները երբեմն կարող են լինել ոչ ճշգրիտ, ոչ ճշմարիտ և այլ կերպ մոլորեցնող։
Կարո՞ղ եմ վստահել, որ AI-ն ճշմարտությունն է ասում։
ChatGPT-ն միացված չէ ինտերնետին և երբեմն կարող է սխալ պատասխաններ տալ։ Այն սահմանափակ գիտելիքներ ունի աշխարհի և 2021-ից հետո տեղի ունեցած իրադարձությունների մասին և երբեմն կարող է նաև վնասակար հրահանգներ կամ կողմնակալ բովանդակություն ստեղծել։
Խորհուրդ ենք տալիս ստուգել՝ արդյոք մոդելի պատասխանները ճշգրիտ են, թե ոչ։ Եթե գտնում եք, որ պատասխանը սխալ է, խնդրում ենք տրամադրել այդ հետադարձ կապը՝ օգտագործելով «Դեմ» կոճակը։
Ո՞վ կարող է դիտել իմ զրույցները։
Որպես անվտանգ և պատասխանատու AI-ի հանդեպ մեր հանձնառության մաս՝ մենք վերանայում ենք զրույցները՝ մեր համակարգերը բարելավելու և համոզվելու համար, որ բովանդակությունը համապատասխանում է մեր քաղաքականություններին և անվտանգության պահանջներին։
Կօգտագործե՞ք իմ զրույցները ուսուցման համար։
Երբ օգտվում եք անհատների համար նախատեսված մեր ծառայություններից, ինչպիսին է ChatGPT-ն, մենք կարող ենք օգտագործել ձեր բովանդակությունը մեր մոդելները ուսուցանելու համար։ Դուք կարող եք հրաժարվել ուսուցումից մեր գաղտնիության պորտալի միջոցով՝ սեղմելով «չուսուցանել իմ բովանդակության վրա», կամ ChatGPT-ի ձեր զրույցների համար ուսուցումն անջատելու նպատակով հետևեք մեր Տվյալների կառավարման ՀՏՀ-ի ցուցումներին։ Հրաժարվելուց հետո նոր զրույցները չեն օգտագործվի մեր մոդելները ուսուցանելու համար։
Մենք չենք օգտագործում մեր բիզնես առաջարկների, օրինակ՝ ChatGPT Business-ի կամ ChatGPT Enterprise-ի բովանդակությունը մեր մոդելները ուսուցանելու համար։ Խնդրում ենք տեսնել մեր ձեռնարկությունների գաղտնիության էջը՝ բիզնես տվյալների հետ մեր աշխատանքի մասին տեղեկությունների համար։
Կարո՞ղ եք ջնջել իմ տվյալները։
Այո, խնդրում ենք հետևել տվյալների ջնջման գործընթացին։
Կարո՞ղ եք ջնջել կոնկրետ հարցումներ։
Ոչ, մենք չենք կարող ձեր պատմությունից ջնջել կոնկրետ հարցումներ։ Խնդրում ենք ձեր զրույցներում չկիսվել որևէ զգայուն տեղեկությամբ։
Կարո՞ղ եմ տեսնել իմ զրույցների պատմությունը։ Ինչպե՞ս կարող եմ պահպանել ունեցածս զրույցը։
Այո, այժմ կարող եք դիտել և շարունակել ձեր նախկին զրույցները։
Որտե՞ղ եք պահում իմ անձնական և զրույցների տվյալները։
Տվյալների հետ մեր աշխատանքի մասին լրացուցիչ տեղեկությունների համար խնդրում ենք տեսնել մեր Գաղտնիության քաղաքականությունը և Օգտագործման պայմանները։
Ինչպե՞ս կարող եմ դա իրականացնել։ Կա՞ արդյոք դրա իրականացման որևէ ուղեցույց։
Մշակողները այժմ կարող են մեր API-ի միջոցով ինտեգրել ChatGPT-ն իրենց հավելվածների և արտադրանքների մեջ։ Օգտատերերը կարող են ակնկալել մոդելների շարունակական բարելավումներ և մոդելների նկատմամբ ավելի խոր վերահսկողության համար առանձնացված հզորություն ընտրելու հնարավորություն։ Ավելին իմանալու համար խնդրում ենք ծանոթանալ փաստաթղթերին այստեղ։
Արդյո՞ք ինձ նոր հաշիվ է պետք, եթե արդեն ունեմ Labs կամ Playground հաշիվ։
Եթե ունեք գոյություն ունեցող հաշիվ labs.openai.com կամ platform.openai.com կայքում, ապա կարող եք նույն մուտքի տվյալներով անմիջապես մուտք գործել chatgpt.com։ Եթե հաշիվ չունեք, պետք է նոր հաշիվ գրանցեք chatgpt.com կայքում։
Ինչո՞ւ ChatGPT-ն ինձ տվեց պատասխան, որը կապված չէ իմ հարցի հետ։
ChatGPT-ն երբեմն փաստեր կհորինի կամ արդյունքներ «կհալյուցինացնի»։ Եթե գտնում եք, որ պատասխանը կապ չունի հարցի հետ, խնդրում ենք տրամադրել այդ հետադարձ կապը՝ օգտագործելով «Դեմ» կոճակը
Կարո՞ղ եմ ChatGPT-ի արդյունքն օգտագործել առևտրային նպատակներով։
Բովանդակության քաղաքականության և Պայմանների համաձայն՝ ձեզ է պատկանում ChatGPT-ով ստեղծած արդյունքը, ներառյալ այն վերատպելու, վաճառելու և առևտրայնացնելու իրավունքը՝ անկախ նրանից՝ արդյունքը ստեղծվել է անվճար, թե վճարովի պլանի միջոցով։
Գրանցման ժամանակ ես պատահաբար սխալ տեղեկություն եմ տրամադրել և հիմա չեմ կարողանում ավարտել գործընթացը։ Ինչպե՞ս կարող եմ շտկել այս խնդիրը։
Խնդրում ենք դիմել մեր աջակցման թիմին՝ help.openai.com կայքի չատի գործիքի միջոցով նոր զրույց սկսելով։ Սիրով կօգնենք։