Ընդհանուր ակնարկ

OpenAI-ը հաշիվ-ապրանքագրերի ամսաթվերը փոխելու հնարավորություն չի ընձեռում։ Վճարային ցիկլերն ու հաշիվ-ապրանքագրերի ժամանակացույցերը կախված են ձեր բաժանորդագրության տեսակից և վճարման պայմաններից։

ChatGPT-ի բաժանորդագրություններ

Ինքնասպասարկման կարգով ձեռք բերված և ամսական վճարվող ChatGPT-ի բաժանորդագրության դեպքում՝

• Վճարումը կրկնվում է ձեր բաժանորդագրման ամսաթվին։

• Օրինակ՝ եթե բաժանորդագրվել եք ամսի 12-ին, ապա հաջորդող յուրաքանչյուր ամսվա 12-ին ձեզանից կրկին վճար է գանձվում։

• Հաշիվ-ապրանքագրերի ամսաթվերը համապատասխանում են այդ պարբերական ժամանակացույցին և չեն կարող փոփոխվել։

ChatGPT Enterprise-ի վճարումների հաշվարկը

ChatGPT Enterprise-ի դեպքում հաշվարկային ժամանակահատվածն ու հաշիվ-ապրանքագրերի ժամանակացույցը սահմանվում են ձեր պայմանագրով։ Հաշվարկային ժամանակահատվածը կարող է չհամընկնել օրացուցային ամսվա կամ ձեր գրանցման ամսաթվի հետ։ Նախքան օգտագործման հաշվետվությունների հետ համեմատելը՝ ստուգեք հաշիվ-ապրանքագրում նշված ժամանակահատվածը։

ԱՄՆ դոլարով թոքենների վրա հիմնված վճարումների հաշվարկ նախատեսող Enterprise պայմանագրերի դեպքում օգտագործման գումարը հաշվարկվում է ամսական՝ հաշվարկային ժամանակահատվածի ավարտից հետո։ Ամսական հաշիվ-ապրանքագրումը չի փոխում ձեր պայմանագրի գործողության ժամկետը։ ChatGPT-ի աշխատատարածքի և API Platform-ի վճարումների հաշվարկները մնում են առանձին։

Վճարումների հաշվարկի մոդելի ընդհանուր նկարագրությանը ծանոթանալու համար տե՛ս՝ ChatGPT Enterprise-ի՝ թոքենների վրա հիմնված վճարումների հաշվարկը։ Հաշիվ-ապրանքագրերի ժամանակացույցի կամ առաջին հաշիվ-ապրանքագրի վերաբերյալ օգնության համար դիմեք ձեր հաշիվը սպասարկող OpenAI-ի թիմին։

API-ի վճարումներ

API-ի դիմաց վճարումը միշտ չէ, որ հետվճարային է։ Հաշիվներում կարող են օգտագործվել կանխավճարային կրեդիտներ կամ քարտով ավտոմատ վճարումներ, իսկ Enterprise API-ի հաճախորդները հաշիվ-ապրանքագրեր են ստանում։

Enterprise API-ի հաճախորդների հաշիվ-ապրանքագրերն ընդգրկում են օրացուցային ամսվա օգտագործումը, եթե գրավոր այլ անհատական վճարման պայմանավորվածություն ձեռք չի բերվել։ Օրինակ՝ մարտ ամսվա օգտագործումն ընդգրկող հաշիվ-ապրանքագիրը տրամադրվում է մարտի ավարտից հետո։

Հաշիվ-ապրանքագրերի հասանելիության, տրամադրման ժամկետների և անդորրագրերի մասին տե՛ս՝ API-ի վճարումների և հաշիվ-ապրանքագրերի տրամադրման ժամկետները։

Կանխավճարային կրեդիտների գնման մասին տե՛ս՝ API-ի կանխավճարային վճարումներ։