ಪ್ರಸ್ತುತ ಜಾಹೀರಾತು ವ್ಯವಸ್ಥಾಪಕದಲ್ಲಿ ಅಭಿಯಾನಗಳಿಗೆ ಬದಲಾವಣೆಗಳನ್ನು ಮಾಡಲು ಎರಡು ಮುಖ್ಯ ವಿಧಾನಗಳಿವೆ.
ನೇರ ಸಂಪಾದನೆಗಳು (ತ್ವರಿತ ಬದಲಾವಣೆಗಳಿಗಾಗಿ): ಜಾಹೀರಾತು ವ್ಯವಸ್ಥಾಪಕದಲ್ಲೇ ನೇರವಾಗಿ ತ್ವರಿತ ಬದಲಾವಣೆಗಳನ್ನು ಮಾಡಿ. ಮುಂಗಡಪತ್ರ ಹೊಂದಿಸುವುದು, ಜಾಹೀರಾತಿನ ಪಠ್ಯ ಬದಲಿಸುವುದು ಅಥವಾ ಅಭಿಯಾನಗಳನ್ನು ತಾತ್ಕಾಲಿಕವಾಗಿ ನಿಲ್ಲಿಸುವಂತಹ ತ್ವರಿತ ಬದಲಾವಣೆಗಳಿಗೆ ಇದನ್ನು ಬಳಸಿ.
ಸಾಮೂಹಿಕ ಸಂಪಾದನೆಗಳು (ದೊಡ್ಡ ಪ್ರಮಾಣದ ಬದಲಾವಣೆಗಳಿಗೆ ಶಿಫಾರಸು ಮಾಡಲಾಗಿದೆ): ಜಾಹೀರಾತು ಸ್ಕೀಮಾ ಮಾದರಿಯಲ್ಲಿ ನಿಮ್ಮ ಅಭಿಯಾನದ ದತ್ತಾಂಶವನ್ನು ನವೀಕರಿಸಿ, ಮರು ಅಪ್‌ಲೋಡ್ ಮಾಡಿ. ಸಂದರ್ಭ ಸೂಚನೆಗಳು, ಜಾಹೀರಾತಿನ ಪಠ್ಯ ಅಥವಾ ಗಮ್ಯ ಪುಟಗಳನ್ನು ದೊಡ್ಡ ಪ್ರಮಾಣದಲ್ಲಿ ನವೀಕರಿಸುವಂತಹ ರಚನಾತ್ಮಕ ಬದಲಾವಣೆಗಳಿಗೆ ಇದನ್ನು ಬಳಸಿ.
ನೇರ ಸಂಪಾದನೆಗಳು
ಅಭಿಯಾನದ ಸ್ಕೀಮಾ ಮಾದರಿಯನ್ನು ಸಂಪಾದಿಸುವ ಅಗತ್ಯವಿಲ್ಲದ ತ್ವರಿತ, ಒಮ್ಮೆಯ ಬದಲಾವಣೆಗಳಿಗೆ ನೇರ ಸಂಪಾದನೆಗಳು ಸೂಕ್ತವಾಗಿವೆ.
ಈಗಿರುವ ಅಭಿಯಾನಗಳು, ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ಸಂಪಾದಿಸಿ
ಮುಂಗಡಪತ್ರ ಹೊಂದಿಸುವುದು, ಜಾಹೀರಾತಿನ ಪಠ್ಯ ಅಥವಾ ಚಿತ್ರ ಬದಲಿಸುವಂತಹ ಸಣ್ಣ ಬದಲಾವಣೆಗಳಿಗೆ ಈ ವಿಧಾನವನ್ನು ಬಳಸಿ.
ಅಭಿಯಾನ, ಜಾಹೀರಾತು ಗುಂಪು ಅಥವಾ ಜಾಹೀರಾತಿನ ಮೇಲೆ ಮೌಸ್ ಸೂಚಕವನ್ನು ಇರಿಸಿ.
ಮೂರು ಚುಕ್ಕೆಗಳ ಮೆನು ಕ್ಲಿಕ್ ಮಾಡಿ.
ಸಂಪಾದಿಸಿ ಆಯ್ಕೆಮಾಡಿ.
ನೇರವಾಗಿ ನಿಮ್ಮ ಬದಲಾವಣೆಗಳನ್ನು ಮಾಡಿ.
ಉಳಿಸಿ ಆಯ್ಕೆಮಾಡಿ.
ಹೊಸ ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ರಚಿಸಿ
ಈಗಿರುವ ಅಭಿಯಾನದ ರಚನೆಯೊಳಗೆ ಹೊಸ ಅಂಶಗಳನ್ನು ತ್ವರಿತವಾಗಿ ಸೇರಿಸಲು ಈ ವಿಧಾನವನ್ನು ಬಳಸಿ.
ಹೊಸ ಜಾಹೀರಾತು ಗುಂಪನ್ನು ರಚಿಸಲು: ಅಭಿಯಾನದಲ್ಲಿರುವ ಜಾಹೀರಾತು ಗುಂಪುಗಳನ್ನು ನೋಡಲು ಆ ಅಭಿಯಾನವನ್ನು ಕ್ಲಿಕ್ ಮಾಡಿ. ನಂತರ ರಚಿಸಿ ಮತ್ತು ಜಾಹೀರಾತು ಗುಂಪು ರಚಿಸಿ ಕ್ಲಿಕ್ ಮಾಡಿ.
ಹೊಸ ಜಾಹೀರಾತನ್ನು ರಚಿಸಲು: ಜಾಹೀರಾತು ಗುಂಪಿನಲ್ಲಿರುವ ಜಾಹೀರಾತುಗಳನ್ನು ನೋಡಲು ಆ ಗುಂಪನ್ನು ಕ್ಲಿಕ್ ಮಾಡಿ. ನಂತರ ರಚಿಸಿ ಮತ್ತು ಜಾಹೀರಾತು ರಚಿಸಿ ಕ್ಲಿಕ್ ಮಾಡಿ.
ಸಾಮೂಹಿಕ ನವೀಕರಣಗಳು
ಹಲವು ಅಭಿಯಾನಗಳು, ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳಲ್ಲಿ ಏಕಕಾಲಕ್ಕೆ ಬದಲಾವಣೆಗಳನ್ನು ಮಾಡಲು ಸಾಮೂಹಿಕ ಸಂಪಾದನೆಗಳು ಸೂಕ್ತವಾಗಿವೆ.
ಈಗಿರುವ ಅಭಿಯಾನಗಳು, ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ನವೀಕರಿಸಿ
ಈಗಿರುವ ಅಭಿಯಾನಗಳು, ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳಲ್ಲಿ ದೊಡ್ಡ ಪ್ರಮಾಣದಲ್ಲಿ ಬದಲಾವಣೆಗಳನ್ನು ಮಾಡಲು ಈ ವಿಧಾನವನ್ನು ಬಳಸಿ.
ನೀವು ನವೀಕರಿಸಲು ಬಯಸುವ ಅಭಿಯಾನಗಳು, ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ಆಯ್ಕೆಮಾಡಿ.
ಸಂಪಾದನೆಗಾಗಿ ರಫ್ತು ಮಾಡಿ ಕ್ಲಿಕ್ ಮಾಡಿ. ಇದರಿಂದ ಆಯ್ಕೆಮಾಡಿದ ಅಭಿಯಾನಗಳು, ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ಒಳಗೊಂಡ ಕಡತವು ಸಂಪಾದನೆಗಾಗಿ ಡೌನ್‌ಲೋಡ್ ಆಗುತ್ತದೆ.
ರಫ್ತು ಮಾಡಿದ ಸ್ಕೀಮಾ ಕಡತದಲ್ಲಿ ನೇರವಾಗಿ ಬದಲಾವಣೆಗಳನ್ನು ಮಾಡಿ.
ಜಾಹೀರಾತು ವ್ಯವಸ್ಥಾಪಕದಲ್ಲಿ ರಚಿಸಿ ಕ್ಲಿಕ್ ಮಾಡಿ, ನಂತರ ಸಾಮೂಹಿಕ ಅಪ್‌ಲೋಡ್ ಕ್ಲಿಕ್ ಮಾಡಿ.
ಸಂಬಂಧಿತ ಅಂಶದ ಪ್ರಕಾರವನ್ನು ಆಯ್ಕೆಮಾಡಿ: ಅಭಿಯಾನ, ಜಾಹೀರಾತು ಗುಂಪು ಅಥವಾ ಜಾಹೀರಾತು. ನಂತರ ನವೀಕರಿಸಿದ ಕಡತವನ್ನು ಅಪ್‌ಲೋಡ್ ಮಾಡಿ.
ಕಡತವನ್ನು ಅಪ್‌ಲೋಡ್ ಮಾಡಿದ ನಂತರ, ನಿಮ್ಮ ಬದಲಾವಣೆಗಳು ಆಯ್ಕೆಮಾಡಿದ ಅಭಿಯಾನಗಳು, ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುತ್ತವೆ.
ಈಗಿರುವ ಅಭಿಯಾನಗಳೊಳಗೆ ಹೊಸ ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ರಚಿಸಿ
ಹೊಸ ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ಸೇರಿಸುವ ಮೂಲಕ ಈಗಿರುವ ಅಭಿಯಾನಗಳನ್ನು ವಿಸ್ತರಿಸಲು ಈ ವಿಧಾನವನ್ನು ಬಳಸಿ.
ಹೊಸ ಜಾಹೀರಾತು ಗುಂಪುಗಳನ್ನು ಸೇರಿಸಬೇಕಾದ ಅಭಿಯಾನದಲ್ಲಿ ಈಗಿರುವ ಜಾಹೀರಾತು ಗುಂಪುಗಳನ್ನು ಆಯ್ಕೆಮಾಡಿ. ಅಥವಾ, ಹೊಸ ಜಾಹೀರಾತುಗಳನ್ನು ಸೇರಿಸಬೇಕಾದ ಜಾಹೀರಾತು ಗುಂಪಿನಲ್ಲಿ ಈಗಿರುವ ಜಾಹೀರಾತುಗಳನ್ನು ಆಯ್ಕೆಮಾಡಿ.
ಸಂಪಾದನೆಗಾಗಿ ರಫ್ತು ಮಾಡಿ ಕ್ಲಿಕ್ ಮಾಡಿ. ಇದರಿಂದ ಇನ್ನಷ್ಟು ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ಸೇರಿಸಬಹುದಾದ ಕಡತವು ಡೌನ್‌ಲೋಡ್ ಆಗುತ್ತದೆ.
ಸ್ಕೀಮಾ ಕಡತದಲ್ಲಿ, ಸರಿಯಾದ ಮೂಲ ಅಂಶಗಳ ಗುರುತುಸಂಖ್ಯೆಗಳೊಂದಿಗೆ ಹೊಸ ಸಾಲುಗಳನ್ನು ಸೇರಿಸಿ ಮತ್ತು ಹೊಸ ಅಂಶದ ಗುರುತುಸಂಖ್ಯೆಯನ್ನು ಖಾಲಿ ಬಿಡಿ.
ಜಾಹೀರಾತು ವ್ಯವಸ್ಥಾಪಕದಲ್ಲಿ ರಚಿಸಿ ಕ್ಲಿಕ್ ಮಾಡಿ, ನಂತರ ಸಾಮೂಹಿಕ ಅಪ್‌ಲೋಡ್ ಕ್ಲಿಕ್ ಮಾಡಿ.
ಸಂಬಂಧಿತ ಅಂಶದ ಪ್ರಕಾರವನ್ನು ಆಯ್ಕೆಮಾಡಿ: ಅಭಿಯಾನ, ಜಾಹೀರಾತು ಗುಂಪು ಅಥವಾ ಜಾಹೀರಾತು. ನಂತರ ನವೀಕರಿಸಿದ ಕಡತವನ್ನು ಅಪ್‌ಲೋಡ್ ಮಾಡಿ.
ಒದಗಿಸಿದ ಗುರುತುಸಂಖ್ಯೆಗಳ ಆಧಾರದಲ್ಲಿ ಹೊಸ ಜಾಹೀರಾತು ಗುಂಪುಗಳು ಮತ್ತು ಜಾಹೀರಾತುಗಳನ್ನು ರಚಿಸಿ, ಈಗಿರುವ ಅಭಿಯಾನದ ರಚನೆಗೆ ಜೋಡಿಸಲಾಗುತ್ತದೆ.
ಸಂಪಾದನೆ ಮತ್ತು ಸಾಮೂಹಿಕ ಅಪ್‌ಲೋಡ್ ಕುರಿತು ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು
ಸಂಪಾದಿಸುವ ಮೊದಲು ನಾನು ಏಕೆ ರಫ್ತು ಮಾಡಬೇಕು?
ಸಂಪಾದನೆಗಾಗಿ ರಫ್ತು ಮಾಡಿ ಆಯ್ಕೆಯು, ಈಗಿರುವ ಅಭಿಯಾನಗಳು, ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳನ್ನು ನವೀಕರಿಸಲು ಜಾಹೀರಾತು ವ್ಯವಸ್ಥಾಪಕಕ್ಕೆ ಅಗತ್ಯವಿರುವ ಪ್ರಸ್ತುತ ಗುರುತುಸಂಖ್ಯೆಗಳು ಮತ್ತು ಕ್ಷೇತ್ರಗಳ ಮೌಲ್ಯಗಳನ್ನು ಒದಗಿಸುತ್ತದೆ. ಸಾಧ್ಯವಾದಾಗಲೆಲ್ಲ ಹೊಸದಾಗಿ ರಫ್ತು ಮಾಡಿದ ಕಡತದಿಂದ ಪ್ರಾರಂಭಿಸಿ. ವಿಶೇಷವಾಗಿ, ನೀವು ಕೊನೆಯ ಬಾರಿ ಕಡತವನ್ನು ಡೌನ್‌ಲೋಡ್ ಮಾಡಿದ ನಂತರ ಇತರ ಬಳಕೆದಾರರು ಖಾತೆಯಲ್ಲಿ ಬದಲಾವಣೆಗಳನ್ನು ಮಾಡಿರಬಹುದಾದ ಸಂದರ್ಭಗಳಲ್ಲಿ ಇದನ್ನು ಪಾಲಿಸಿ.
ಸಾಮೂಹಿಕ ಸಂಪಾದನೆಗಳಿಗೆ ಯಾವ ಗುರುತುಸಂಖ್ಯೆಗಳು ಅಗತ್ಯ?
ಈಗಿರುವ ಅಂಶವನ್ನು ನವೀಕರಿಸಲು, ಆ ಅಂಶದ ಗುರುತುಸಂಖ್ಯೆಯನ್ನು ಸಾಲಿನಲ್ಲಿ ಉಳಿಸಿಕೊಳ್ಳಿ. ಈಗಿರುವ ಅಭಿಯಾನಕ್ಕೆ ಹೊಸ ಜಾಹೀರಾತು ಗುಂಪನ್ನು ಸೇರಿಸಲು, ಆ ಅಭಿಯಾನದ ಗುರುತುಸಂಖ್ಯೆಯನ್ನು ಹೊಸ ಜಾಹೀರಾತು ಗುಂಪಿನ ಸಾಲಿಗೆ ನಕಲಿಸಿ ಮತ್ತು ಜಾಹೀರಾತು ಗುಂಪಿನ ಗುರುತುಸಂಖ್ಯೆಯನ್ನು ಖಾಲಿ ಬಿಡಿ. ಈಗಿರುವ ಜಾಹೀರಾತು ಗುಂಪಿಗೆ ಹೊಸ ಜಾಹೀರಾತನ್ನು ಸೇರಿಸಲು, ಆ ಗುಂಪಿನ ಗುರುತುಸಂಖ್ಯೆಯನ್ನು ಹೊಸ ಜಾಹೀರಾತಿನ ಸಾಲಿಗೆ ನಕಲಿಸಿ ಮತ್ತು ಜಾಹೀರಾತಿನ ಗುರುತುಸಂಖ್ಯೆಯನ್ನು ಖಾಲಿ ಬಿಡಿ.
ಒಂದೇ ಅಪ್‌ಲೋಡ್‌ನಲ್ಲಿ ಹೊಸ ಜಾಹೀರಾತು ಗುಂಪುಗಳು ಮತ್ತು ಜಾಹೀರಾತುಗಳನ್ನು ಸೇರಿಸಬಹುದೇ?
ಸಾಮೂಹಿಕ ಅಪ್‌ಲೋಡ್ ಪ್ರಕ್ರಿಯೆಗೆ ಅಗತ್ಯವಿರುವ ಅಂಶದ ಪ್ರಕಾರ ಮತ್ತು ಮಾದರಿಯನ್ನು ಬಳಸಿ. ನೀವು ಹಲವು ಪ್ರಕಾರದ ಅಂಶಗಳನ್ನು ಸೇರಿಸುತ್ತಿದ್ದರೆ, ಜಾಹೀರಾತು ವ್ಯವಸ್ಥಾಪಕದ ಅಪ್‌ಲೋಡ್ ಕ್ರಮವನ್ನು ಅನುಸರಿಸಿ. ಹೊಸ ಅಧೀನ ಸಾಲುಗಳು ಈಗಿರುವ ಮೂಲ ಅಂಶದ ಗುರುತುಸಂಖ್ಯೆಯನ್ನು ಅಥವಾ ಈಗಾಗಲೇ ರಚಿಸಲಾದ ಮೂಲ ಅಂಶವನ್ನು ಉಲ್ಲೇಖಿಸುತ್ತವೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
ಸಂದರ್ಭ ಸೂಚನೆಗಳು ವಿಲೀನಗೊಳ್ಳುತ್ತವೆಯೇ ಅಥವಾ ಬದಲಿಯಾಗುತ್ತವೆಯೇ?
ಸಾಮೂಹಿಕ ನವೀಕರಣದ ಮೂಲಕ ಜಾಹೀರಾತು ಗುಂಪನ್ನು ನವೀಕರಿಸುವಾಗ, ಆ ಗುಂಪು ಬಳಸಬೇಕೆಂದು ನೀವು ಬಯಸುವ ಸಂದರ್ಭ ಸೂಚನೆಗಳ ಸಂಪೂರ್ಣ ಪಟ್ಟಿಯನ್ನು ಒದಗಿಸಿ. ಅಪ್‌ಲೋಡ್ ಮಾಡಿದ ಮೌಲ್ಯವು ಆ ಕ್ಷೇತ್ರದ ಈಗಿನ ಮೌಲ್ಯಕ್ಕೆ ಬದಲಿಯಾಗುತ್ತದೆ ಎಂದು ಪರಿಗಣಿಸಿ; ಈಗಿನ ಮೌಲ್ಯಕ್ಕೆ ಹೆಚ್ಚುವರಿಯಾಗಿ ಸೇರಿಕೊಳ್ಳುತ್ತದೆ ಎಂದಲ್ಲ.
ಸಂಪಾದನೆಯ ಮೂಲಕ ಉದ್ದೇಶ ಅಥವಾ ಮುಂಗಡಪತ್ರದ ಪ್ರಕಾರವನ್ನು ಬದಲಾಯಿಸಬಹುದೇ?
ಅಭಿಯಾನದ ಉದ್ದೇಶವನ್ನು ಬದಲಾಯಿಸಲು, ನಿಮಗೆ ಬೇಕಾದ ಉದ್ದೇಶದೊಂದಿಗೆ ಹೊಸ ಅಭಿಯಾನವನ್ನು ರಚಿಸಿ. ಅಭಿಯಾನದ ಒಟ್ಟು ಮುಂಗಡಪತ್ರವನ್ನು ದೈನಂದಿನ ಮುಂಗಡಪತ್ರಕ್ಕೆ ಬದಲಾಯಿಸಬಹುದು. ಆದರೆ ಆ ಅಭಿಯಾನವನ್ನು ಮತ್ತೆ ಒಟ್ಟು ಮುಂಗಡಪತ್ರಕ್ಕೆ ಬದಲಾಯಿಸಲು ಸಾಧ್ಯವಿಲ್ಲ.
ಸಾಮೂಹಿಕ ಅಪ್‌ಲೋಡ್ ಕಡತದ ಮಾನ್ಯತೆ ಪರಿಶೀಲಿಸುವ ವಿವರಗಳಿಗಾಗಿ, ಸಾಮೂಹಿಕ ಅಪ್‌ಲೋಡ್‌ಗಾಗಿ ಅಭಿಯಾನ ಸ್ಕೀಮಾ ಪರಿಶೀಲನಾಪಟ್ಟಿ ನೋಡಿ.