ಅವಲೋಕನ
ಒಟ್ಟಾಗಿ ಅಪ್ಲೋಡ್ ಮಾಡುವ ಸ್ಕೀಮಾ ಫೈಲ್ ಅನ್ನು ಜಾಹೀರಾತು ವ್ಯವಸ್ಥಾಪಕಕ್ಕೆ ಅಪ್ಲೋಡ್ ಮಾಡುವ ಮೊದಲು ಪರಿಶೀಲಿಸಲು ಈ ಪರಿಶೀಲನಾಪಟ್ಟಿಯನ್ನು ಬಳಸಿ. ಅಪ್ಲೋಡ್ ಮಾಡುವ ಮೊದಲೇ ಫೈಲ್‌ನ ಸ್ವರೂಪ ಮತ್ತು ಮೌಲ್ಯೀಕರಣಕ್ಕೆ ಸಂಬಂಧಿಸಿದ, ತಪ್ಪಿಸಬಹುದಾದ ಸಮಸ್ಯೆಗಳನ್ನು ಪತ್ತೆಹಚ್ಚಲು ಇದು ಸಹಾಯ ಮಾಡುತ್ತದೆ.
ಅಭಿಯಾನಗಳ ಟ್ಯಾಬ್
ಅಭಿಯಾನದ ಎಲ್ಲಾ ಅಗತ್ಯ ಕ್ಷೇತ್ರಗಳನ್ನು ಭರ್ತಿ ಮಾಡಲಾಗಿದೆ.
ಅಭಿಯಾನಗಳ ಹೆಸರುಗಳು ಒಂದಕ್ಕೊಂದು ಭಿನ್ನವಾಗಿವೆ.
ಅಭಿಯಾನದ ಉದ್ದೇಶವು ವೀಕ್ಷಣೆಗಳು, ಕ್ಲಿಕ್‌ಗಳು ಅಥವಾ ಪರಿವರ್ತನೆಗಳಾಗಿವೆ. ಪರಿವರ್ತನೆ ಅಭಿಯಾನಗಳಿಗೆ, ಜಾಹೀರಾತು ಖಾತೆಯಲ್ಲಿ ಪರಿವರ್ತನೆ ಆಧಾರಿತ ಬಿಡ್ಡಿಂಗ್ ಸಕ್ರಿಯವಾಗಿರಬೇಕು ಮತ್ತು ನಿಖರವಾಗಿ ಒಂದು ಪರಿವರ್ತನೆ ಘಟನೆಯ ಸೆಟ್ಟಿಂಗ್ ಐಡಿಯನ್ನು JSON ಸರಣಿಯಾಗಿ ನಮೂದಿಸಿರಬೇಕು. ಉತ್ಪನ್ನ ಫೀಡ್ ಅಭಿಯಾನಗಳನ್ನು ಒಟ್ಟಾಗಿ ಅಪ್ಲೋಡ್ ಮಾಡುವಾಗ ಪರಿವರ್ತನೆಗಳನ್ನು ಉದ್ದೇಶವಾಗಿ ಬಳಸಲಾಗುವುದಿಲ್ಲ.
ಅಭಿಯಾನದ ದಿನಾಂಕಗಳು ಮಾನ್ಯವಾಗಿವೆ ಮತ್ತು ಸರಿಯಾದ ಸ್ವರೂಪದಲ್ಲಿವೆ (YYYY-MM-DD). ಪ್ರಾರಂಭ ಮತ್ತು ಅಂತ್ಯದ ದಿನಾಂಕಗಳೆರಡೂ ಆಯಾ ದಿನಾಂಕದ ಆರಂಭದ 00:00:00 UTC ಸಮಯವನ್ನು ಸೂಚಿಸುತ್ತವೆ. ಅಂತ್ಯದ ದಿನಾಂಕದಲ್ಲಿ ಆ ದಿನದ ಉಳಿದ ಸಮಯ ಒಳಗೊಂಡಿರುವುದಿಲ್ಲ. ಉದಾಹರಣೆಗೆ, ಅಕ್ಟೋಬರ್ 10ರ ದಿನವಿಡೀ ಅಭಿಯಾನ ನಡೆಯಬೇಕೆಂದರೆ, ಅಂತ್ಯದ ದಿನಾಂಕವನ್ನು 2026-10-11 ಎಂದು ಹೊಂದಿಸಿ.
ಬಜೆಟ್ ಕ್ಷೇತ್ರಗಳನ್ನು ಭರ್ತಿ ಮಾಡಲಾಗಿದೆ.
ದೇಶದ ಕ್ಷೇತ್ರವನ್ನು ಭರ್ತಿ ಮಾಡಲಾಗಿದೆ ಮತ್ತು ಅದು JSON ಸ್ವರೂಪದಲ್ಲಿದೆ.
ಅಭಿಯಾನಗಳ ಹೆಸರುಗಳು ಪುನರಾವರ್ತನೆಯಾಗಿಲ್ಲ.
ಜಾಹೀರಾತು ಖಾತೆಯಲ್ಲಿ 5,000ಕ್ಕಿಂತ ಹೆಚ್ಚು ಅಭಿಯಾನಗಳಿಲ್ಲ. ಇದು ಖಾತೆಗೆ ಅನ್ವಯಿಸುವ ಮಿತಿ.
ಜಾಹೀರಾತು ಗುಂಪುಗಳ ಟ್ಯಾಬ್
ಜಾಹೀರಾತು ಗುಂಪಿನ ಎಲ್ಲಾ ಅಗತ್ಯ ಕ್ಷೇತ್ರಗಳನ್ನು ಭರ್ತಿ ಮಾಡಲಾಗಿದೆ.
ಜಾಹೀರಾತು ಗುಂಪುಗಳ ಹೆಸರುಗಳು ಒಂದಕ್ಕೊಂದು ಭಿನ್ನವಾಗಿವೆ.
ಪ್ರತಿ ಜಾಹೀರಾತು ಗುಂಪನ್ನು ಸರಿಯಾದ ಅಭಿಯಾನಕ್ಕೆ ಜೋಡಿಸಲಾಗಿದೆ.
ಅಭಿಯಾನಗಳ ಮತ್ತು ಜಾಹೀರಾತು ಗುಂಪುಗಳ ಟ್ಯಾಬ್‌ಗಳಲ್ಲಿ ಅಭಿಯಾನಗಳ ಹೆಸರುಗಳು ನಿಖರವಾಗಿ ಹೊಂದಿಕೆಯಾಗುತ್ತವೆ.
ಸಂದರ್ಭ ಸೂಚನೆಗಳು ["hint1", "hint2"] ನಂತಹ JSON ಸ್ವರೂಪದಲ್ಲಿವೆ.
ಜಾಹೀರಾತು ಗುಂಪುಗಳ ಹೆಸರುಗಳು ಪುನರಾವರ್ತನೆಯಾಗಿಲ್ಲ.
ಜಾಹೀರಾತು ಖಾತೆಯಲ್ಲಿ 5,000ಕ್ಕಿಂತ ಹೆಚ್ಚು ಜಾಹೀರಾತು ಗುಂಪುಗಳಿಲ್ಲ. ಇದು ಖಾತೆಗೆ ಅನ್ವಯಿಸುವ ಮಿತಿ.
ಜಾಹೀರಾತುಗಳ ಟ್ಯಾಬ್
ಜಾಹೀರಾತಿನ ಎಲ್ಲಾ ಅಗತ್ಯ ಕ್ಷೇತ್ರಗಳನ್ನು ಭರ್ತಿ ಮಾಡಲಾಗಿದೆ.
ಜಾಹೀರಾತು ಗುಂಪುಗಳ ಮತ್ತು ಜಾಹೀರಾತುಗಳ ಟ್ಯಾಬ್‌ಗಳಲ್ಲಿ ಜಾಹೀರಾತು ಗುಂಪುಗಳ ಹೆಸರುಗಳು ನಿಖರವಾಗಿ ಹೊಂದಿಕೆಯಾಗುತ್ತವೆ.
ಜಾಹೀರಾತು ಶೀರ್ಷಿಕೆಗಳು ಅಕ್ಷರ ಮಿತಿಯೊಳಗಿವೆ (16-24 ಅಕ್ಷರಗಳನ್ನು ಶಿಫಾರಸು ಮಾಡಲಾಗುತ್ತದೆ; ಗರಿಷ್ಠ 50 ಅಕ್ಷರಗಳು).
ಜಾಹೀರಾತು ಪಠ್ಯವು ಅಕ್ಷರ ಮಿತಿಯೊಳಗಿದೆ (32-48 ಅಕ್ಷರಗಳನ್ನು ಶಿಫಾರಸು ಮಾಡಲಾಗುತ್ತದೆ; ಗರಿಷ್ಠ 100 ಅಕ್ಷರಗಳು).
ಜಾಹೀರಾತು ಕರೆದೊಯ್ಯುವ ಪುಟಗಳ ಯುಆರ್‌ಎಲ್‌ಗಳು ಮಾನ್ಯವಾಗಿವೆ ಮತ್ತು ತೆರೆಯುತ್ತವೆ.
ಚಿತ್ರಗಳ ಯುಆರ್‌ಎಲ್‌ಗಳನ್ನು ಸಾರ್ವಜನಿಕವಾಗಿ ಪ್ರವೇಶಿಸಬಹುದು ಮತ್ತು ಅವು ಬ್ರೌಸರ್‌ನಲ್ಲಿ ನೇರವಾಗಿ ಚಿತ್ರವನ್ನು ತೆರೆಯುತ್ತವೆ.
ಗೂಗಲ್ ಡ್ರೈವ್ ಲಿಂಕ್‌ಗಳು, S3 ಅಥವಾ CloudFront ನಂತಹ AWS-ಹೋಸ್ಟ್ ಮಾಡಿದ ಚಿತ್ರ ಲಿಂಕ್‌ಗಳು, ಅಥವಾ ಜಾಹೀರಾತುದಾರರ ಡೊಮೇನ್ ಅಥವಾ ಸಿಡಿಎನ್‌ನಲ್ಲಿ ಸ್ವತಃ ಹೋಸ್ಟ್ ಮಾಡಿದ ಚಿತ್ರ ಲಿಂಕ್‌ಗಳಂತಹ ಬೆಂಬಲಿತ ವಿಧಾನಗಳ ಮೂಲಕ ಚಿತ್ರಗಳನ್ನು ಹೋಸ್ಟ್ ಮಾಡಲಾಗಿದೆ.
ಚಿತ್ರಗಳು PNG ಅಥವಾ JPG ಸ್ವರೂಪದಲ್ಲಿವೆ, ಚೌಕಾಕಾರದಲ್ಲಿವೆ ಮತ್ತು 1200 x 1200 ಪಿಕ್ಸೆಲ್‌ಗಳಿಗಿಂತ ದೊಡ್ಡದಾಗಿಲ್ಲ.
ಜಾಹೀರಾತು ಖಾತೆಯಲ್ಲಿ 5,000ಕ್ಕಿಂತ ಹೆಚ್ಚು ಜಾಹೀರಾತುಗಳಿಲ್ಲ. ಇದು ಖಾತೆಗೆ ಅನ್ವಯಿಸುವ ಮಿತಿ.
ಸ್ವರೂಪ ಪರಿಶೀಲನೆಗಳು
ಪ್ರತಿ ಟೆಂಪ್ಲೇಟ್ ಟ್ಯಾಬ್‌ನಲ್ಲಿ ಕಾಲಮ್ ಹೆಸರುಗಳಿರುವ ಸಾಲನ್ನು ಉಳಿಸಿಕೊಳ್ಳಿ. ಅದರ ಮೇಲೆ ಟಿಪ್ಪಣಿ ಸಾಲುಗಳನ್ನು ಸೇರಿಸಬಹುದು. ಟೆಂಪ್ಲೇಟ್‌ನ ಸೂಚನೆ ಅಥವಾ ಮಾದರಿ ಸಾಲುಗಳನ್ನು ತೆಗೆದುಹಾಕಬಹುದು ಅಥವಾ ಸ್ಥಳಾಂತರಿಸಬಹುದು. ನಿಮ್ಮ ಅಪ್ಲೋಡ್ ಅನ್ನು ಮೌಲ್ಯೀಕರಿಸುವಾಗ ಜಾಹೀರಾತು ವ್ಯವಸ್ಥಾಪಕವು ಟೆಂಪ್ಲೇಟ್‌ನ ಸೂಚನೆ ಮತ್ತು ಮಾದರಿ ಸಾಲುಗಳನ್ನು ಪರಿಗಣಿಸುವುದಿಲ್ಲ.
ಟ್ಯಾಬ್‌ಗಳ ಹೆಸರುಗಳು campaigns, ad groups ಮತ್ತು ads ಎಂದೇ ಉಳಿದಿವೆ.
ಕಾಲಮ್ ಶೀರ್ಷಿಕೆಗಳ ಹೆಸರುಗಳನ್ನು ಬದಲಾಯಿಸಲಾಗಿಲ್ಲ.
ಪ್ರತಿ ಟ್ಯಾಬ್‌ನ ಪ್ರತಿಯೊಂದು ಸಾಲು ಪ್ರತ್ಯೇಕ ಅಭಿಯಾನ, ಜಾಹೀರಾತು ಗುಂಪು ಅಥವಾ ಜಾಹೀರಾತನ್ನು ಪ್ರತಿನಿಧಿಸಬೇಕು. ಒಂದೇ ಅಂಶವನ್ನು ಪ್ರತಿನಿಧಿಸುವ ಸಾಲುಗಳು ಪುನರಾವರ್ತನೆಯಾಗಬಾರದು.
ವಿಲೀನಗೊಳಿಸಿದ ಕೋಶಗಳಿಲ್ಲ.
ಅಭಿಯಾನ ಮತ್ತು ಜಾಹೀರಾತು ಗುಂಪುಗಳ ಹೆಸರುಗಳು ಎಲ್ಲೆಲ್ಲಿ ಕಾಣಿಸುತ್ತವೆಯೋ ಅಲ್ಲೆಲ್ಲಾ ಒಂದೇ ರೀತಿಯಲ್ಲಿವೆ.
ಒಟ್ಟಾಗಿ ಅಪ್ಲೋಡ್ ಮಾಡುವಾಗ ಎದುರಾಗುವ ವಿಶೇಷ ಸಂದರ್ಭಗಳು
ನಾನು ಅಸ್ತಿತ್ವದಲ್ಲಿರುವ ಅಂಶವನ್ನು ನವೀಕರಿಸುತ್ತಿದ್ದೇನೆಯೇ ಅಥವಾ ಹೊಸದನ್ನು ರಚಿಸುತ್ತಿದ್ದೇನೆಯೇ?
ಅಸ್ತಿತ್ವದಲ್ಲಿರುವ ಅಭಿಯಾನ, ಜಾಹೀರಾತು ಗುಂಪು ಅಥವಾ ಜಾಹೀರಾತಿನ ಐಡಿಗಳಿರುವ ಸಾಲುಗಳು ಆಯಾ ಅಂಶಗಳನ್ನು ನವೀಕರಿಸುತ್ತವೆ. ಹೊಸ ಜಾಹೀರಾತು ಗುಂಪುಗಳು ಅಥವಾ ಜಾಹೀರಾತುಗಳ ಸಾಲುಗಳಲ್ಲಿ ಅವು ಸೇರಬೇಕಾದ ಮೇಲ್ಮಟ್ಟದ ಅಂಶದ ಸರಿಯಾದ ಐಡಿಯನ್ನು ಸೇರಿಸಿ. ಜಾಹೀರಾತು ವ್ಯವಸ್ಥಾಪಕವು ಹೊಸ ಅಂಶವನ್ನು ರಚಿಸಲು ಸಾಧ್ಯವಾಗುವಂತೆ ಅದರ ಐಡಿಯನ್ನು ಖಾಲಿ ಬಿಡಿ.
ಒಟ್ಟಾಗಿ ಸಂಪಾದಿಸುವ ಮೊದಲು ಅನುಸರಿಸಬೇಕಾದ ಅತ್ಯಂತ ಸುರಕ್ಷಿತ ಕಾರ್ಯವಿಧಾನ ಯಾವುದು?
ಸಾಧ್ಯವಾದಾಗಲೆಲ್ಲಾ ಸಂಪಾದನೆಗಾಗಿ ರಫ್ತು ಮಾಡುವ ಆಯ್ಕೆಯಿಂದ ಪ್ರಾರಂಭಿಸಿ. ಹೊಸದಾಗಿ ರಫ್ತು ಮಾಡಿದ ಫೈಲ್‌ನಲ್ಲಿ ಪ್ರಸ್ತುತ ಐಡಿಗಳು ಮತ್ತು ಕ್ಷೇತ್ರದ ಮೌಲ್ಯಗಳು ಇರುತ್ತವೆ. ಇದರಿಂದ ಆಕಸ್ಮಿಕವಾಗಿ ಸಾಲುಗಳು ಪುನರಾವರ್ತನೆಯಾಗುವ, ಹಳೆಯ ಐಡಿಗಳನ್ನು ಬಳಸುವ ಅಥವಾ ಅಸ್ತಿತ್ವದಲ್ಲಿರುವ ಮಾಹಿತಿಯನ್ನು ತಿದ್ದಿಬರೆಯುವ ಸಾಧ್ಯತೆ ಕಡಿಮೆಯಾಗುತ್ತದೆ. ಸಂಪಾದನೆಗಾಗಿ ರಫ್ತು ಮಾಡುವ ಕಾರ್ಯವಿಧಾನಕ್ಕೆ ಅಭಿಯಾನಗಳನ್ನು ಸಂಪಾದಿಸಿ ನೋಡಿ.
ಸಂದರ್ಭ ಸೂಚನೆಗಳು ಅಸ್ತಿತ್ವದಲ್ಲಿರುವ ಪಟ್ಟಿಯೊಂದಿಗೆ ವಿಲೀನಗೊಳ್ಳುತ್ತವೆಯೇ?
ಇಲ್ಲ. ಅಪ್ಲೋಡ್ ಮಾಡುವ ಜಾಹೀರಾತು ಗುಂಪಿನ ಸಾಲಿನಲ್ಲಿರುವ ಸಂದರ್ಭ ಸೂಚನೆಗಳೇ, ಅಪ್ಲೋಡ್ ನಂತರ ಆ ಜಾಹೀರಾತು ಗುಂಪು ಬಳಸಬೇಕಾದ ಸಂಪೂರ್ಣ ಮೌಲ್ಯವೆಂದು ಪರಿಗಣಿಸಿ. ನೀವು ಸೇರಿಸಲು ಬಯಸುವ ಹೊಸ ಸೂಚನೆಗಳನ್ನು ಮಾತ್ರ ಸೇರಿಸದೆ, ಸಂಪೂರ್ಣ JSON ಪಟ್ಟಿಯನ್ನು ಸೇರಿಸಿ.
ಪ್ರವೇಶಿಸಲಾಗದ ಚಿತ್ರ ಲಿಂಕ್‌ಗಳನ್ನು ನಾನು ಬಳಸಬಹುದೇ?
ಇಲ್ಲ. ಚಿತ್ರಗಳ ಯುಆರ್‌ಎಲ್‌ಗಳನ್ನು ಸಾರ್ವಜನಿಕವಾಗಿ ಪ್ರವೇಶಿಸಲು ಸಾಧ್ಯವಾಗಬೇಕು ಮತ್ತು ಅವು ಬ್ರೌಸರ್‌ನಲ್ಲಿ ನೇರವಾಗಿ ಚಿತ್ರವನ್ನು ತೆರೆಯಬೇಕು. ಚಿತ್ರವನ್ನು ನೋಡಲು ಸೈನ್ ಇನ್ ಮಾಡುವ ಅಗತ್ಯವಿದ್ದರೆ, ಅದರ ಲಿಂಕ್ ಪೂರ್ವವೀಕ್ಷಣೆ ಪುಟಕ್ಕೆ ಮರುನಿರ್ದೇಶಿಸಿದರೆ, ಕ್ರಾಲರ್‌ಗಳನ್ನು ನಿರ್ಬಂಧಿಸಿದರೆ ಅಥವಾ ಫೈರ್‌ವಾಲ್ ಅಥವಾ ಸಿಡಿಎನ್ ನಿಯಮದಿಂದ ನಿರ್ಬಂಧಿತವಾಗಿದ್ದರೆ, ಅಪ್ಲೋಡ್ ಮೌಲ್ಯೀಕರಣ ಅಥವಾ ಪರಿಶೀಲನೆ ವಿಫಲವಾಗಬಹುದು.
ಜಾಹೀರಾತು ಕರೆದೊಯ್ಯುವ ಪುಟದ ಅಥವಾ ಚಿತ್ರದ ಯುಆರ್‌ಎಲ್ ಮೌಲ್ಯೀಕರಣದಲ್ಲಿ ವಿಫಲವಾದರೆ ನಾನು ಏನನ್ನು ಪರಿಶೀಲಿಸಬೇಕು?
ಯುಆರ್‌ಎಲ್ ದೃಢೀಕರಣವಿಲ್ಲದೆ ಲೋಡ್ ಆಗುತ್ತದೆ, ಯಶಸ್ವಿ ಪ್ರತಿಕ್ರಿಯೆಯನ್ನು ನೀಡುತ್ತದೆ ಮತ್ತು OpenAI ಕ್ರಾಲರ್‌ಗಳು ಅದನ್ನು ಪ್ರವೇಶಿಸಬಹುದು ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಕ್ರಾಲರ್‌ಗಳಿಗೆ ಸಂಬಂಧಿಸಿದ ನಿರ್ದಿಷ್ಟ ಮಾರ್ಗದರ್ಶನಕ್ಕಾಗಿ, OpenAI ವೆಬ್ ಕ್ರಾಲರ್‌ಗಳಿಗೆ ಅನುಮತಿ ನೀಡಲು ಜಾಹೀರಾತುದಾರರಿಗೆ ಮಾರ್ಗದರ್ಶನ ನೋಡಿ.