கண்ணோட்டம்

ரோல்-பேஸ்ட் ஆக்சஸ் கண்ட்ரோல் (RBAC) மூலம் வர்க்ஸ்பேஸ் உரிமையாளர்கள், மீண்டும் பயன்படுத்தக்கூடிய தனிப்பயன் பங்குகளைக் கொண்டு அம்சங்களுக்கான அணுகலை அமைக்கலாம். ஒரு உறுப்பினருக்கு நேரடியாகவும், அவர் சேர்ந்துள்ள குழுக்கள் மூலமாகவும் பங்குகள் வழங்கப்படலாம். அவருக்கு ஒன்றுக்கும் மேற்பட்ட பங்குகள் இருக்கலாம்.

தனிப்பயன் பங்குகள் அம்சங்களுக்கான அனுமதிகளைக் கட்டுப்படுத்துகின்றன. உறுப்பினர், நிர்வாகி, உரிமையாளர் போன்ற உள்ளமைந்த வர்க்ஸ்பேஸ் பங்குகள், ஒருவர் எவற்றை நிர்வகிக்கலாம் என்பதைத் தீர்மானிக்கின்றன. உள்ளமைந்த பங்குகள் மற்றும் பயனர் உரிம வகங்கள் குறித்து அறிய, உறுப்பினர்கள், வர்க்ஸ்பேஸ் பங்குகள் மற்றும் பயனர் உரிமங்களை நிர்வகித்தல் என்பதைப் பார்க்கவும்.

கிடைக்கும் விவரம்

ஆதரிக்கப்படும் அனைத்து நாடுகளிலும் ChatGPT Enterprise, Edu, Healthcare மற்றும் Teachers திட்டங்களுக்கு RBAC கிடைக்கிறது. இணையத்தில் RBAC-ஐ அமைக்க, ChatGPT-இல் வர்க்ஸ்பேஸ் அமைப்புகள் > அனுமதிகள் மற்றும் பங்குகள் என்பதைப் பயன்படுத்தவும். அல்லது, நிர்வாகக் கட்டுப்பாட்டகத்தில் ஆதரிக்கப்படும் பங்கு மற்றும் அனுமதிக் கட்டுப்பாடுகளைப் பயன்படுத்தவும்.

தொடங்குவதற்கு முன்

• வர்க்ஸ்பேஸ் உரிமையாளர்கள் தனிப்பயன் பங்குகளை உருவாக்கலாம், நீக்கலாம், ஒதுக்கலாம், ஒதுக்கீட்டை அகற்றலாம். மேலும், வர்க்ஸ்பேஸ் முழுவதற்குமான இயல்புநிலை அனுமதிகளை நிர்வகிக்கலாம்.

• வர்க்ஸ்பேஸ் நிர்வாகிகள், ஆதரிக்கப்படும் நிர்வாக இடைமுகங்கள் மூலம் ஏற்கெனவே உள்ள பங்குகளைப் பார்க்கவோ புதுப்பிக்கவோ முடியலாம். அவர்களால் தனிப்பயன் பங்குகளை உருவாக்கவோ, நீக்கவோ, ஒதுக்கவோ, ஒதுக்கீட்டை அகற்றவோ முடியாது.

• உறுப்பினர்களும் பகுப்பாய்வுப் பார்வையாளர்களும் வர்க்ஸ்பேஸ் முழுவதற்குமான RBAC அமைப்புகளை நிர்வகிக்க முடியாது.

• ChatGPT Enterprise-இல் குழு மேலாளர்களுக்கு அதிகாரம் வழங்கும் வசதி உள்ளது. வர்க்ஸ்பேஸ் உரிமையாளர் மட்டுமே குழு மேலாளர்களுக்கான ஒதுக்கப்பட்ட பங்குகளில் அனுமதிகளைத் திருத்து என்பதை இயக்கவோ முடக்கவோ முடியும்.

ஒரு நிறுவனக் கணக்கின் உலகளாவிய நிர்வாகிக்கு ChatGPT வர்க்ஸ்பேஸில் தானாகவே ஒரு பங்கு வழங்கப்படாது. தனிப்பயன் பங்குகள் நிர்வாகச் சாவி அணுகலை வழங்காது. வர்க்ஸ்பேஸ் உரிமையாளர்களும் நிர்வாகிகளும் மட்டுமே வர்க்ஸ்பேஸ் நிர்வாகச் சாவிகளை உருவாக்க முடியும். முக்கியமான இணக்க அனுமதிகளுக்கு உரிமையாளர் பங்கு தேவை. விவரங்களுக்கு, நிர்வாகக் கட்டுப்பாட்டகத்தில் நிர்வாகச் சாவிகளை நிர்வகித்தல் என்பதைப் பார்க்கவும்.

வர்க்ஸ்பேஸ் இயல்புநிலைகளையும் தனிப்பயன் பங்குகளையும் புரிந்துகொள்ளுதல்

தகுதியுள்ள அனுமதிகளுக்கான அடிப்படையை வர்க்ஸ்பேஸ் அமைப்புகள் வழங்குகின்றன. ஒரு சாதாரண தனிப்பயன் பங்கு இந்த நிலைகளைப் பயன்படுத்தலாம்:

சாதாரண பங்குகள் வழங்கும் அனுமதிகள் ஒன்றாகச் சேர்க்கப்படுகின்றன. ஒதுக்கப்பட்டுள்ள ஏதேனும் ஒரு பங்கு நேரடியாகவோ, இயக்கப்பட்டுள்ள வர்க்ஸ்பேஸ் அமைப்பைப் பின்பற்றுவதன் மூலமாகவோ அணுகலை வழங்கினால், உறுப்பினருக்கு அணுகல் தொடர்ந்து கிடைக்கும். நேரடியாகவும் குழுக்கள் மூலமாகவும் ஒதுக்கப்பட்ட பங்குகளுக்கு இது பொருந்தும்.

பொருந்தும் ஒவ்வொரு சாதாரண பங்கும் முடக்கம் என அமைக்கப்பட்டிருந்தால், சாதாரண RBAC மூலம் அணுகல் மறுக்கப்படும். பொருந்தும் அனைத்துப் பங்குகளும் இயல்புநிலை என்பதைப் பயன்படுத்தினால், வர்க்ஸ்பேஸ் அமைப்பு பொருந்தும். சில வேலை மற்றும் செருகுநிரல் கட்டுப்பாடுகள் உள்ளிட்ட சில அனுமதிகளுக்கு இயக்கம், முடக்கம் ஆகியவை மட்டுமே உள்ளன.

பயனர் உரிம வகை, திட்டம் மற்றும் தயாரிப்பைப் பயன்படுத்துவதற்கான தகுதி ஆகிய நிபந்தனைகள் தொடர்ந்து பொருந்தும். லாக்டவுன் மோடு தனியாக மதிப்பிடப்படுகிறது. சாதாரண பங்கு ஒரு திறனை வழங்கினாலும், அது அந்தத் திறனைக் கட்டுப்படுத்தலாம்.

வர்க்ஸ்பேஸ் அனுமதிகளின் இயல்புநிலைகளை அமைத்தல்

1. உங்கள் ChatGPT வர்க்ஸ்பேஸைத் திறக்கவும்.

2. வர்க்ஸ்பேஸ் அமைப்புகள் > அனுமதிகள் மற்றும் பங்குகள் என்பதற்குச் செல்லவும்.

3. வர்க்ஸ்பேஸ் தாவலைத் திறக்கவும்.

4. கிடைக்கும் அனுமதிகளைச் சரிபார்த்து, வர்க்ஸ்பேஸின் அடிப்படை அமைப்பை உள்ளமைக்கவும்.

கிடைக்கும் கட்டுப்பாடுகள் அனுமதிகள் மற்றும் பங்குகள் என்பதில் பட்டியலிடப்பட்டுள்ளன. தனிப்பயன் பங்கில் தகுதியுள்ள ஓர் அனுமதிக்கு இயல்புநிலை பயன்படுத்தப்படும்போது, வர்க்ஸ்பேஸின் இயல்புநிலை அதற்குப் பொருந்தும்.

ஒவ்வொரு செயலிக்கும் தனித்தனியாக அணுகலைக் கட்டுப்படுத்தலாம். ஒரு செயலியின் பயனர் இடைமுகத்தை மட்டும் தனியாக முடக்க முடியாது.

தனிப்பயன் பங்கை உருவாக்குதல் அல்லது திருத்துதல்

வர்க்ஸ்பேஸ் உரிமையாளர்கள் தனிப்பயன் பங்குகளை உருவாக்கலாம்.

1. வர்க்ஸ்பேஸ் அமைப்புகள் > அனுமதிகள் மற்றும் பங்குகள் என்பதற்குச் செல்லவும்.

2. தனிப்பயன் பங்குகள் என்பதைத் திறக்கவும்.

3. பங்கை உருவாக்கு என்பதைத் தேர்ந்தெடுக்கவும்.

4. பெயரையும் விளக்கத்தையும் உள்ளிட்டு, சேமி என்பதைத் தேர்ந்தெடுக்கவும்.

5. பங்கின் அனுமதிப் பக்கத்தில், தகுதியுள்ள ஒவ்வோர் அனுமதிக்கும் இயல்புநிலை, இயக்கம் அல்லது முடக்கம் என்பதைத் தேர்ந்தெடுக்கவும். இரு நிலைகள் கொண்ட அனுமதிகளுக்கு, இயக்கம் அல்லது முடக்கம் என்பதைத் தேர்ந்தெடுக்கவும்.

ஏற்கெனவே உள்ள பங்கைத் திருத்த, தனிப்பயன் பங்குகள் என்பதில் அதைத் திறந்து, அனுமதிக்கப்பட்ட அமைப்புகளைப் புதுப்பிக்கவும். மேலே விவரித்தபடி, நிர்வாக அனுமதிகள் உங்கள் வர்க்ஸ்பேஸ் பங்கையும் ஆதரிக்கப்படும் இடைமுகத்தையும் பொறுத்து அமையும்.

தனிப்பயன் பங்கில் செய்யப்படும் மாற்றங்கள், அது ஒதுக்கப்பட்டுள்ள ஒவ்வொரு குழுவிலும் தாக்கத்தை ஏற்படுத்தும். குழுக்களுக்குத் தனித்தனி அனுமதி அமைப்புகள் தேவைப்படும்போது, தனித்தனிப் பங்குகளைப் பயன்படுத்தவும்.

தனிப்பயன் பங்கை ஒதுக்குதல்

வசதி உள்ள இடங்களில், வர்க்ஸ்பேஸ் உரிமையாளர்கள் தனிப்பட்ட உறுப்பினர்களுக்கு நேரடியாகப் பங்குகளை ஒதுக்கலாம். அல்லது, கைமுறையாக உருவாக்கப்பட்ட அல்லது SCIM மூலம் ஒத்திசைக்கப்பட்ட குழுக்களுக்கு ஒதுக்கலாம். பெருமளவில் அணுகலை நிர்வகிக்கக் குழுக்களைப் பயன்படுத்துவது பரிந்துரைக்கப்படுகிறது. குழு அமைப்பது குறித்து அறிய, குழுக்களையும் குழு மேலாளர்களையும் நிர்வகித்தல் என்பதைப் பார்க்கவும்.

குழுக்களுக்கு ஒரு பங்கை ஒதுக்குதல்

1. வர்க்ஸ்பேஸ் அமைப்புகள் > அனுமதிகள் மற்றும் பங்குகள் என்பதற்குச் செல்லவும்.

2. தனிப்பயன் பங்குகள் என்பதைத் திறந்து, பங்கைத் தேர்ந்தெடுக்கவும்.

3. பங்கு ஒதுக்கீடுகள் என்பதைத் திறக்கவும்.

4. + சேர் என்பதைத் தேர்ந்தெடுக்கவும்.

5. ஒன்று அல்லது அதற்கு மேற்பட்ட குழுக்களைத் தேர்ந்தெடுக்கவும்.

6. முடிந்தது என்பதைத் தேர்ந்தெடுக்கவும்.

உறுப்பினர்களுக்குப் பொருந்தும் அனைத்து நேரடி மற்றும் குழுப் பங்கு ஒதுக்கீடுகள் மூலமும் அனுமதிகள் கிடைக்கும். மாற்றங்கள் நடைமுறைக்கு வர 5 நிமிடங்கள் வரை ஆகலாம்.

உறுப்பினருக்கு நேரடியாக ஒரு பங்கை ஒதுக்குதல்

நேரடி ஒதுக்கீடு வசதி உள்ள இடங்களில், உறுப்பினரின் சுயவிவரத்தைத் திறந்து, நேரடிப் பங்குகள் என்பதற்குச் சென்று, நேரடிப் பங்கை ஒதுக்கு என்பதைத் தேர்ந்தெடுக்கவும். ஒதுக்க வேண்டிய தனிப்பயன் பங்கைத் தேர்ந்தெடுக்கவும். நேரடிப் பங்கு, உறுப்பினர் குழுக்கள் மூலம் பெறும் பங்குகளுடன் சேர்ந்து செயல்படும்.

ஒதுக்கப்பட்ட பங்குகளைத் திருத்தும் அதிகாரத்தை வழங்குதல்

ChatGPT Enterprise-இல், குழு மேலாளர்கள் தங்கள் குழுவிற்கு ஒதுக்கப்பட்ட தனிப்பயன் பங்குகளில் அனுமதிக்கப்பட்ட அமைப்புகளைத் திருத்த வர்க்ஸ்பேஸ் உரிமையாளர் அனுமதிக்கலாம். குழு மேலாளர்களால் பங்குகளை உருவாக்கவோ, நீக்கவோ, ஒதுக்கவோ, ஒதுக்கீட்டை அகற்றவோ முடியாது. பல குழுக்கள் பகிர்ந்து பயன்படுத்தும் பங்கைத் திருத்துவது, அந்தக் குழுக்கள் அனைத்திலும் தாக்கத்தை ஏற்படுத்தும்.

மேலாளர் நியமனம், வழங்கப்பட்ட அதிகாரத்திற்கான அனுமதி அமைப்புகள் மற்றும் நீக்குதல் குறித்து அறிய, குழுக்களையும் குழு மேலாளர்களையும் நிர்வகித்தல் என்பதைப் பார்க்கவும்.

மாடல் அணுகலையும் பாதுகாப்பு விதிவிலக்குகளையும் அமைத்தல்

மாடல் அணுகல்

தகுதியுள்ள மாடல்களுக்கான அணுகலை வர்க்ஸ்பேஸ் அமைப்புகள் அல்லது தனிப்பயன் பங்குகள் மூலம் உரிமையாளர்கள் கட்டுப்படுத்தலாம். ஒரு மாடலைப் பயன்படுத்த வர்க்ஸ்பேஸுக்குத் தகுதி இல்லாவிட்டால், எந்தப் பங்கும் அந்த மாடலைக் கிடைக்கச் செய்ய முடியாது. தொடக்க அல்லது இயல்புநிலை மாடலைத் தேர்ந்தெடுப்பதால் அணுகல் வழங்கப்படாது.

தகுதியுள்ள Enterprise மற்றும் Edu வர்க்ஸ்பேஸ்களில், அறிமுகத்தின்போது GPT-6 Astra இயல்பாகவே முடக்கப்பட்டிருக்கும். Astra அணுகலைத் தனியாக அமைக்கவும்; முந்தைய முன்கூட்டிய மாடல் அணுகல் அமைப்புகள் இதற்குப் பொருந்தாது. ஒதுக்கப்பட்டுள்ள அனைத்துப் பங்குகளையும் சரிபார்க்கவும். ஏனெனில், ஒரு பங்கு முடக்கம் என அமைக்கப்பட்டிருந்தாலும், அணுகலை அனுமதிக்கும் மற்றொரு பங்கு அதை இயக்கத்தில் வைத்திருக்கலாம்.

வேலை மற்றும் Codex-இல் அறிமுகப்படுத்தப்பட்டபோது, GPT-6 Sol மற்றும் GPT-6 Luna ஆகியவை Enterprise மற்றும் Edu வர்க்ஸ்பேஸ்களில் இயல்பாகவே முடக்கப்பட்டிருந்தன. இன்னும் முடக்கப்பட்டுள்ள மாடல்களை உறுப்பினர்கள் பயன்படுத்துவதற்கு முன், நிர்வாகிகள் அவற்றை இயக்க வேண்டும். ஏற்கெனவே இயக்கப்பட்டுள்ள மாடல்களை இந்த அரட்டை வெளியீட்டிற்காக மீண்டும் இயக்கத் தேவையில்லை. மாடல் தேர்வியும் நழுவியும் உறுப்பினருக்குக் கிடைக்கும் விருப்பங்களை மட்டுமே காட்டும்.

Enterprise அரட்டையில் GPT-6 மாடலின் உடனடி முதல் மிக அதிகம் வரையிலான நிலைகளுக்கான அணுகலைக் கட்டுப்படுத்த, ஏற்கெனவே உள்ள GPT-6 Sol அனுமதியைப் பயன்படுத்தவும். Sol இயக்கப்பட்டுள்ள வர்க்ஸ்பேஸ்களுக்கு வெளியீட்டின்போது அணுகல் கிடைக்கலாம். இந்த அரட்டை வெளியீட்டில் நிர்வாகிகளுக்கான புதிய முன்னோட்டக் காலம் அறிமுகப்படுத்தப்படவில்லை.

அணுகல், ஏற்கெனவே உள்ள நிர்வாக அமைப்புகளையும் ஒதுக்கப்பட்டுள்ள அனைத்துப் பங்குகளையும் பொறுத்து அமையும். மேலே விவரித்தபடி, சாதாரண பங்குகள் வழங்கும் அனுமதிகள் ஒன்றாகச் சேர்க்கப்படுகின்றன: ஒரு பங்கு அணுகலை முடக்கினாலும், மற்றொரு பங்கு அதை அனுமதிக்கலாம். இருப்பினும், திட்டம், பயனர் உரிமம் மற்றும் தயாரிப்பைப் பயன்படுத்துவதற்கான தகுதித் தேவைகளை உறுப்பினர்கள் பூர்த்தி செய்ய வேண்டும். Pro, தனியான GPT-6 Astra அனுமதியைப் பயன்படுத்துகிறது.

வேலை அல்லது Codex-இல் இந்த மாடல்களில் ஏதேனும் ஒன்று உறுப்பினருக்குத் தெரியவில்லை என்றால், அந்த மாடலைப் பயன்படுத்த வர்க்ஸ்பேஸுக்குத் தகுதி உள்ளதா என்பதையும், உறுப்பினருக்கு நடைமுறையில் உள்ள மாடல் அணுகலையும் சரிபார்க்கவும்.

நிர்வாகிகள் நிர்வாகக் கட்டுப்பாட்டகத்தைத் திறந்து, ChatGPT வர்க்ஸ்பேஸைத் தேர்ந்தெடுத்து, பின்னர் மாடல்கள் என்பதைத் திறந்து சோதனை என்பதைத் தேர்ந்தெடுக்கலாம். இதன் மூலம் உறுப்பினரின் அணுகலையும் அதை நிர்ணயிக்கும் அமைப்புகளையும் ஆய்வு செய்யலாம். சோதனை செய்வதால் மாடல் இயக்கப்படாது அல்லது அனுமதிகள் மாற்றப்படாது.

மாடல்கள் கிடைக்கும் விவரம், பயனர் மென்பொருள் தேவைகள் மற்றும் முழுச் செயல்முறையை அறிய, ChatGPT Enterprise மற்றும் Edu மாடல்களும் வரம்புகளும் என்பதைப் பார்க்கவும்.

லாக்டவுன் மோடு

லாக்டவுன் மோடு பங்கை ஆதரிக்கும் வர்க்ஸ்பேஸ்களில், அது தேவைப்படும் உறுப்பினர்களுக்காகத் தனிப்பயன் பங்கை உருவாக்கலாம். லாக்டவுன் மோடு என்பது பங்கு அளவிலான பாதுகாப்பு அமைப்பு; ஒரு தனி அனுமதியை இயக்கவோ முடக்கவோ செய்யும் கட்டுப்பாடு அல்ல.

வர்க்ஸ்பேஸ் அமைப்புகளைப் பொறுத்து, நேரடி இணையத் தேடல், டீப் ரிசர்ச், ஏஜென்ட் பயன்முறை, canvas பிணையப் பயன்பாடு மற்றும் சில செயலி அல்லது MCP செயல்பாடுகள் உள்ளிட்ட பிணையத்தைப் பயன்படுத்தும் திறன்களை லாக்டவுன் மோடு பங்கு கட்டுப்படுத்தலாம். சாதாரண பங்கு அந்தத் திறனை வழங்கினாலும் இந்தக் கட்டுப்பாடுகள் பொருந்தலாம்.

லாக்டவுன் மோடு பங்கை ஒதுக்குவதற்கு முன், அது எந்தச் செயலிகளையும் செயல்களையும் அனுமதிக்கிறது என்பதைச் சரிபார்க்கவும். இணைக்கப்பட்டுள்ள ஒவ்வொரு மூல அமைப்பிலும் உறுப்பினர்களுக்குத் தேவையான அனுமதிகள் இருக்க வேண்டும்; ChatGPT செயலி அணுகல் அந்த மூல அனுமதிகளை மீறாது.

விவரங்களுக்கு, லாக்டவுன் மோடு என்பதைப் பார்க்கவும்.

ஒரு பங்கிற்கான செருகுநிரல் அணுகலை நிர்வகித்தல்

Enterprise மற்றும் Edu வர்க்ஸ்பேஸ்களில், ஒவ்வொரு செருகுநிரலுக்குமான அணுகலைத் தனிப்பயன் பங்கிற்கு அமைக்கலாம் அல்லது வர்க்ஸ்பேஸின் இயல்புநிலை அமைப்பைப் பின்பற்றச் செய்யலாம். இந்தத் தனித்தனி செருகுநிரல் அமைப்புகள், வர்க்ஸ்பேஸ் முழுவதற்குமான செருகுநிரல்களைப் பயன்படுத்து அனுமதி மற்றும் இயக்கம், முடக்கம் ஆகிய இரு நிலைகளை மட்டுமே கொண்ட பிற செருகுநிரல் அனுமதிகளிலிருந்து வேறுபட்டவை.

1. நிர்வாகக் கட்டுப்பாட்டகத்திற்குச் சென்று, தேவையான ChatGPT வர்க்ஸ்பேஸைத் தேர்ந்தெடுத்து, செருகுநிரல்கள் என்பதைத் திறக்கவும்.

2. செருகுநிரலைத் தேர்ந்தெடுத்து, நீங்கள் மாற்ற விரும்பும் பங்கைச் சரிபார்க்கவும்.

3. பங்கிற்குத் தனியான செருகுநிரல் அணுகல் அமைப்பு வேண்டுமா அல்லது வர்க்ஸ்பேஸின் இயல்புநிலையைப் பின்பற்ற வேண்டுமா என்பதைத் தேர்ந்தெடுக்கவும்.

4. தேவையான செயலிகள் மற்றும் பொதுவாகச் சார்ந்துள்ள கூறுகளுக்கான தற்போதைய அணுகலையும், மாற்றத்திற்குப் பிந்தைய அணுகலையும் சரிபார்க்கவும். நீங்கள் செய்ய விரும்பும் செருகுநிரல் மற்றும் செயலி மாற்றங்களை மட்டும் உறுதிப்படுத்தவும்.

5. முடிவுகளைச் சரிபார்த்து, செயல்படுத்த முடியாத மாற்றங்களில் உள்ள சிக்கல்களைத் தீர்க்கவும்.

அணுகலைச் சரிபார்க்கும்போது, உறுப்பினருக்கு நேரடியாகவும் குழுக்கள் மூலமாகவும் ஒதுக்கப்பட்டுள்ள அனைத்துப் பங்குகளையும் சரிபார்க்கவும். செருகுநிரல் அணுகல், அதில் உள்ள செயலிகளின் தனிப்பட்ட அணுகல், செயல், ஒப்புதல் அல்லது வழங்குநர் அங்கீகார அமைப்புகளை மீறாது.

கட்டுப்படுத்தப்பட்ட செருகுநிரல், நிர்வாகியால் முடக்கப்பட்டது என்ற குறிப்புடன் அடைவில் தொடர்ந்து காட்டப்படலாம். செருகுநிரல் நிர்வாகம் மற்றும் தேவையான செயலிகள் தொடர்பான முரண்பாடுகள் குறித்து அறிய, செருகுநிரல்கள் மற்றும் செயலிகளுக்கான நிர்வாகக் கட்டுப்பாடுகள், பாதுகாப்பு மற்றும் இணக்கம் என்பதைப் பார்க்கவும்.

உறுப்பினருக்கு நடைமுறையில் உள்ள அணுகலைச் சரிபார்த்தல்

உறுப்பினரின் பயனர் உரிம வகை, திட்டத் தகுதி, வர்க்ஸ்பேஸ் இயல்புநிலைகள் மற்றும் அனைத்து நேரடி, குழுப் பங்கு ஒதுக்கீடுகளையும் சரிபார்க்கவும். சமீபத்திய RBAC மாற்றங்கள் நடைமுறைக்கு வர 5 நிமிடங்கள் வரை காத்திருக்கவும்.

வேறுவிதமாகக் குறிப்பிடப்படாவிட்டால், பின்வரும் எடுத்துக்காட்டுகள் சாதாரண பங்குகளைப் பயன்படுத்துகின்றன:

மாடல் அணுகலைச் சரிபார்க்க, Business, Enterprise, Healthcare மற்றும் Edu நிர்வாகிகள் நிர்வாகக் கட்டுப்பாட்டகத்தின் மாடல்கள் பிரிவில் உள்ள சோதனை என்பதைப் பயன்படுத்தலாம். நடைமுறையில் உள்ள மாடல் அணுகலையும் அதை நிர்ணயிக்கும் அமைப்புகளையும் இது காட்டுகிறது. இது அணுகலை வழங்கவோ அனுமதிகளை மாற்றவோ செய்யாது. செயல்முறையை அறிய, ChatGPT Enterprise மற்றும் Edu மாடல்களும் வரம்புகளும் என்பதைப் பார்க்கவும்.

அடிக்கடி கேட்கப்படும் கேள்விகள்

ஒரு பங்கில் அனுமதியை முடக்கினால் உறுப்பினரின் அணுகல் அகற்றப்படுமா?

பொருந்தும் மற்றொரு சாதாரண பங்கு அந்த அனுமதியை வழங்கினால், அணுகல் அகற்றப்படாது. நேரடி ஒதுக்கீடுகளையும் குழுக்கள் மூலம் பெற்ற பங்குகளையும் சரிபார்க்கவும். லாக்டவுன் மோடும் தயாரிப்பைப் பயன்படுத்துவதற்கான தகுதியும் தனித்தனியாக மதிப்பிடப்படுகின்றன.

உறுப்பினரின் பயனர் உரிம வகையால் விதிக்கப்படும் வரம்புகளை RBAC மீற முடியுமா?

முடியாது. பயனர் உரிம வகையும் வர்க்ஸ்பேஸ் திட்டமும் அனுமதிக்கும் அணுகலுக்குள் மட்டுமே RBAC அம்சங்களைக் கட்டுப்படுத்துகிறது. Codex மட்டும் பயன்படுத்துவதற்கான பயனர் உரிமத்திற்கு, தனிப்பயன் பங்கு மூலம் ChatGPT அணுகல் கிடைக்காது.

ஓர் அனுமதிக்கு இயக்கம், முடக்கம் ஆகியவை மட்டுமே இருந்தால் என்ன செய்வது?

வர்க்ஸ்பேஸ் மற்றும் தொடர்புடைய பங்குகளுக்கு இயக்கம் அல்லது முடக்கம் என்பதை நேரடியாக அமைக்கவும். தகுதியுள்ள அனுமதிகளுக்கு மட்டுமே இயல்புநிலை கிடைக்கும்.