ChatGPT Free, Go, Plus, Pro, Business பயனர்களுக்கும் Enterprise, Edu, Healthcare வர்க்ஸ்பேஸ்களுக்கும் நூலகம் கிடைக்கிறது. ஐரோப்பியப் பொருளாதாரப் பகுதி, சுவிட்சர்லாந்து, ஐக்கிய இராச்சியம் ஆகியவற்றில் உள்ளவர்களும் இதில் அடங்குவர்.

ChatGPT-இல் நீங்கள் பதிவேற்றும் மற்றும் உருவாக்கும் கோப்புகள் உங்கள் நூலகத்தில் சேமிக்கப்படும். எனவே, அவற்றைப் பின்னர் கண்டறிந்து மீண்டும் பயன்படுத்தலாம். நூலகம் இணையத்தில் கிடைக்கிறது. அதன் சேமிப்பிடம், தினசரி இணைப்பு மற்றும் அரட்டை வரம்புகளிலிருந்து தனியானது.

பதிவேற்றப்பட்ட மற்றும் உருவாக்கப்பட்ட கோப்புகளைப் பின்னர் எளிதாக அணுகுவதற்காக, ChatGPT அவற்றைத் தனியான, பாதுகாப்பான இடத்தில் தானாகவே சேமிக்கிறது. அரட்டைகளில் பதிவேற்றப்பட்ட ஆவணங்கள், விரிதாள்கள், விளக்கக்காட்சிகள், படங்கள் போன்ற கோப்புகளும் இதில் அடங்கும். உருவாக்கப்பட்ட படங்கள் தொடர்ந்து படங்கள் தாவலில் தோன்றும்.

நூலகத்தில் பிடித்தவற்றைச் சேமித்தல்

ChatGPT-இல் உள்ள தயாரிப்புகளையும் இடங்களையும் பின்னர் மீண்டும் பார்க்க, அவற்றை பிடித்தவை பகுதியில் சேமிக்கவும். உருவாக்கப்பட்ட படங்கள் உட்பட நூலகத்தில் உள்ள கோப்புகளையும் பிடித்தவையாகக் குறிக்கலாம்.

ஒரு தயாரிப்பு அல்லது இடத்தைச் சேமிக்க, அதன் புக்மார்க் ஐகானைத் தேர்ந்தெடுக்கவும். நீங்கள் சேமித்தவற்றை பிடித்தவை பகுதியில் காண, நூலகத்தைத் திறக்கவும்.

பிடித்தவற்றைக் கோப்புறைகளில் ஒழுங்கமைத்தல்

இணையத்தில், ஒரு தயாரிப்பு அல்லது இடத்தின் புக்மார்க் ஐகானைத் தேர்ந்தெடுத்தால், அது பிடித்தவை பகுதியில் சேமிக்கப்பட்டு, கோப்புறை மெனு திறக்கும். கோப்புறையைத் தேர்ந்தெடுப்பது கட்டாயமில்லை.

சேமித்த ஒன்றை வேறொரு கோப்புறைக்கு நகர்த்த, நூலகத்தைத் திறந்து நகர்த்து என்பதைப் பயன்படுத்தவும்.

படங்களிலிருந்து பொருட்களை வாங்குவது மற்றும் மெய்நிகராக அணிந்து பார்ப்பது பற்றிய கூடுதல் தகவலுக்கு, ChatGPT சர்ச் மூலம் பொருட்களை வாங்குதல் என்பதைப் பார்க்கவும்.

சேமித்த கோப்பை அரட்டையில் எப்படிச் சேர்ப்பது?

1. செய்தி எழுதும் பகுதியின் மெனுவைத் திறக்கவும் (இணைப்பு/சேர் பொத்தான்).

2. நூலகத்திலிருந்து சேர் என்பதைத் தேர்ந்தெடுக்கவும்.

3. நீங்கள் பயன்படுத்த விரும்பும் கோப்பைத் தேர்ந்தெடுக்கவும்.

Google Drive இணைக்கப்பட்டிருந்தால், நூலகத்திலிருந்து ஒரு Drive கோப்பைத் தேர்ந்தெடுக்கலாம், செய்தி எழுதும் பகுதியிலிருந்து நேரடியாக அதைத் திறக்கலாம் அல்லது @குறிப்பிடல்களைப் பயன்படுத்தி அதை மீண்டும் பதிவேற்றாமலேயே உரையாடலில் சேர்க்கலாம். ஒரு கோப்புறையைப் பயன்படுத்திப் பணியாற்ற, நூலகத்தில் அதைத் தேர்ந்தெடுத்து, அதிலுள்ள கோப்புகளைப் பயன்படுத்திப் பணியாற்றுமாறு ChatGPT-ஐக் கேட்கவும்.

எந்தக் கோப்புகள் சேமிக்கப்படுகின்றன?

பதிவேற்றப்பட்ட மற்றும் உருவாக்கப்பட்ட கோப்புகளைப் பின்னர் எளிதாக அணுகுவதற்காக, ChatGPT அவற்றைத் தனியான, பாதுகாப்பான இடத்தில் தானாகவே சேமிக்கிறது. அரட்டைகளில் பதிவேற்றப்பட்ட ஆவணங்கள், விரிதாள்கள், விளக்கக்காட்சிகள், படங்கள் போன்ற கோப்புகளும் இதில் அடங்கும்.

உருவாக்கப்பட்ட படங்கள் தொடர்ந்து படங்கள் தாவலில் தோன்றும்.

நூலகத்தில் காட்டப்படும் Google Drive கோப்புகள், Drive-இல் உள்ள அவற்றின் மூலக் கோப்புகளுடன் தொடர்ந்து இணைந்திருக்கும். எனவே, தேவைப்படும்போது மூலக் கோப்பை நீங்கள் அணுகலாம்.

சேமித்த கோப்பு அல்லது அரட்டையை எப்படிக் கண்டறிவது?

சேமித்த கோப்புகளைக் கண்டறிய, இடதுபுறப் பக்கப்பட்டியிலிருந்து நூலகத்தைத் திறக்கவும். பதிவேற்றப்பட்ட மற்றும் உருவாக்கப்பட்ட கோப்புகளை ஒரே இடத்தில் உலாவிப் பார்க்கலாம். நூலகத்திலிருந்து நேரடியாகக் கோப்புகளைச் சேர்க்க, பதிவேற்று என்பதைத் தேர்ந்தெடுக்கவும் அல்லது கோப்புகளை நூலகத்திற்குள் இழுத்து விடவும். உங்கள் மொத்தப் பயன்பாடு, மீதமுள்ள சேமிப்பிடம், வரம்பை மீறியுள்ளீர்களா என்பவற்றைச் சரிபார்க்க, நூலகத்தில் உள்ள சேமிப்பிடம் பொத்தானைப் பயன்படுத்தவும்.

கோப்புகளைக் கண்டறிய தேடல் பட்டியையும் பயன்படுத்தலாம். பின்வருவனவற்றின் அடிப்படையில் முடிவுகளை வடிகட்டலாம்:

• பதிவேற்றப்பட்ட அல்லது உருவாக்கப்பட்ட கோப்புகள்

• கோப்பு வகை (படங்கள், ஆவணங்கள், விரிதாள்கள், விளக்கக்காட்சிகள், PDF கோப்புகள்)

• அனைத்துக் கோப்பு வகைகளையும் காட்டு (கிடைக்கும்போது). பெயர்கள் புள்ளியுடன் தொடங்கும் கோப்புகளும் இதில் அடங்கும்

Google Drive செயலியை இணைத்திருந்தால், அந்த இணைப்புக்குத் தேவையான அனுமதிகள் இருக்கும்போது, நூலகத்திலிருந்து உங்கள் Drive கோப்புகள் மற்றும் கோப்புறைகளை உலாவிப் பார்க்கலாம் அல்லது தேடலாம். வர்க்ஸ்பேஸில், தேவையான பொதுச் செயல்களையும் உங்கள் நிர்வாகி இயக்கி வைத்திருக்க வேண்டும்.

சேமித்த கோப்பை எப்படி நீக்குவது?

நீங்கள் கைமுறையாக நீக்கும் வரை கோப்புகள் உங்கள் கணக்கில் சேமிக்கப்பட்டிருக்கும். கோப்புகள் உள்ள ஓர் அரட்டையை நீக்கினாலும், நூலகத்தில் சேமிக்கப்பட்ட அந்தக் கோப்புகள் நீக்கப்படாது.

ஒரு கோப்பை நீக்க:

1. “நூலகம்” தாவலில் கோப்பைத் தேர்ந்தெடுக்கவும்

2. நீக்கு என்பதைக் கிளிக் செய்யவும் அல்லது கோப்புக்கு அருகிலுள்ள குப்பைத்தொட்டி ஐகானைக் கிளிக் செய்யவும்.

நீங்கள் ஒரு கோப்பை நீக்கியதும், நூலகத்தின் முதன்மைக் காட்சியிலிருந்து அது உடனடியாக அகற்றப்படும். உங்கள் நூலகத்தில் சமீபத்தில் நீக்கப்பட்டவை பகுதி இருந்தால், கோப்பு நிரந்தரமாக நீக்கப்படும் வரை அங்கிருந்து அதை மீட்டெடுக்கலாம். அதற்கு முன்பே நிரந்தரமாக நீக்க விரும்பினால், சமீபத்தில் நீக்கப்பட்டவை பகுதியில் நிரந்தரமாக நீக்கு அல்லது அனைத்தையும் நீக்கு என்பதைத் தேர்ந்தெடுக்கலாம்.

பின்வரும் விதிவிலக்குகளைத் தவிர, நீக்கப்பட்ட கோப்புகள் 30 நாட்களுக்குள் OpenAI அமைப்புகளிலிருந்து நிரந்தரமாக நீக்கப்படத் திட்டமிடப்படும்:

• அரட்டையிலிருந்து அடையாளத் தகவல்கள் ஏற்கெனவே நீக்கப்பட்டு, உங்களுடனான தொடர்பும் அகற்றப்பட்டிருந்தால், அல்லது

• பாதுகாப்பு அல்லது சட்டக் கடமைகளுக்காக OpenAI அதை நீண்ட காலம் வைத்திருக்க வேண்டியிருந்தால்.

அரட்டைகளை நீக்குவது அல்லது காப்பகப்படுத்துவது பற்றி மேலும் அறிய, இங்கே பார்க்கவும். எங்கள் அரட்டை மற்றும் கோப்பு ரிடென்ஷன் பாலிசிகள் பற்றி மேலும் அறிய, இங்கே பார்க்கவும்.

நூலகத்தில் இணைக்கப்பட்டுள்ள Google Drive கோப்புகளையும் கோப்புறைகளையும் ChatGPT-இலிருந்து நீக்க முடியாது. ஒரு கோப்பை நீக்க அல்லது நிர்வகிக்க, Google Drive-இல் அதன் மூலக் கோப்பைத் திறக்கவும்.

கோப்பு அளவுக்கான கட்டுப்பாடுகள் என்ன?

• ஒரு GPT அல்லது ChatGPT உரையாடலில் பதிவேற்றப்படும் ஒவ்வொரு கோப்புக்கும் 512MB என்ற கட்டாய அதிகபட்ச வரம்பு உள்ளது.

• ஒரு GPT அல்லது ChatGPT உரையாடலில் பதிவேற்றப்படும் ஒவ்வொரு உரை மற்றும் ஆவணக் கோப்புக்கும் அதிகபட்சம் 20 லட்சம் டோக்கன்கள் என்ற வரம்பு உள்ளது. இந்த வரம்பு விரிதாள்களுக்குப் பொருந்தாது.

• CSV கோப்புகள் அல்லது விரிதாள்களின் அளவு, ஒவ்வொரு வரிசையின் அளவைப் பொறுத்து, சுமார் 50MB-க்கு மிகாமல் இருக்க வேண்டும்.

• படங்களுக்கு, ஒவ்வொரு படத்திற்கும் 20MB வரம்பு உள்ளது.

சேமிப்பிட வரம்புகள் என்ன?

• Free பயனர்களுக்கு நூலகத்தில் 500 MB வரை சேமிப்பிடம் உள்ளது.

• Go பயனர்களுக்கு நூலகத்தில் 4 GB வரை சேமிப்பிடம் உள்ளது.

• Plus மற்றும் Business பயனர்களுக்கு நூலகத்தில் 20 GB வரை சேமிப்பிடம் உள்ளது.

• Pro பயனர்களுக்கு நூலகத்தில் 100 GB வரை சேமிப்பிடம் உள்ளது.

நான் சேமித்த கோப்புகளை எப்படிப் பதிவிறக்குவது?

நூலகத்தில் ஒன்று அல்லது அதற்கு மேற்பட்ட கோப்புகளைத் தேர்ந்தெடுத்து, பதிவிறக்கு பொத்தானைக் கிளிக் செய்வதன் மூலம் அவற்றைப் பதிவிறக்கலாம்.

டெம்பரரி சாட்களில் பதிவேற்றப்படும் கோப்புகள் சேமிக்கப்படுமா?

இல்லை, டெம்பரரி சாட் பயன்படுத்தும்போது பதிவேற்றப்படும் கோப்புகள் உங்கள் கணக்கிலோ நூலகத்திலோ சேமிக்கப்படாது.

நான் சேமித்த கோப்புகளையும் அரட்டைகளையும் OpenAI எப்படிப் பயன்படுத்தும்?

உங்கள் அமைப்புகள் மற்றும் தரவுக் கட்டுப்பாடுகளுக்கு ஏற்ப OpenAI உங்கள் கோப்புகளையும் அரட்டைகளையும் பயன்படுத்துகிறது. எடுத்துக்காட்டாக, நீங்கள் மெமரியை இயக்கியிருந்தால், உங்களைப் பற்றிய பயனுள்ள விவரங்களை ஓர் அரட்டையிலிருந்து மற்றொரு அரட்டைக்கு ChatGPT நினைவில் வைத்துக்கொள்ள உதவ, கோப்புகளும் அரட்டைகளும் பயன்படுத்தப்படலாம்.

ChatGPT Health பயன்படுத்திப் பதிவேற்றப்படும் கோப்புகள் சேமிக்கப்படுமா?

இல்லை, ChatGPT Health கிடைக்கும் இடங்களில், ChatGPT Health பயன்படுத்தும்போது பதிவேற்றப்படும் கோப்புகள் உங்கள் கணக்கில் சேமிக்கப்படாது.

மாடல்களுக்குப் பயிற்சி அளிக்க, நான் சேமித்த கோப்புகளையும் அரட்டைகளையும் OpenAI பயன்படுத்துமா?

“அனைவருக்காகவும் மாடலை மேம்படுத்து” என்பதை நீங்கள் இயக்கியிருந்தால், ChatGPT மற்றும் தனிநபர்களுக்கான பிற சேவைகளில் சமர்ப்பிக்கப்படும் உள்ளடக்கத்தை (நீங்கள் பதிவேற்றும் கோப்புகள் உட்பட) மாடலின் செயல்திறனை மேம்படுத்த OpenAI பயன்படுத்தலாம். அமைப்புகள் > தரவுக் கட்டுப்பாடுகள் பகுதியில் எப்போது வேண்டுமானாலும் அதை முடக்கலாம்.

மாடலின் செயல்திறனை மேம்படுத்த நாங்கள் தரவை எப்படிப் பயன்படுத்துகிறோம் என்பது பற்றி மேலும் அறிக.

Enterprise, Edu, Healthcare வர்க்ஸ்பேஸ்களில் நூலகக் கோப்புகள் எப்படித் தக்கவைக்கப்படுகின்றன?

ChatGPT-இல் பதிவேற்றப்பட்ட அல்லது உருவாக்கப்பட்டு நூலகத்தில் சேமிக்கப்பட்ட கோப்புகள், வர்க்ஸ்பேஸின் ரிடென்ஷன் பாலிசியின்படி தக்கவைக்கப்படுகின்றன.

நூலகக் கோப்புகள் எப்படிப் பயன்படுத்தப்படுகின்றன என்பதை வர்க்ஸ்பேஸ் உரிமையாளர்கள் கட்டுப்படுத்த முடியுமா?

ஒரு ப்ராம்ப்ட்டுக்குப் பதிலளிக்கும்போது ChatGPT தானாகவே நூலகக் கோப்புகளைப் பயன்படுத்த வேண்டுமா என்பதை வர்க்ஸ்பேஸ் உரிமையாளர்கள் கட்டுப்படுத்தலாம். இதை முடக்கினாலும் நூலகம் அகற்றப்படாது. உறுப்பினர்கள் தாங்களாகவே நூலகக் கோப்புகளை உலாவிப் பார்ப்பது, தேடுவது, திறப்பது அல்லது இணைப்பதும் தடுக்கப்படாது. Healthcare வர்க்ஸ்பேஸ்களில், தானாகக் கோப்புகளைப் பயன்படுத்தும் இந்த வசதி இயல்பாகவே முடக்கப்பட்டிருக்கும்.

நூலகம் புதிய பகிர்வு அல்லது கூட்டுப்பணி வசதிகளை அறிமுகப்படுத்துகிறதா?

நூலகப் பகிர்வு வசதி கிடைக்கும் இடங்களில், குறிப்பிட்ட நபர்களுடனோ உங்கள் வர்க்ஸ்பேஸ் முழுவதுமோ கோப்புகளையும் கோப்புறைகளையும் பகிரலாம். பார்வையாளர் அல்லது திருத்துநர் அணுகலைத் தேர்ந்தெடுத்து, பகிர்வு உரையாடல் பெட்டியிலிருந்து அணுகலை நிர்வகிக்கலாம். பெறுநர்கள், என்னுடன் பகிரப்பட்டவை பகுதியில் பகிரப்பட்ட உள்ளடக்கத்தைக் காணலாம்.

இணக்க நிர்வாகிகள் நூலகக் கோப்புகளை ஏற்றுமதி செய்யவோ நீக்கவோ முடியுமா?

ஆம். நூலகத்திற்கென உள்ள இணக்க API முனையங்கள் மூலம் இணக்க நிர்வாகிகள் நூலகக் கோப்புகளை ஏற்றுமதி செய்யவும் நீக்கவும் முடியும். Enterprise மற்றும் Edu வாடிக்கையாளர்களுக்கான OpenAI இணக்கத்தன்மை இயங்குதளம் பற்றிய கட்டுரையில் மேலும் அறிக.

உங்கள் வர்க்ஸ்பேஸின் நூலகத்தில் இணைக்கப்பட்ட செயலிகளைப் பயன்படுத்துதல்

நூலகத்தில் Google Drive, Box, Dropbox, SharePoint ஆகியவற்றின் கோப்புறைகளை உலாவிப் பார்க்க, உங்கள் செயலி இணைப்புக்குக் கோப்புகளை உலாவுவதற்கான அனுமதி தேவை. நூலகத்திற்குத் தேவையான அனைத்துப் பொதுச் செயல்களையும் உங்கள் வர்க்ஸ்பேஸ் நிர்வாகி இயக்கி வைத்திருக்க வேண்டும்.

உறுப்பினர்கள்: உங்கள் செயலியை மீண்டும் இணைக்கவும்

நூலகத்திற்கான அனுமதிகளைப் புதுப்பிக்க, உங்கள் செயலியை மீண்டும் இணைக்க வேண்டியிருக்கலாம்.

1. அமைப்புகளைத் திறக்கவும்.

2. செயலிகள் பகுதிக்குச் செல்லவும்.

3. இணைக்கப்பட்ட செயலியைத் தேர்ந்தெடுக்கவும்.

4. மீண்டும் இணை என்பதைத் தேர்ந்தெடுக்கவும்.

5. உள்நுழைந்து, கோரப்பட்ட அனுமதிகளை மீண்டும் வழங்கவும்.

மீண்டும் இணைப்பது, நூலகத்திற்குத் தேவையான செயலி அனுமதிகளைப் புதுப்பிக்கும். இது சேவை வழங்குநரிடமுள்ள கோப்புகளையோ கோப்புறைகளையோ நீக்காது.

புதிய அனுமதிகளுக்கு சேவை வழங்குநர் தரப்பில் நிர்வாக ஒப்புதல் பெற வேண்டும் என உங்கள் நிறுவனம் கோரினால், உங்கள் வர்க்ஸ்பேஸ் அல்லது தகவல் தொழில்நுட்ப நிர்வாகியைத் தொடர்புகொள்ளவும்.

நிர்வாகிகள்: நூலக அணுகலை நிர்வகிக்கவும்

சில செயலிகளுக்கான பொதுச் செயல்களை வர்க்ஸ்பேஸ் நிர்வாகிகள் இயக்கலாம் அல்லது முடக்கலாம். கோப்புகளையும் கோப்புறைகளையும் உலாவிப் பார்க்க, நூலகத்திற்குக் கீழே பட்டியலிடப்பட்டுள்ள செயல்கள் தேவை.

தேவையான செயல்களில் ஏதேனும் ஒன்றை நீங்கள் முடக்கினால், தேவையான அனைத்துச் செயல்களும் மீண்டும் இயக்கப்படும் வரை, உறுப்பினர்களால் அந்தச் சேவை வழங்குநரை நூலகத்தில் பார்க்க முடியாது.

தேவையான பொதுச் செயல்கள்

• Google Drive: fetch, get_file_metadata, list_folder, recent_documents, search

• Box: get_file_details, get_folder_details, list_folder_content_by_folder_id, search_files_keyword, search_folders_by_name

• Dropbox: download_link, fetch, get_file_metadata, get_shared_link_metadata, list_folder, search

• SharePoint: நிர்வாகியால் கட்டமைக்கக்கூடிய செயல்கள் எதுவும் தேவையில்லை.

படிக்க மட்டும் அனுமதியுள்ள வர்க்ஸ்பேஸ்களில் உலாவுதலும் பதிவேற்றுதலும்

நூலகக் கோப்புறைகளை உலாவிப் பார்க்க, தனிப்பட்ட பதிவேற்ற மற்றும் எழுதுதல் செயல்கள் தேவையில்லை. படிக்க மட்டும் அனுமதியுள்ள வர்க்ஸ்பேஸ்களில் உள்ள உறுப்பினர்களும் இணைக்கப்பட்ட கோப்புகளை உலாவிப் பார்க்கலாம். ஆனால், பதிவேற்றங்களும் எழுதுதல் செயல்களும் தோல்வியடையக்கூடும்.

நூலகத்தில் Google Drive

நூலகத்திலிருந்து Google Drive-ஐ எப்படி அணுகுவது?

ChatGPT-இல் Google Drive செயலியை இணைக்கவும். இணைப்புக்குத் தேவையான அனுமதிகள் இருக்கும்போது Google Drive நூலகத்தில் தோன்றும். வர்க்ஸ்பேஸாக இருந்தால், தேவையான அனைத்துப் பொதுச் செயல்களையும் நிர்வாகி இயக்கியிருக்க வேண்டும். அதன் பிறகு, ChatGPT-இல் பதிவேற்றப்பட்ட அல்லது உருவாக்கப்பட்ட கோப்புகளுடன், கிடைக்கக்கூடிய Drive கோப்புகளையும் கோப்புறைகளையும் பார்க்கவும் உலாவவும் முடியும்.

இணையத்தில் Plus, Pro, Enterprise, Edu, Healthcare, Business பயனர்களுக்கு அரட்டை மற்றும் வேலை ஆகிய இரு முறைகளிலும், நூலகத்தில் Google Drive வசதி படிப்படியாக அறிமுகப்படுத்தப்படுகிறது. கைபேசிக்கான ஆதரவு பின்னர் வழங்கப்படும்.

எந்த Google Drive கோப்புகளையும் கோப்புறைகளையும் நூலகத்தில் பார்க்க முடியும்?

ஆரம்பகட்ட வசதியில், எனது இயக்ககத்தில் உள்ள கோப்புகள் மற்றும் கோப்புறைகளும், உங்களுடன் நேரடியாகப் பகிரப்பட்டவையும் அடங்கும். பகிரப்பட்ட இயக்ககங்கள் இன்னும் சேர்க்கப்படவில்லை. Google Drive-இல் ஏற்கெனவே உள்ள உங்கள் அனுமதிகளை ChatGPT பின்பற்றுகிறது. எனவே, நீங்கள் இணைத்த Google கணக்கிற்குக் கிடைக்கும் உள்ளடக்கத்தை மட்டுமே பார்ப்பீர்கள்.

ChatGPT உடன் Google Drive கோப்பு அல்லது கோப்புறையை எப்படிப் பயன்படுத்துவது?

நூலகத்தில் ஒரு Drive கோப்பை உலாவிப் பார்க்கலாம் அல்லது தேடலாம். செய்தி எழுதும் பகுதியிலிருந்தோ @குறிப்பிடல்கள் மூலமோ அதை உரையாடலில் சேர்க்கலாம். நீங்கள் பணியாற்றும்போது Google Docs, Sheets அல்லது Slides-ஐ உரையாடலுக்கு அருகிலேயே திறந்து வைத்திருக்கலாம். ஒரு கோப்பைச் சுருக்கித் தரவும், பகுப்பாய்வு செய்யவும், ஒப்பிடவும் அல்லது அதிலிருந்து புதிதாக ஒன்றை உருவாக்கவும் ChatGPT-ஐக் கேட்கலாம். ஒரு கோப்புறையைத் தேர்ந்தெடுத்து, அதிலுள்ள கோப்புகளைப் பயன்படுத்திப் பணியாற்றுமாறும் ChatGPT-ஐக் கேட்கலாம்.

ChatGPT-இலிருந்து Google Docs, Sheets மற்றும் Slides-ஐத் திருத்த முடியுமா?

ஆதரவும் அனுமதியும் உள்ள இடங்களில், ChatGPT மூலக் கோப்பை நேரடியாகப் புதுப்பிக்க முடியும். Google Drive-இன் சில திருத்துதல் மற்றும் கூட்டுப்பணி அம்சங்கள் ChatGPT-இல் கிடைக்காது. எனவே, Google-இன் முழு வசதிகளையும் பயன்படுத்த, Drive-இல் மூலக் கோப்பைத் திறக்க வேண்டியிருக்கலாம்.

Google Drive கோப்புகள் மற்றும் கோப்புறைகளின் தரவை OpenAI எப்படிப் பயன்படுத்துகிறது?

இந்தக் கட்டுரையைப் பார்க்கவும்.