கண்ணோட்டம்

கணக்குத் தரவு மற்றும் அம்சங்களுக்கான அணுகல், தரவைத் தக்கவைக்கும் அமைப்புகள், பிற வர்க்ஸ்பேஸ் கட்டுப்பாடுகள் ஆகியவற்றை உங்கள் நிறுவனம் நிர்வகிக்கலாம்.

உங்கள் நிர்வாகியால் நிர்வகிக்கப்படும் ChatGPT கணக்கு குறித்த முக்கியமான தகவல்களை இந்தக் கட்டுரை வழங்குகிறது (எடுத்துக்காட்டாக: bobby@acmecorp.com). உங்கள் கணக்கு அமைக்கப்பட்டபோது உங்களுக்கு வழங்கப்பட்ட தகவலும் இதில் அடங்கும் (இது “நிர்வகிக்கப்படும் ChatGPT கணக்கு அறிவிப்பு” எனப்படுகிறது). நிர்வகிக்கப்படும் நிறுவன, கல்வி, சுகாதார, வணிக அல்லது ஆசிரியர் கணக்குடன் ChatGPT-ஐப் பயன்படுத்தும்போது, கணக்கு மாற்றியைப் பயன்படுத்துவது உட்பட, உங்கள் நிறுவனத்தின் நிர்வாகி எவற்றை அணுகவும் கட்டுப்படுத்தவும் முடியும் என்பதை இது சுருக்கமாக விளக்குகிறது.

இந்தக் கணக்கிலுள்ள தரவை உங்கள் நிர்வாகி அணுகவும் கட்டுப்படுத்தவும் முடியும்

இந்தக் கணக்கையும் அதனுடன் தொடர்புடைய ChatGPT தரவையும் உங்கள் நிர்வாகி நிர்வகிக்கிறார். அதாவது, இந்தக் கணக்குடன் தொடர்புடைய தரவை உங்கள் நிர்வாகி அணுகலாம், ஏற்றுமதி செய்யலாம், தணிக்கை செய்யலாம், தக்கவைக்கலாம், நீக்கலாம். மேலும், OpenAI-இன் மாதிரிகளை மேம்படுத்துவதற்காக அந்தத் தரவை OpenAI உடன் பகிர்வதற்கும் ஒப்புதல் அளிக்கலாம். இந்தத் தரவில் பின்வருபவை அடங்கலாம் (உங்கள் நிறுவனத்தின் உள்ளமைவு மற்றும் பொருந்தக்கூடிய சட்டத்தின்படி இவை செயல்படுத்தப்பட்டிருந்தால்):

• ChatGPT-இல் நீங்கள் சமர்ப்பிக்கும் உள்ளடக்கம் (உள்ளீடுகள், நீங்கள் பதிவேற்றும் கோப்புகள் மற்றும் உருவாக்கும் வெளியீடுகள்)

• உரையாடல் வரலாறும் பகிரப்பட்ட வர்க்ஸ்பேஸ் உள்ளடக்கமும்

• பயன்பாடு மற்றும் செயல்பாடு குறித்த மேனிலைத் தரவு (எடுத்துக்காட்டாக: உள்நுழைவுச் செயல்பாடு, சாதனம்/அமர்வுத் தகவல், அம்சப் பயன்பாடு)

• இந்தக் கணக்கிற்காக உங்கள் நிறுவனத்திற்குக் கிடைக்கும் பாதுகாப்பு மற்றும் தனியுரிமை அமைப்புகள்

உங்கள் நிர்வாகியால் அம்சங்களைக் கட்டுப்படுத்தவோ முடக்கவோ, அணுகலை இடைநிறுத்தவோ அல்லது இந்தக் கணக்கை நீக்கவோ முடியும்.

உங்கள் தனிப்பட்ட வர்க்ஸ்பேஸை ஒரு ChatGPT Enterprise அல்லது கல்வி வர்க்ஸ்பேஸ் சரிபார்க்கவோ உரிமைகோரவோ செய்யாதவரை, அதை நிர்வாகி அல்ல, நீங்களே நிர்வகிப்பீர்கள்.

வர்க்ஸ்பேஸ் கொள்கைகளும் பங்கிற்கு உரிய அணுகலும்

நிர்வகிக்கப்படும் வர்க்ஸ்பேஸில் ChatGPT-ஐப் பயன்படுத்தும்போது உங்கள் நிறுவனத்தின் கொள்கைகள், நிர்வாகி அனுமதிகள் மற்றும் அம்ச அமைப்புகள் பொருந்தும்.

நிறுவன வர்க்ஸ்பேஸில், நுட்பமான இணக்க அனுமதிகளைக் கொண்ட சான்றுகளை வர்க்ஸ்பேஸ் உரிமையாளர் மட்டுமே உருவாக்க முடியும். நிர்வாகிப் பொறுப்பில் இருப்பதால் மட்டுமே ஒருவருக்கு அந்த அனுமதிகள் கிடைப்பதில்லை.

நீங்கள் பயன்படுத்தக்கூடிய சேவைகளை உங்கள் நிர்வாகி கட்டுப்படுத்துகிறார்

இந்தக் கணக்கின் மூலம் நிறுவனத்தால் நிர்வகிக்கப்படும் எந்தச் சேவைகளையும் அம்சங்களையும் நீங்கள் அணுகலாம் என்பதை உங்கள் நிர்வாகி தீர்மானிக்கிறார் (எடுத்துக்காட்டாக: வர்க்ஸ்பேஸ் அம்சங்கள், செயலிகள், தரவுக் கட்டுப்பாடுகள், பகிர்வு அமைப்புகள், தரவுத் தக்கவைப்புக் கொள்கைகள் அல்லது நிர்வாகியால் நிர்வகிக்கப்படும் பிற திறன்கள்). குறிப்பிட்ட சேவைகளை உங்கள் நிர்வாகி முடக்கலாம் அல்லது சில குழுக்களுக்கு மட்டும் அவற்றைக் கிடைக்கச் செய்யலாம்.

கணக்கை மாற்றுவது கணக்குகளை ஒன்றிணைக்காது

கணக்கு மாற்றி, கணக்குகளை ஒன்றிணைப்பதற்காக அல்லாமல் அவற்றுக்கு இடையே மாறுவதற்காக வடிவமைக்கப்பட்டுள்ளது.

• நீங்கள் ஒரு நிர்வகிக்கப்படும் கணக்கிலும் ஒரு தனிப்பட்ட கணக்கிலும் உள்நுழைந்தால், அவை தனித்தனியாகவே இருக்கும்.

• உங்கள் நிர்வகிக்கப்படும் கணக்கில் உருவாக்கப்படும் தரவு, உங்கள் நிறுவனத்தின் கட்டுப்பாடுகளுக்கு உட்பட்டது.

• கணக்குகளை மாற்றுவதால் அரட்டைகள், கோப்புகள் அல்லது அமைப்புகள் கணக்குகளுக்கு இடையே மாற்றப்படாது.

உங்கள் பணித் தரவு உங்கள் நிறுவனத்தின் நிர்வாகக் கட்டுப்பாட்டிலேயே இருப்பதை உறுதிப்படுத்த விரும்பினால், பணி தொடர்பான செயல்பாடுகளுக்கு நிர்வகிக்கப்படும் கணக்கைப் பயன்படுத்துங்கள்.

OpenAI உடனான உங்கள் நிறுவனத்தின் ஒப்பந்தம் பொருந்தும்

உங்கள் நிறுவனம் ChatGPT-க்கு நிர்வாகியால் நிர்வகிக்கப்படும் அணுகலை வழங்கினால், அந்தச் சேவைகளை நீங்கள் பயன்படுத்துவது OpenAI-இன் பயன்பாட்டுக் கொள்கைகள் உள்ளிட்ட OpenAI உடனான உங்கள் நிறுவனத்தின் ஒப்பந்தத்திற்கும், உங்கள் நிறுவனத்தின் உள்கொள்கைகளுக்கும் (எடுத்துக்காட்டாக: ஏற்றுக்கொள்ளத்தக்க பயன்பாடு, தரவைக் கையாளுதல், பாதுகாப்பு, தரவைத் தக்கவைத்தல் மற்றும் கண்காணிப்புக் கொள்கைகள்) உட்பட்டது. கணக்கு மாற்றி மூலம் இணைக்கப்பட்ட கணக்குகள் அனைத்திலும் தனது பயன்பாட்டுக் கொள்கைகளைச் செயல்படுத்தும் உரிமையை OpenAI கொண்டுள்ளது.

இந்த ஒப்பந்தம் மற்றும் கொள்கைகளின் நகலைப் பெற உங்கள் நிர்வாகியைத் தொடர்புகொள்ளுங்கள்.

உங்கள் தனிப்பட்ட வர்க்ஸ்பேஸை ஒரு ChatGPT Enterprise அல்லது கல்வி வர்க்ஸ்பேஸ் சரிபார்க்கவோ உரிமைகோரவோ செய்யாதவரை, தனிப்பட்ட ChatGPT வர்க்ஸ்பேஸைப் பயன்படுத்துவது OpenAI-இன் டெர்ம்ஸ் ஆஃப் யூஸ் மற்றும் பிரைவசி பாலிசி ஆகியவற்றுக்கு உட்பட்டது.

கூடுதல் விதிமுறைகளும் பிரைவசி பாலிசிகளும்

முக்கியம்: நிர்வாகியால் நிர்வகிக்கப்படும் உங்கள் கணக்கில் உள்நுழைந்து ChatGPT-ஐப் பயன்படுத்தும்போது, OpenAI-இன் டெர்ம்ஸ் ஆஃப் யூஸ் மற்றும் பிரைவசி பாலிசி பொருந்தாது.

நிர்வகிக்கப்படும் இந்தக் கணக்கில் நீங்கள் உள்நுழைந்திருக்கும்போது உங்கள் நிர்வாகி விருப்பத்திற்குரிய அல்லது கூடுதல் சேவைகளைச் செயல்படுத்தினால், அந்தச் சேவைகள் அவற்றுக்கான கூடுதல் விதிமுறைகளுக்கும் பிரைவசி பாலிசிகளுக்கும் உட்படலாம். அந்த விதிமுறைகளை நீங்கள் ஏற்கவில்லை என்றால், நிர்வகிக்கப்படும் இந்தக் கணக்குடன் அந்த விருப்பத்திற்குரிய சேவைகளைப் பயன்படுத்த வேண்டாம்.

உங்கள் கணக்கு பின்னர் நிர்வாகியால் நிர்வகிக்கப்படுவதாக மாறினால்

உங்கள் கணக்கு தற்போது உங்களால் அல்லது குழுவால் நிர்வகிக்கப்பட்டாலும், பின்னர் கள நிர்வாகியால் நிர்வகிக்கப்படுவதாக மாறலாம் (எடுத்துக்காட்டாக, உங்கள் நிறுவனம் உங்கள் களத்தை உரிமைகோரினால் அல்லது சரிபார்த்தால்). அவ்வாறு நடந்தால், நிர்வகிக்கப்படும் அந்தக் கணக்குடன் தொடர்புடைய தரவுக்கு மேலே விவரிக்கப்பட்ட அணுகலும் கட்டுப்பாடுகளும் உங்கள் நிர்வாகிக்குக் கிடைக்கலாம்.

உங்கள் நிர்வாகியைக் கண்டறியுங்கள்

உங்கள் நிர்வாகி யார் என்று தெரியாவிட்டால், உங்கள் தகவல் தொழில்நுட்ப அல்லது பாதுகாப்புக் குழுவையோ, நிறுவனத்தின் உதவி மையத்தையோ தொடர்புகொள்ளுங்கள்.

பணி சாராத செயல்பாடுகளுக்குத் தனிப்பட்ட கணக்கைப் பயன்படுத்துங்கள்

உங்கள் நிறுவனத்தால் நிர்வகிக்கப்படாத தனிப்பட்ட கணக்கைப் பயன்படுத்தி, நிறுவனத்தின் நிர்வகிக்கப்படும் சூழலுக்கு வெளியே ChatGPT-ஐ அணுகலாம். உங்கள் தனிப்பட்ட செயல்பாடு நிறுவனத்தின் நிர்வாகத்திற்கு வெளியே இருக்க வேண்டுமெனில், உங்கள் தனிப்பட்ட கணக்கில் உள்நுழைந்து, அரட்டையைத் தொடங்கும் முன் சரியான கணக்கில் இருப்பதை உறுதிசெய்யுங்கள்.