Деректерді басқару параметрлері дегеніміз не?
Деректерді басқару параметрлері ChatGPT сөйлесулеріңіз бен әрекеттеріңізді қалай пайдаланатынын өзіңіз шешуге мүмкіндік береді. Атап айтқанда, сөйлесулеріңіз модельдерімізді жақсартуға көмектесе ме, соны таңдауға мүмкіндік береді.
Жарнамалар үшін біз ұсынатын басқару мүмкіндіктері туралы осы жерден біліңіз.
Жүйеге кірген-кірмегеніңізге байланысты опцияларыңыз сәл өзгереді:
Жүйеге кірмеген болсаңыз, чаттарыңыз ChatGPT-ті оқытуға пайдаланылатынын не пайдаланылмайтынын таңдай аласыз
Жүйеге кірген болсаңыз, деректеріңізді экспорттау немесе аккаунтыңызды жою сияқты қосымша опциялар қолжетімді болады
Чаттарымның ChatGPT-ті оқытуға пайдаланылуын қалай тоқтатамын? (яғни «Модельді барлығы үшін жақсарту»)?
Веб-нұсқада (жүйеге кіргенде):
Профиль белгішеңізді басыңыз
Параметрлер тармағын таңдаңыз
Деректерді басқару бөліміне өтіңіз
«Модельді барлығы үшін жақсарту» параметрін өшіріңіз
Сөйлесулеріңіз чат тарихында қала береді, бірақ ChatGPT-ті оқыту үшін пайдаланылмайды.
Веб-нұсқада (жүйеге кірмегенде):
Төменгі оң жақ бұрыштағы ? белгішесін басыңыз
Параметрлер тармағын таңдаңыз
«Модельді барлығы үшін жақсарту» параметрін өшіріңіз
Мобильді құрылғыда:
Бүйірлік мәзірді ашыңыз
Профиль белгішеңізді түртіңіз
Деректерді басқару тармағын таңдаңыз
«Модельді барлығы үшін жақсарту» параметрін өшіріңіз
Бұл функция веб пен мобильді құрылғылар арасында синхрондала ма?
Иә. Модельді оқытуды өшіргеннен кейін бұл параметр бүкіл аккаунтыңызға қолданылады. Қай құрылғыны пайдаланып отырғаныңыз маңызды емес.
ChatGPT-тен деректерімді қалай экспорттаймын?
Мына мақаламызды қараңыз: ChatGPT тарихым мен деректерімді қалай экспорттаймын?
Модельді оқытуға қатысты ChatGPT аккаунтымды қалай жоямын?
Мына мақаламызды қараңыз: Аккаунтымды қалай жоя аламын?
OpenAI жеке деректерімді қалай пайдаланады?
Мына мақаламызды қараңыз: Модель өнімділігін жақсарту үшін деректеріңіз қалай пайдаланылады
Уақытша чаттар туралы не деуге болады?
Уақытша чаттар 30 күннен кейін жүйелерімізден жойылады. Бұл чаттар:
Модельдерімізді оқыту үшін пайдаланылмайды
Тек теріс пайдалануды бақылау үшін қаралуы мүмкін
Тарихыңызда сақталмайды және жад жазбаларын жасамайды
Уақытша чаттар туралы қосымша ақпарат алу үшін ЖҚС-ымызды қараңыз: Уақытша чат туралы ЖҚС
Оқытуды өшірсем, чаттарым не болады?
Олар тарихыңызда көріне береді, бірақ ChatGPT-ті жақсарту үшін пайдаланылмайды. Егер ол Уақытша чат болса, 30 күннен кейін жойылады.
Жад және дербестендіру функцияларын өшіру қауіпсіздік функцияларын өшірмейтінін ескеріңіз: олар сирек кездесетін, тәуекелі жоғары жағдайларда ChatGPT-тің қауіпсізірек жауап беруіне көмектесу үшін қауіпсіздікке қатысты шектеулі контексті пайдалануы мүмкін. Толығырақ: ChatGPT-тің сезімтал сөйлесулердегі контексті жақсырақ тануына көмектесу.
Оқытуды кез келген уақытта өшіре аламын ба?
Иә — бұл параметрді кез келген уақытта өзгерте аласыз. Ешқандай шектеу жоқ.
Бұған дейін қолдау көрсету тобына жазып, модельді оқытуға қатысудан бас тартқан едім. Сол бас тартуымды әрі қарай да ескересіздер ме?
Иә. Қолдау қызметіне хабарласу немесе құпиялылық формамызды пайдалану арқылы бас тартқан болсаңыз, аккаунтыңызда сол сұрау ескеріледі.
ChatGPT бизнес жоспарлары үшін қосымша деректерді басқару мүмкіндіктері бар ма?
Иә, Team, Enterprise және Edu жоспарларымыз қосымша деректерді басқару мүмкіндіктерін ұсынады. Бұл жоспарлар туралы қосымша ақпарат алу үшін Enterprise құпиялылық саясаттарымызды қараңыз.
ChatGPT-тегі жарнамаларға қатысты қандай басқару мүмкіндіктерім бар?
Жарнамалар үшін біз ұсынатын басқару мүмкіндіктері туралы осы жерден біліңіз.