ઝાંખી

લેગસી Codex સીટ નિશ્ચિત માસિક સીટ શુલ્ક વિના Codexની ઍક્સેસ આપે છે. Codex પ્રવૃત્તિ માટે તમારા વર્કસ્પેસના સહિયારા બૅલેન્સમાંથી ક્રેડિટ્સ દ્વારા ચુકવણી થાય છે.


સ્ટાન્ડર્ડ અને પ્રીમિયમ સીટ બંનેમાં ChatGPT અને Codexની ઍક્સેસ સામેલ છે. લેગસી Codex સીટ ઉપયોગના આધારે Codexની ઍક્સેસ આપે છે અને તેમાં તે વર્કસ્પેસની ChatGPT ચેટ સામેલ નથી.

ઉપલબ્ધતા

24 જૂન, 2026થી, નવા ChatGPT Business વર્કસ્પેસ અથવા અગાઉ ક્યારેય Codex સીટ ન ઉમેરનારા હાલના વર્કસ્પેસ માટે Codex સીટ ઉપલબ્ધ રહેશે નહીં.

તમારા વર્કસ્પેસમાં નીચેની સ્થિતિ હોય, તો તે લેગસી Codex સીટ વાપરવાનું, ઉમેરવાનું અને સંચાલિત કરવાનું ચાલુ રાખી શકે છે:

• 24 જૂન, 2026 પહેલાં ઓછામાં ઓછી એક Codex સીટ હતી; અથવા

• 24 જૂન, 2026ના રોજ Codex સીટ માટે કોઈ બાકી આમંત્રણ હતું.

હાલના બધા સભ્યો સ્ટાન્ડર્ડ અથવા પ્રીમિયમ સીટ વાપરતા હોય તો પણ પાત્ર વર્કસ્પેસ Codex સીટ ઉમેરી શકે છે. 24 જૂન, 2026 પહેલાં વર્કસ્પેસ બનાવવાથી જ તે પાત્ર બનતું નથી.

લેગસી Codex સીટમાં શું સામેલ છે

લેગસી Codex સીટ કોઈ નિશ્ચિત માસિક કે વાર્ષિક સીટ શુલ્ક વિના, ઉપયોગના આધારે Codexની ઍક્સેસ આપે છે. Codexના ઉપયોગ માટે વર્કસ્પેસના સહિયારા બૅલેન્સમાંથી ક્રેડિટ્સ દ્વારા ચુકવણી થાય છે.

લેગસી Codex સીટ ધરાવતો સભ્ય તે Business વર્કસ્પેસમાં ChatGPT ચેટ વાપરી શકતો નથી. સભ્યને ChatGPT ચેટ અને Codex બંનેની ઍક્સેસ જોઈતી હોય, તો સ્ટાન્ડર્ડ અથવા પ્રીમિયમ સીટ ફાળવો.

લેગસી Codex સીટનું બિલિંગ કેવી રીતે થાય છે

Codex સીટ માટે કોઈ પુનરાવર્તિત સીટ શુલ્ક નથી. Codex સીટ ધરાવતો સભ્ય Codex વાપરે ત્યારે તમારું વર્કસ્પેસ તેના સહિયારા ક્રેડિટ બૅલેન્સનો ઉપયોગ કરે છે. વર્કસ્પેસમાં કોઈ ક્રેડિટ્સ ઉપલબ્ધ ન હોય, તો વર્કસ્પેસનો માલિક ક્રેડિટ્સ ઉમેરે ત્યાં સુધી Codex પ્રવૃત્તિ અવરોધિત રહે છે.

પાત્ર વર્કસ્પેસમાં Codex સીટની કોઈ ન્યૂનતમ સંખ્યા નથી. Codex સીટ બે સીટની ન્યૂનતમ જરૂરિયાત અથવા સશુલ્ક સ્ટાન્ડર્ડ અને પ્રીમિયમ સીટની મહત્તમ સંખ્યામાં ગણાતી નથી.

Codexના ઉપયોગના દર મોડલ અને પ્રવૃત્તિ પર આધારિત છે. વર્તમાન કિંમત માટે જુઓ: ChatGPT દરપત્રક (ક્રેડિટ આધારિત કિંમત).

લેગસી Codex સીટ સાથે સભ્યને આમંત્રિત કરો

પાત્ર વર્કસ્પેસમાં કોઈને આમંત્રિત કરતી વખતે વર્કસ્પેસનો માલિક ભૂમિકા અને સીટનો પ્રકાર પસંદ કરી શકે છે. ઍડમિન અને સભ્યો વર્કસ્પેસની ડિફૉલ્ટ સીટનો પ્રકાર વાપરીને સભ્યોને આમંત્રિત કરી શકે છે. વર્કસ્પેસના માલિક તરીકે સભ્યને આમંત્રિત કરવા માટે:

1. વર્કસ્પેસ સેટિંગ્સ → સભ્યો પર જાઓ.

2. સભ્યને આમંત્રિત કરો પસંદ કરો.

3. વ્યક્તિનું ઇમેઇલ સરનામું દાખલ કરો અને ભૂમિકા પસંદ કરો.

4. સીટના પ્રકાર તરીકે Codex પસંદ કરો.

5. સમીક્ષા કરીને આમંત્રણ મોકલો.

વર્કસ્પેસમાં જોડાયા પછી સભ્યને Codexની ઍક્સેસ મળે છે. વર્કસ્પેસમાં ઉપલબ્ધ ક્રેડિટ બૅલેન્સ પહેલેથી ન હોય, તો વર્કસ્પેસના માલિકને ક્રેડિટ્સ ખરીદવા માટે કહેવામાં આવી શકે છે.

એકસાથે ઘણા સભ્યોને આમંત્રિત કરો

તમે CSV ફાઇલનો ઉપયોગ કરીને તથા ભૂમિકાઓ અને સીટના પ્રકાર નિર્ધારિત કરીને એકસાથે ઘણા સભ્યોને આમંત્રિત કરી શકો છો. CSV ફૉર્મેટ માટે જુઓ: ChatGPT Businessમાં સભ્યો, સીટના પ્રકાર અને ભૂમિકાઓનું સંચાલન. લેગસી Codex સીટ માટે સીટના પ્રકાર તરીકે ‘Codex’ વાપરો.

સભ્યની સીટનો પ્રકાર બદલો

માત્ર વર્કસ્પેસનો માલિક સભ્યની સીટનો પ્રકાર બદલી શકે છે.

1. વર્કસ્પેસ સેટિંગ્સ → સભ્યો પર જાઓ.

2. તમે જે સભ્યની વિગતો અપડેટ કરવા માંગો છો તેને શોધો.

3. સભ્યની હાલની સીટનો પ્રકાર પસંદ કરો.

4. નવી સીટનો પ્રકાર પસંદ કરો.

5. ઍક્સેસ, ક્રેડિટ અથવા બિલિંગમાં થતા ફેરફારોની સમીક્ષા કરીને પુષ્ટિ કરો.

સ્ટાન્ડર્ડ અથવા પ્રીમિયમ સીટ ખરીદવાથી તમારા સબ્સ્ક્રિપ્શનમાં સશુલ્ક ક્ષમતા ઉમેરાય છે. ઉપલબ્ધ સીટ ફાળવવાથી બીજી સીટ ખરીદ્યા વિના સભ્યને ઍક્સેસ મળે છે. લેગસી Codex સીટ અગાઉથી ખરીદવી પડતી નથી. તેનો ઉપયોગ વર્કસ્પેસના ક્રેડિટ્સમાંથી ચૂકવાય છે. વધુ માહિતી માટે જુઓ: ChatGPT Businessમાં બિલિંગ અને સીટનું સંચાલન.

સ્ટાન્ડર્ડ અથવા પ્રીમિયમમાંથી લેગસી Codex સીટ પર જાઓ

સભ્યને Codexની ઍક્સેસ ચાલુ રહે છે, પરંતુ Business વર્કસ્પેસમાં ChatGPT ચેટની ઍક્સેસ રહેતી નથી. ડેસ્કટૉપ ઍપમાં Codex વાપરતી વખતે પણ આ લાગુ પડે છે. Codex પ્રવૃત્તિ માટે તે વર્કસ્પેસના સહિયારા ક્રેડિટ્સ વપરાય છે અને તેની ખર્ચમર્યાદાઓ લાગુ પડે છે.

ખાલી થયેલી સ્ટાન્ડર્ડ અથવા પ્રીમિયમ સીટ સશુલ્ક સબ્સ્ક્રિપ્શનનો ભાગ રહે છે અને બીજા સભ્યને ફાળવી શકાય છે. સશુલ્ક સીટનું નવીનીકરણ રોકવા માટે વર્કસ્પેસના માલિકે સીટ સંચાલિત કરોમાં તેને દૂર કરવાનું નિર્ધારિત કરવું પડશે. આ ઘટાડો આગામી નવીનીકરણ વખતે અમલમાં આવે છે.

લેગસી Codex સીટમાંથી સ્ટાન્ડર્ડ અથવા પ્રીમિયમ પર જાઓ

પસંદ કરેલા પ્રકારની બિનવપરાયેલી સશુલ્ક સીટ ઉપલબ્ધ હોય, તો વર્કસ્પેસનો માલિક બીજી સીટ ખરીદ્યા વિના તે ફાળવી શકે છે. કોઈ સશુલ્ક સીટ ઉપલબ્ધ ન હોય, તો ફેરફાર પૂર્ણ કરતાં પહેલાં માલિકે એક સીટ ખરીદવી પડશે. નવી સશુલ્ક સીટ માટે વર્તમાન બિલિંગ અવધિના પ્રમાણસર શુલ્ક લેવાય છે.

વર્કસ્પેસમાં માત્ર લેગસી Codex સીટ હોય અને કોઈ સશુલ્ક સબ્સ્ક્રિપ્શન ન હોય, તો તેણે પહેલાં ઓછામાં ઓછી 2 સ્ટાન્ડર્ડ સીટ ખરીદવી પડશે. સબ્સ્ક્રિપ્શન સક્રિય થયા પછી વર્કસ્પેસનો માલિક પ્રીમિયમ સીટ ઉમેરી શકે છે અથવા હાલની સ્ટાન્ડર્ડ સીટને અપગ્રેડ કરી શકે છે. ત્યાર પછી ઓછામાં ઓછી 2 સીટની શરત સ્ટાન્ડર્ડ સીટ, પ્રીમિયમ સીટ અથવા બંનેના સંયોજનથી પૂરી કરી શકાય છે.

સીટની અદલાબદલી અને પુનઃફાળવણી

સીટની અદલાબદલી માત્ર સ્ટાન્ડર્ડ અને પ્રીમિયમ સીટ વચ્ચે ઉપલબ્ધ છે. સીટની અદલાબદલીમાં લેગસી Codex સીટ સામેલ કરી શકાતી નથી.

સભ્યને લેગસી Codex સીટ પર અથવા તેમાંથી અન્ય સીટ પર ખસેડવા માટે તેના બદલે તેની સીટનો પ્રકાર બદલો. સ્ટાન્ડર્ડ અથવા પ્રીમિયમ સીટ ફાળવવા માટે તે પ્રકારની ઉપલબ્ધ સશુલ્ક સીટ હોવી અથવા વધારાની સીટ ખરીદવી જરૂરી છે. સીટમાં ફેરફાર અને બિલિંગની વિગતો માટે જુઓ: ChatGPT Businessમાં બિલિંગ અને સીટનું સંચાલન.

ડિફૉલ્ટ સીટનો પ્રકાર સેટ કરો

વર્કસ્પેસનો માલિક વર્કસ્પેસ સેટિંગ્સ → બિલિંગમાંથી ડિફૉલ્ટ સીટનો પ્રકાર સંચાલિત કરી શકે છે. લેગસી Codex સીટ માટે પાત્ર વર્કસ્પેસમાં જ Codex પસંદ કરી શકાય છે.

આમંત્રણમાં સીટનો પ્રકાર જણાવેલો ન હોય ત્યારે ડિફૉલ્ટ પ્રકાર લાગુ પડે છે. ડિફૉલ્ટ બદલવાથી હાલના સભ્યોને ફાળવેલી સીટ બદલાતી નથી.

લેગસી Codex સીટ ધરાવતા સભ્યને દૂર કરો

વર્કસ્પેસના માલિકો અને ઍડમિન સભ્યોને દૂર કરી શકે છે.

1. વર્કસ્પેસ સેટિંગ્સ → સભ્યો પર જાઓ.

2. તમે જે સભ્યને દૂર કરવા માંગો છો તેને શોધો.

3. સભ્યનું વધુ વિકલ્પોનું મેનૂ (•••) પસંદ કરો.

4. સભ્યને દૂર કરો પસંદ કરો.

સભ્યને દૂર કરતાં તેની વર્કસ્પેસ ઍક્સેસ તરત સમાપ્ત થાય છે. લેગસી Codex સીટ માટે કોઈ પુનરાવર્તિત સીટ શુલ્ક ન હોવાથી રદ કરવા જેવો કોઈ પુનરાવર્તિત ખર્ચ નથી. અગાઉ વપરાયેલા ક્રેડિટ્સ પાછા મળતા નથી.

ક્રેડિટ્સ અને ખર્ચનું સંચાલન કરો

ક્રેડિટ્સ સમગ્ર વર્કસ્પેસમાં સહિયારા હોય છે. લેગસી Codex સીટની તમામ Codex પ્રવૃત્તિ માટે ક્રેડિટ્સ જરૂરી છે, જ્યારે સ્ટાન્ડર્ડ અને પ્રીમિયમ સીટમાં સામેલ મર્યાદા કરતાં વધુના પાત્ર ઉપયોગ માટે ક્રેડિટ્સ વાપરી શકાય છે. ગોપનીયતા અને દૃશ્યતાની વિગતો માટે જુઓ: ChatGPT Businessમાં ડેટા, શેરિંગ અને ગોપનીયતાનું સંચાલન.

માત્ર વર્કસ્પેસના માલિકો ક્રેડિટ્સ ખરીદી અથવા આપમેળે ફરી લોડ થવાની સુવિધા ગોઠવી શકે છે. વર્કસ્પેસના માલિકો અને ઍડમિન ખર્ચમર્યાદા બદલી શકે છે. વિગતો માટે જુઓ: ChatGPT Businessમાં ક્રેડિટ્સ અને ખર્ચ નિયંત્રણોનું સંચાલન અને એન્ટરપ્રાઇઝ, એજ્યુકેશન અને Business પ્લાન માટે લવચીક કિંમત.

ક્રેડિટ્સ ઉમેરો

1. વર્કસ્પેસ સેટિંગ્સ → બિલિંગ પર જાઓ.

2. ક્રેડિટ્સ ઉમેરો પસંદ કરો.

3. રકમ પસંદ કરો અને તમારી ચુકવણી પદ્ધતિની સમીક્ષા કરો.

4. ખરીદીની પુષ્ટિ કરો.

ખરીદેલા ક્રેડિટ્સ 12 મહિના સુધી માન્ય રહે છે. કાયદા હેઠળ જરૂરી હોય અથવા લાગુ પડતી સેવા ક્રેડિટની શરતોમાં અન્યથા જણાવેલું હોય તે સિવાય, ક્રેડિટ્સ સામાન્ય રીતે પરતપાત્ર નથી.

આપમેળે ફરી લોડ થવાની સુવિધા ચાલુ કરો

વર્કસ્પેસનું બૅલેન્સ પસંદ કરેલી રકમથી ઓછું થાય ત્યારે આપમેળે ફરી લોડ થવાની સુવિધા ક્રેડિટ્સ ઉમેરે છે.

1. વર્કસ્પેસ સેટિંગ્સ → બિલિંગ પર જાઓ.

2. આપમેળે ફરી લોડ કરો પસંદ કરો.

3. ન્યૂનતમ બૅલેન્સ અને લક્ષ્ય બૅલેન્સ સેટ કરો.

4. આપમેળે થતી ખરીદી પર મર્યાદા મૂકવી હોય, તો માસિક રિચાર્જ મર્યાદા સેટ કરો.

5. ચુકવણી પદ્ધતિની સમીક્ષા કરીને આપમેળે ફરી લોડ થવાની સુવિધા ચાલુ કરો.

બૅલેન્સ પહેલેથી જ ન્યૂનતમ રકમથી ઓછું હોય, તો ક્રેડિટની ખરીદી તરત થઈ શકે છે. માસિક રિચાર્જ મર્યાદા પૂરી થતાં આપમેળે ફરી લોડ થવાની સુવિધા આવતા મહિના સુધી થોભે છે.

Codex માટે ખર્ચમર્યાદા સેટ કરો

વર્કસ્પેસના માલિકો અને ઍડમિન લેગસી Codex સીટ અથવા વ્યક્તિગત સભ્યો માટે માસિક ખર્ચમર્યાદા સેટ કરી શકે છે. વ્યક્તિગત સભ્યની મર્યાદા સીટના પ્રકારની મર્યાદા કરતાં પ્રાધાન્ય ધરાવે છે અને તેની સીટનો પ્રકાર બદલાય તો પણ તેની સાથે રહે છે.

સભ્ય ખર્ચમર્યાદા સુધી પહોંચે, તો વર્કસ્પેસનો માલિક અથવા ઍડમિન મર્યાદા બદલે અથવા મર્યાદા રીસેટ થાય ત્યાં સુધી Codexનો ઉપયોગ થોભે છે. સભ્યની સીટનો પ્રકાર બદલાય ત્યારે અગાઉ વપરાયેલા ક્રેડિટ્સ રીસેટ થતા નથી.

વારંવાર પૂછાતા પ્રશ્નો

હું સીટના પ્રકાર તરીકે Codex કેમ પસંદ કરી શકતો નથી?

તમારા વર્કસ્પેસમાં 24 જૂન, 2026 પહેલાં લેગસી Codex સીટ હોવી જોઈએ અથવા તે તારીખે લેગસી Codex સીટ માટે કોઈ બાકી આમંત્રણ હોવું જોઈએ. અન્યથા, લેગસી Codex સીટ ઉપલબ્ધ નથી. સ્ટાન્ડર્ડ અને પ્રીમિયમ સીટ બંનેમાં Codexની ઍક્સેસ સામેલ છે.

લેગસી Codex સીટ ધરાવતો સભ્ય ChatGPT ચેટ કેમ વાપરી શકતો નથી?

લેગસી Codex સીટમાં ChatGPT ચેટ સામેલ નથી. સભ્યને Business વર્કસ્પેસમાં ChatGPT ચેટની ઍક્સેસ આપવા માટે સ્ટાન્ડર્ડ અથવા પ્રીમિયમ સીટ ફાળવો.

Codexએ કામ કરવાનું કેમ બંધ કર્યું?

વર્કસ્પેસના માલિકને વર્કસ્પેસ સેટિંગ્સ → બિલિંગમાં સહિયારું ક્રેડિટ બૅલેન્સ, આપમેળે ફરી લોડ થવાનાં સેટિંગ્સ અને લાગુ પડતી ખર્ચમર્યાદાઓ તપાસવા કહો.

મને 2 સીટ ખરીદવાનું કેમ કહેવામાં આવે છે?

માત્ર લેગસી Codex સીટ ધરાવતા વર્કસ્પેસ માટે સીટની કોઈ ન્યૂનતમ જરૂરિયાત નથી. સશુલ્ક સબ્સ્ક્રિપ્શન ઉમેરવા માટે ઓછામાં ઓછી 2 સ્ટાન્ડર્ડ સીટ જરૂરી છે. સબ્સ્ક્રિપ્શન સક્રિય થયા પછી સ્ટાન્ડર્ડ અને પ્રીમિયમ બંને સીટ ન્યૂનતમ સંખ્યામાં ગણાય છે.

શું હું માત્ર લેગસી Codex સીટ સાથે નવું Business વર્કસ્પેસ બનાવી શકું?

ના. નવા ChatGPT Business વર્કસ્પેસમાં પ્રથમ લેગસી Codex સીટ ઉમેરી શકાતી નથી. માત્ર લેગસી Codex સીટ ધરાવતા વર્કસ્પેસ અગાઉથી પાત્ર ગ્રાહકો માટે જ ઉપલબ્ધ છે.