ಅವಲೋಕನ

ಹಳೆಯ Codex ಸೀಟ್ ನಿಗದಿತ ಮಾಸಿಕ ಸೀಟ್ ಶುಲ್ಕವಿಲ್ಲದೆ Codex ಪ್ರವೇಶವನ್ನು ಒದಗಿಸುತ್ತದೆ. Codex ಚಟುವಟಿಕೆಗೆ ನಿಮ್ಮ ವರ್ಕ್‌ಸ್ಪೇಸ್‌ನ ಹಂಚಿಕೆಯ ಶಿಲ್ಕಿನ ಕ್ರೆಡಿಟ್‌ಗಳಿಂದ ಪಾವತಿಸಲಾಗುತ್ತದೆ.


ಸ್ಟ್ಯಾಂಡರ್ಡ್ ಮತ್ತು ಪ್ರೀಮಿಯಂ ಸೀಟ್‌ಗಳೆರಡೂ ChatGPT ಮತ್ತು Codex ಪ್ರವೇಶವನ್ನು ಒಳಗೊಂಡಿವೆ. ಹಳೆಯ Codex ಸೀಟ್‌ಗಳು ಬಳಕೆಯ ಆಧಾರದಲ್ಲಿ Codex ಪ್ರವೇಶವನ್ನು ಒದಗಿಸುತ್ತವೆ, ಆದರೆ ಆ ವರ್ಕ್‌ಸ್ಪೇಸ್‌ನಲ್ಲಿ ChatGPT ಚಾಟ್ ಅನ್ನು ಒಳಗೊಂಡಿರುವುದಿಲ್ಲ.

ಲಭ್ಯತೆ

ಜೂನ್ 24, 2026ರಿಂದ, ಹೊಸ ChatGPT Business ವರ್ಕ್‌ಸ್ಪೇಸ್‌ಗಳಿಗೆ ಅಥವಾ ಹಿಂದೆಂದೂ Codex ಸೀಟ್ ಸೇರಿಸದ ಈಗಿರುವ ವರ್ಕ್‌ಸ್ಪೇಸ್‌ಗಳಿಗೆ Codex ಸೀಟ್‌ಗಳು ಲಭ್ಯವಿರುವುದಿಲ್ಲ.

ನಿಮ್ಮ ವರ್ಕ್‌ಸ್ಪೇಸ್‌ನಲ್ಲಿ ಈ ಕೆಳಗಿನವು ಇದ್ದಿದ್ದರೆ, ಹಳೆಯ Codex ಸೀಟ್‌ಗಳನ್ನು ಬಳಸುವುದು, ಸೇರಿಸುವುದು ಮತ್ತು ನಿರ್ವಹಿಸುವುದನ್ನು ಮುಂದುವರಿಸಬಹುದು:

• ಜೂನ್ 24, 2026ಕ್ಕೂ ಮೊದಲು ಕನಿಷ್ಠ ಒಂದು Codex ಸೀಟ್. ಅಥವಾ

• ಜೂನ್ 24, 2026ರ ವೇಳೆಗೆ Codex ಸೀಟ್‌ಗಾಗಿ ಬಾಕಿ ಇರುವ ಆಮಂತ್ರಣ.

ಅರ್ಹ ವರ್ಕ್‌ಸ್ಪೇಸ್‌ನ ಎಲ್ಲ ಪ್ರಸ್ತುತ ಸದಸ್ಯರೂ ಸ್ಟ್ಯಾಂಡರ್ಡ್ ಅಥವಾ ಪ್ರೀಮಿಯಂ ಸೀಟ್‌ಗಳನ್ನು ಬಳಸುತ್ತಿದ್ದರೂ ಅದು Codex ಸೀಟ್‌ಗಳನ್ನು ಸೇರಿಸಬಹುದು. ಜೂನ್ 24, 2026ಕ್ಕೂ ಮೊದಲು ವರ್ಕ್‌ಸ್ಪೇಸ್ ರಚಿಸಿರುವುದರಿಂದ ಮಾತ್ರ ಅದು ಅರ್ಹವಾಗುವುದಿಲ್ಲ.

ಹಳೆಯ Codex ಸೀಟ್‌ಗಳಲ್ಲಿ ಏನೇನು ಸೇರಿವೆ

ಹಳೆಯ Codex ಸೀಟ್‌ಗಳು ನಿಗದಿತ ಮಾಸಿಕ ಅಥವಾ ವಾರ್ಷಿಕ ಸೀಟ್ ಶುಲ್ಕವಿಲ್ಲದೆ, ಬಳಕೆಯ ಆಧಾರದಲ್ಲಿ Codex ಪ್ರವೇಶವನ್ನು ಒದಗಿಸುತ್ತವೆ. Codex ಬಳಕೆಗೆ ವರ್ಕ್‌ಸ್ಪೇಸ್‌ನ ಹಂಚಿಕೆಯ ಶಿಲ್ಕಿನ ಕ್ರೆಡಿಟ್‌ಗಳಿಂದ ಪಾವತಿಸಲಾಗುತ್ತದೆ.

ಹಳೆಯ Codex ಸೀಟ್ ಹೊಂದಿರುವ ಸದಸ್ಯರು ಆ Business ವರ್ಕ್‌ಸ್ಪೇಸ್‌ನಲ್ಲಿ ChatGPT ಚಾಟ್ ಬಳಸಲು ಸಾಧ್ಯವಿಲ್ಲ. ಸದಸ್ಯರಿಗೆ ChatGPT ಚಾಟ್ ಮತ್ತು Codex ಎರಡಕ್ಕೂ ಪ್ರವೇಶ ಬೇಕಿದ್ದರೆ ಸ್ಟ್ಯಾಂಡರ್ಡ್ ಅಥವಾ ಪ್ರೀಮಿಯಂ ಸೀಟ್ ನಿಯೋಜಿಸಿ.

ಹಳೆಯ Codex ಸೀಟ್‌ಗಳ ಬಿಲ್ಲಿಂಗ್ ಹೇಗೆ ನಡೆಯುತ್ತದೆ

Codex ಸೀಟ್‌ಗಳಿಗೆ ಮರುಕಳಿಸುವ ಸೀಟ್ ಶುಲ್ಕವಿಲ್ಲ. Codex ಸೀಟ್ ಹೊಂದಿರುವ ಸದಸ್ಯರು Codex ಬಳಸಿದಾಗ, ನಿಮ್ಮ ವರ್ಕ್‌ಸ್ಪೇಸ್ ತನ್ನ ಹಂಚಿಕೆಯ ಕ್ರೆಡಿಟ್‌ಗಳ ಶಿಲ್ಕನ್ನು ಬಳಸುತ್ತದೆ. ವರ್ಕ್‌ಸ್ಪೇಸ್‌ನಲ್ಲಿ ಲಭ್ಯವಿರುವ ಕ್ರೆಡಿಟ್‌ಗಳು ಇಲ್ಲದಿದ್ದರೆ, ವರ್ಕ್‌ಸ್ಪೇಸ್ ಮಾಲೀಕರು ಕ್ರೆಡಿಟ್‌ಗಳನ್ನು ಸೇರಿಸುವವರೆಗೆ Codex ಚಟುವಟಿಕೆಯನ್ನು ನಿರ್ಬಂಧಿಸಲಾಗುತ್ತದೆ.

ಅರ್ಹ ವರ್ಕ್‌ಸ್ಪೇಸ್‌ನಲ್ಲಿ Codex ಸೀಟ್‌ಗಳಿಗೆ ಕನಿಷ್ಠ ಸಂಖ್ಯೆಯ ಅಗತ್ಯವಿಲ್ಲ. ಎರಡು ಸೀಟ್‌ಗಳ ಕನಿಷ್ಠ ಅಗತ್ಯ ಅಥವಾ ಪಾವತಿಸಿದ ಸ್ಟ್ಯಾಂಡರ್ಡ್ ಮತ್ತು ಪ್ರೀಮಿಯಂ ಸೀಟ್‌ಗಳ ಗರಿಷ್ಠ ಸಂಖ್ಯೆಯಲ್ಲಿ Codex ಸೀಟ್‌ಗಳನ್ನು ಲೆಕ್ಕಿಸುವುದಿಲ್ಲ.

Codex ಬಳಕೆಯ ದರಗಳು ಮಾಡೆಲ್ ಮತ್ತು ಚಟುವಟಿಕೆಯನ್ನು ಅವಲಂಬಿಸಿರುತ್ತವೆ. ಪ್ರಸ್ತುತ ಬೆಲೆಗಾಗಿ, ನೋಡಿ: ChatGPT ದರ ಪಟ್ಟಿ (ಕ್ರೆಡಿಟ್‌ ಆಧಾರಿತ ಬೆಲೆ ನಿಗದಿ).

ಹಳೆಯ Codex ಸೀಟ್‌ನೊಂದಿಗೆ ಸದಸ್ಯರನ್ನು ಆಹ್ವಾನಿಸಿ

ಅರ್ಹ ವರ್ಕ್‌ಸ್ಪೇಸ್‌ಗೆ ಯಾರನ್ನಾದರೂ ಆಹ್ವಾನಿಸುವಾಗ ವರ್ಕ್‌ಸ್ಪೇಸ್ ಮಾಲೀಕರು ಪಾತ್ರ ಮತ್ತು ಸೀಟ್ ಪ್ರಕಾರವನ್ನು ಆಯ್ಕೆಮಾಡಬಹುದು. ನಿರ್ವಾಹಕರು ಮತ್ತು ಸದಸ್ಯರು ವರ್ಕ್‌ಸ್ಪೇಸ್‌ನ ಡೀಫಾಲ್ಟ್ ಸೀಟ್ ಪ್ರಕಾರವನ್ನು ಬಳಸಿ ಸದಸ್ಯರನ್ನು ಆಹ್ವಾನಿಸಬಹುದು. ವರ್ಕ್‌ಸ್ಪೇಸ್ ಮಾಲೀಕರಾಗಿ ಸದಸ್ಯರನ್ನು ಆಹ್ವಾನಿಸಲು:

1. ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು → ಸದಸ್ಯರು ಎಂಬಲ್ಲಿಗೆ ಹೋಗಿ.

2. ಸದಸ್ಯರನ್ನು ಆಹ್ವಾನಿಸಿ ಆಯ್ಕೆಮಾಡಿ.

3. ವ್ಯಕ್ತಿಯ ಇಮೇಲ್ ವಿಳಾಸವನ್ನು ನಮೂದಿಸಿ ಮತ್ತು ಪಾತ್ರವನ್ನು ಆಯ್ಕೆಮಾಡಿ.

4. ಸೀಟ್ ಪ್ರಕಾರವಾಗಿ Codex ಆಯ್ಕೆಮಾಡಿ.

5. ಪರಿಶೀಲಿಸಿ ಮತ್ತು ಆಮಂತ್ರಣವನ್ನು ಕಳುಹಿಸಿ.

ವರ್ಕ್‌ಸ್ಪೇಸ್‌ಗೆ ಸೇರಿದ ನಂತರ ಸದಸ್ಯರಿಗೆ Codex ಪ್ರವೇಶ ಸಿಗುತ್ತದೆ. ವರ್ಕ್‌ಸ್ಪೇಸ್‌ನಲ್ಲಿ ಈಗಾಗಲೇ ಲಭ್ಯವಿರುವ ಕ್ರೆಡಿಟ್‌ಗಳ ಶಿಲ್ಕು ಇಲ್ಲದಿದ್ದರೆ, ಕ್ರೆಡಿಟ್‌ಗಳನ್ನು ಖರೀದಿಸುವಂತೆ ವರ್ಕ್‌ಸ್ಪೇಸ್ ಮಾಲೀಕರನ್ನು ಕೇಳಬಹುದು.

ಸದಸ್ಯರನ್ನು ಸಾಮೂಹಿಕವಾಗಿ ಆಹ್ವಾನಿಸಿ

CSV ಫೈಲ್ ಬಳಸಿ ಮತ್ತು ಪಾತ್ರಗಳು ಹಾಗೂ ಸೀಟ್ ಪ್ರಕಾರಗಳನ್ನು ನಿರ್ಧರಿಸಿ ಸದಸ್ಯರನ್ನು ಸಾಮೂಹಿಕವಾಗಿ ಆಹ್ವಾನಿಸಬಹುದು. CSV ಸ್ವರೂಪಕ್ಕಾಗಿ, ನೋಡಿ: ChatGPT Businessನಲ್ಲಿ ಸದಸ್ಯರು, ಸೀಟ್ ಪ್ರಕಾರಗಳು ಮತ್ತು ಪಾತ್ರಗಳ ನಿರ್ವಹಣೆ. ಹಳೆಯ Codex ಸೀಟ್‌ಗಳಿಗೆ ಸೀಟ್ ಪ್ರಕಾರವಾಗಿ ‘Codex’ ಬಳಸಿ.

ಸದಸ್ಯರ ಸೀಟ್ ಪ್ರಕಾರವನ್ನು ಬದಲಾಯಿಸಿ

ವರ್ಕ್‌ಸ್ಪೇಸ್‌ನ ಮಾಲೀಕರು ಮಾತ್ರ ಸದಸ್ಯರ ಸೀಟ್ ಪ್ರಕಾರವನ್ನು ಬದಲಾಯಿಸಬಹುದು.

1. ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು → ಸದಸ್ಯರು ಎಂಬಲ್ಲಿಗೆ ಹೋಗಿ.

2. ನೀವು ಅಪ್‌ಡೇಟ್ ಮಾಡಲು ಬಯಸುವ ಸದಸ್ಯರನ್ನು ಹುಡುಕಿ.

3. ಸದಸ್ಯರ ಪ್ರಸ್ತುತ ಸೀಟ್ ಪ್ರಕಾರವನ್ನು ಆಯ್ಕೆಮಾಡಿ.

4. ಹೊಸ ಸೀಟ್ ಪ್ರಕಾರವನ್ನು ಆಯ್ಕೆಮಾಡಿ.

5. ಪ್ರವೇಶ, ಕ್ರೆಡಿಟ್‌ಗಳು ಅಥವಾ ಬಿಲ್ಲಿಂಗ್‌ಗೆ ಸಂಬಂಧಿಸಿದ ಯಾವುದೇ ಬದಲಾವಣೆಗಳನ್ನು ಪರಿಶೀಲಿಸಿ, ನಂತರ ದೃಢೀಕರಿಸಿ.

ಸ್ಟ್ಯಾಂಡರ್ಡ್ ಅಥವಾ ಪ್ರೀಮಿಯಂ ಸೀಟ್ ಖರೀದಿಸಿದರೆ ನಿಮ್ಮ ಚಂದಾದಾರಿಕೆಗೆ ಪಾವತಿಸಿದ ಸಾಮರ್ಥ್ಯ ಸೇರುತ್ತದೆ. ಲಭ್ಯವಿರುವ ಸೀಟ್ ನಿಯೋಜಿಸಿದರೆ ಮತ್ತೊಂದು ಸೀಟ್ ಖರೀದಿಸದೆಯೇ ಸದಸ್ಯರಿಗೆ ಪ್ರವೇಶ ಸಿಗುತ್ತದೆ. ಹಳೆಯ Codex ಸೀಟ್‌ಗಳನ್ನು ಮುಂಚಿತವಾಗಿ ಖರೀದಿಸುವ ಅಗತ್ಯವಿಲ್ಲ. ಅವುಗಳ ಬಳಕೆಗೆ ವರ್ಕ್‌ಸ್ಪೇಸ್‌ನ ಕ್ರೆಡಿಟ್‌ಗಳು ಬಳಕೆಯಾಗುತ್ತವೆ. ಹೆಚ್ಚಿನ ಮಾಹಿತಿಗಾಗಿ, ನೋಡಿ: ChatGPT Businessನಲ್ಲಿ ಬಿಲ್ಲಿಂಗ್ ಮತ್ತು ಸೀಟ್‌ಗಳ ನಿರ್ವಹಣೆ.

ಸ್ಟ್ಯಾಂಡರ್ಡ್ ಅಥವಾ ಪ್ರೀಮಿಯಂ ಸೀಟ್‌ನಿಂದ ಹಳೆಯ Codex ಸೀಟ್‌ಗೆ ಬದಲಾಯಿಸಿ

ಸದಸ್ಯರು Codex ಪ್ರವೇಶವನ್ನು ಉಳಿಸಿಕೊಳ್ಳುತ್ತಾರೆ, ಆದರೆ Business ವರ್ಕ್‌ಸ್ಪೇಸ್‌ನ ChatGPT ಚಾಟ್‌ಗೆ ಪ್ರವೇಶ ಕಳೆದುಕೊಳ್ಳುತ್ತಾರೆ. ಡೆಸ್ಕ್‌ಟಾಪ್ ಆ್ಯಪ್‌ನಲ್ಲಿ Codex ಬಳಸುವಾಗಲೂ ಇದು ಅನ್ವಯಿಸುತ್ತದೆ. Codex ಚಟುವಟಿಕೆಗೆ ಆ ವರ್ಕ್‌ಸ್ಪೇಸ್‌ನ ಹಂಚಿಕೆಯ ಕ್ರೆಡಿಟ್‌ಗಳು ಬಳಕೆಯಾಗುತ್ತವೆ ಮತ್ತು ಅದರ ವೆಚ್ಚದ ಮಿತಿಗಳು ಅನ್ವಯಿಸುತ್ತವೆ.

ಖಾಲಿಯಾದ ಸ್ಟ್ಯಾಂಡರ್ಡ್ ಅಥವಾ ಪ್ರೀಮಿಯಂ ಸೀಟ್ ಪಾವತಿಸಿದ ಚಂದಾದಾರಿಕೆಯ ಭಾಗವಾಗಿಯೇ ಉಳಿಯುತ್ತದೆ ಮತ್ತು ಅದನ್ನು ಮತ್ತೊಬ್ಬ ಸದಸ್ಯರಿಗೆ ನಿಯೋಜಿಸಬಹುದು. ಪಾವತಿಸಿದ ಸೀಟ್‌ನ ನವೀಕರಣವನ್ನು ನಿಲ್ಲಿಸಲು, ವರ್ಕ್‌ಸ್ಪೇಸ್ ಮಾಲೀಕರು ಸೀಟ್‌ಗಳನ್ನು ನಿರ್ವಹಿಸಿ ಎಂಬಲ್ಲಿ ಅದನ್ನು ತೆಗೆದುಹಾಕಲು ನಿಗದಿಪಡಿಸಬೇಕು. ಈ ಕಡಿತವು ಮುಂದಿನ ನವೀಕರಣದಂದು ಜಾರಿಗೆ ಬರುತ್ತದೆ.

ಹಳೆಯ Codex ಸೀಟ್‌ನಿಂದ ಸ್ಟ್ಯಾಂಡರ್ಡ್ ಅಥವಾ ಪ್ರೀಮಿಯಂ ಸೀಟ್‌ಗೆ ಬದಲಾಯಿಸಿ

ಆಯ್ಕೆಮಾಡಿದ ಪ್ರಕಾರದ ಬಳಕೆಯಾಗದ ಪಾವತಿಸಿದ ಸೀಟ್ ಲಭ್ಯವಿದ್ದರೆ, ವರ್ಕ್‌ಸ್ಪೇಸ್ ಮಾಲೀಕರು ಮತ್ತೊಂದು ಸೀಟ್ ಖರೀದಿಸದೆಯೇ ಅದನ್ನು ನಿಯೋಜಿಸಬಹುದು. ಪಾವತಿಸಿದ ಸೀಟ್ ಲಭ್ಯವಿಲ್ಲದಿದ್ದರೆ, ಬದಲಾವಣೆಯನ್ನು ಪೂರ್ಣಗೊಳಿಸುವ ಮೊದಲು ಮಾಲೀಕರು ಒಂದನ್ನು ಖರೀದಿಸಬೇಕು. ಹೊಸ ಪಾವತಿಸಿದ ಸೀಟ್‌ಗಳಿಗೆ ಪ್ರಸ್ತುತ ಬಿಲ್ಲಿಂಗ್ ಅವಧಿಗೆ ಅನುಪಾತದ ಆಧಾರದಲ್ಲಿ ಶುಲ್ಕ ವಿಧಿಸಲಾಗುತ್ತದೆ.

ವರ್ಕ್‌ಸ್ಪೇಸ್‌ನಲ್ಲಿ ಹಳೆಯ Codex ಸೀಟ್‌ಗಳು ಮಾತ್ರ ಇದ್ದು, ಪಾವತಿಸಿದ ಚಂದಾದಾರಿಕೆ ಇಲ್ಲದಿದ್ದರೆ, ಅದು ಮೊದಲು ಕನಿಷ್ಠ 2 ಸ್ಟ್ಯಾಂಡರ್ಡ್ ಸೀಟ್‌ಗಳನ್ನು ಖರೀದಿಸಬೇಕು. ಚಂದಾದಾರಿಕೆ ಸಕ್ರಿಯವಾದ ನಂತರ, ವರ್ಕ್‌ಸ್ಪೇಸ್ ಮಾಲೀಕರು ಪ್ರೀಮಿಯಂ ಸೀಟ್‌ಗಳನ್ನು ಸೇರಿಸಬಹುದು ಅಥವಾ ಈಗಿರುವ ಸ್ಟ್ಯಾಂಡರ್ಡ್ ಸೀಟ್ ಅನ್ನು ಮೇಲ್ದರ್ಜೆಗೇರಿಸಬಹುದು. ನಂತರ 2 ಸೀಟ್‌ಗಳ ಕನಿಷ್ಠ ಅಗತ್ಯವನ್ನು ಸ್ಟ್ಯಾಂಡರ್ಡ್ ಸೀಟ್‌ಗಳು, ಪ್ರೀಮಿಯಂ ಸೀಟ್‌ಗಳು ಅಥವಾ ಎರಡರ ಸಂಯೋಜನೆಯ ಮೂಲಕ ಪೂರೈಸಬಹುದು.

ಸೀಟ್ ವಿನಿಮಯ ಮತ್ತು ಮರುನಿಯೋಜನೆ

ಸ್ಟ್ಯಾಂಡರ್ಡ್ ಮತ್ತು ಪ್ರೀಮಿಯಂ ಸೀಟ್‌ಗಳ ನಡುವೆ ಮಾತ್ರ ಸೀಟ್ ವಿನಿಮಯ ಲಭ್ಯವಿದೆ. ಹಳೆಯ Codex ಸೀಟ್‌ಗಳನ್ನು ಸೀಟ್ ವಿನಿಮಯದಲ್ಲಿ ಸೇರಿಸಲಾಗುವುದಿಲ್ಲ.

ಸದಸ್ಯರನ್ನು ಹಳೆಯ Codex ಸೀಟ್‌ಗೆ ಅಥವಾ ಅದರಿಂದ ಬೇರೆ ಸೀಟ್‌ಗೆ ಬದಲಾಯಿಸಲು, ಅವರ ಸೀಟ್ ಪ್ರಕಾರವನ್ನೇ ಬದಲಾಯಿಸಿ. ಸ್ಟ್ಯಾಂಡರ್ಡ್ ಅಥವಾ ಪ್ರೀಮಿಯಂ ಸೀಟ್ ನಿಯೋಜಿಸಲು ಆ ಪ್ರಕಾರದ ಪಾವತಿಸಿದ ಸೀಟ್ ಲಭ್ಯವಿರಬೇಕು ಅಥವಾ ಹೆಚ್ಚುವರಿ ಸೀಟ್ ಖರೀದಿಸಬೇಕು. ಸೀಟ್ ಬದಲಾವಣೆಗಳು ಮತ್ತು ಬಿಲ್ಲಿಂಗ್ ವಿವರಗಳಿಗಾಗಿ, ನೋಡಿ: ChatGPT Businessನಲ್ಲಿ ಬಿಲ್ಲಿಂಗ್ ಮತ್ತು ಸೀಟ್‌ಗಳ ನಿರ್ವಹಣೆ.

ಡೀಫಾಲ್ಟ್ ಸೀಟ್ ಪ್ರಕಾರವನ್ನು ಹೊಂದಿಸಿ

ವರ್ಕ್‌ಸ್ಪೇಸ್ ಮಾಲೀಕರು ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು → ಬಿಲ್ಲಿಂಗ್ನಲ್ಲಿ ಡೀಫಾಲ್ಟ್ ಸೀಟ್ ಪ್ರಕಾರವನ್ನು ನಿರ್ವಹಿಸಬಹುದು. ಹಳೆಯ Codex ಸೀಟ್‌ಗಳಿಗೆ ಅರ್ಹವಾಗಿರುವ ವರ್ಕ್‌ಸ್ಪೇಸ್‌ಗಳಲ್ಲಿ ಮಾತ್ರ Codex ಅನ್ನು ಆಯ್ಕೆ ಮಾಡಬಹುದು.

ಆಮಂತ್ರಣದಲ್ಲಿ ಸೀಟ್ ಪ್ರಕಾರವನ್ನು ಸೂಚಿಸದಿದ್ದಾಗ ಡೀಫಾಲ್ಟ್ ಆಯ್ಕೆ ಅನ್ವಯಿಸುತ್ತದೆ. ಡೀಫಾಲ್ಟ್ ಆಯ್ಕೆಯನ್ನು ಬದಲಾಯಿಸುವುದರಿಂದ ಈಗಿರುವ ಸದಸ್ಯರ ಸೀಟ್ ನಿಯೋಜನೆಗಳು ಬದಲಾಗುವುದಿಲ್ಲ.

ಹಳೆಯ Codex ಸೀಟ್ ಹೊಂದಿರುವ ಸದಸ್ಯರನ್ನು ತೆಗೆದುಹಾಕಿ

ವರ್ಕ್‌ಸ್ಪೇಸ್ ಮಾಲೀಕರು ಮತ್ತು ನಿರ್ವಾಹಕರು ಸದಸ್ಯರನ್ನು ತೆಗೆದುಹಾಕಬಹುದು.

1. ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು → ಸದಸ್ಯರು ಎಂಬಲ್ಲಿಗೆ ಹೋಗಿ.

2. ನೀವು ತೆಗೆದುಹಾಕಲು ಬಯಸುವ ಸದಸ್ಯರನ್ನು ಹುಡುಕಿ.

3. ಸದಸ್ಯರ ಹೆಚ್ಚಿನ ಆಯ್ಕೆಗಳ ಮೆನು (•••) ಆಯ್ಕೆಮಾಡಿ.

4. ಸದಸ್ಯರನ್ನು ತೆಗೆದುಹಾಕಿ ಆಯ್ಕೆಮಾಡಿ.

ಸದಸ್ಯರನ್ನು ತೆಗೆದುಹಾಕಿದ ಕೂಡಲೇ ಅವರ ವರ್ಕ್‌ಸ್ಪೇಸ್ ಪ್ರವೇಶ ಕೊನೆಗೊಳ್ಳುತ್ತದೆ. ಹಳೆಯ Codex ಸೀಟ್‌ಗಳಿಗೆ ಮರುಕಳಿಸುವ ಸೀಟ್ ಶುಲ್ಕವಿಲ್ಲದಿರುವುದರಿಂದ, ರದ್ದುಗೊಳಿಸಬೇಕಾದ ಮರುಕಳಿಸುವ ಶುಲ್ಕವೂ ಇರುವುದಿಲ್ಲ. ಹಿಂದೆ ಬಳಸಿದ ಕ್ರೆಡಿಟ್‌ಗಳನ್ನು ಮರುಸ್ಥಾಪಿಸಲಾಗುವುದಿಲ್ಲ.

ಕ್ರೆಡಿಟ್‌ಗಳು ಮತ್ತು ವೆಚ್ಚವನ್ನು ನಿರ್ವಹಿಸಿ

ಕ್ರೆಡಿಟ್‌ಗಳನ್ನು ವರ್ಕ್‌ಸ್ಪೇಸ್‌ನಾದ್ಯಂತ ಹಂಚಿಕೊಳ್ಳಲಾಗುತ್ತದೆ. ಹಳೆಯ Codex ಸೀಟ್‌ಗಳ ಎಲ್ಲ Codex ಚಟುವಟಿಕೆಗಳಿಗೆ ಕ್ರೆಡಿಟ್‌ಗಳು ಅಗತ್ಯ. ಸ್ಟ್ಯಾಂಡರ್ಡ್ ಮತ್ತು ಪ್ರೀಮಿಯಂ ಸೀಟ್‌ಗಳು ತಮ್ಮ ಒಳಗೊಂಡ ಮಿತಿಗಳನ್ನು ಮೀರಿದ ಅರ್ಹ ಬಳಕೆಗೆ ಕ್ರೆಡಿಟ್‌ಗಳನ್ನು ಬಳಸಬಹುದು. ಗೌಪ್ಯತೆ ಮತ್ತು ಗೋಚರತೆಯ ವಿವರಗಳಿಗಾಗಿ, ನೋಡಿ: ChatGPT Businessನಲ್ಲಿ ಡೇಟಾ, ಹಂಚಿಕೆ ಮತ್ತು ಗೌಪ್ಯತೆಯ ನಿರ್ವಹಣೆ.

ವರ್ಕ್‌ಸ್ಪೇಸ್ ಮಾಲೀಕರು ಮಾತ್ರ ಕ್ರೆಡಿಟ್‌ಗಳನ್ನು ಖರೀದಿಸಬಹುದು ಅಥವಾ ಸ್ವಯಂಚಾಲಿತ ಮರುಭರ್ತಿಯನ್ನು ಕಾನ್ಫಿಗರ್ ಮಾಡಬಹುದು. ವರ್ಕ್‌ಸ್ಪೇಸ್ ಮಾಲೀಕರು ಮತ್ತು ನಿರ್ವಾಹಕರು ವೆಚ್ಚದ ಮಿತಿಗಳನ್ನು ಬದಲಾಯಿಸಬಹುದು. ವಿವರಗಳಿಗಾಗಿ, ChatGPT Businessನಲ್ಲಿ ಕ್ರೆಡಿಟ್‌ಗಳು ಮತ್ತು ವೆಚ್ಚ ನಿಯಂತ್ರಣಗಳ ನಿರ್ವಹಣೆ ಹಾಗೂ ಎಂಟರ್‌ಪ್ರೈಸ್, ಎಜು ಮತ್ತು Business ಯೋಜನೆಗಳಿಗೆ ಹೊಂದಿಕೊಳ್ಳುವ ಬೆಲೆ ನಿಗದಿ ನೋಡಿ.

ಕ್ರೆಡಿಟ್‌ಗಳನ್ನು ಸೇರಿಸಿ

1. ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು → ಬಿಲ್ಲಿಂಗ್ ಎಂಬಲ್ಲಿಗೆ ಹೋಗಿ.

2. ಕ್ರೆಡಿಟ್‌ಗಳನ್ನು ಸೇರಿಸಿ ಆಯ್ಕೆಮಾಡಿ.

3. ಮೊತ್ತವನ್ನು ಆಯ್ಕೆಮಾಡಿ ಮತ್ತು ನಿಮ್ಮ ಪಾವತಿ ವಿಧಾನವನ್ನು ಪರಿಶೀಲಿಸಿ.

4. ಖರೀದಿಯನ್ನು ದೃಢೀಕರಿಸಿ.

ಖರೀದಿಸಿದ ಕ್ರೆಡಿಟ್‌ಗಳು 12 ತಿಂಗಳವರೆಗೆ ಮಾನ್ಯವಾಗಿರುತ್ತವೆ. ಕಾನೂನಿನ ಪ್ರಕಾರ ಅಗತ್ಯವಿರುವ ಅಥವಾ ಅನ್ವಯವಾಗುವ ಸೇವಾ ಕ್ರೆಡಿಟ್‌ಗಳ ನಿಯಮಗಳಲ್ಲಿ ಬೇರೆಯಾಗಿ ತಿಳಿಸಿರುವ ಸಂದರ್ಭಗಳನ್ನು ಹೊರತುಪಡಿಸಿ, ಕ್ರೆಡಿಟ್‌ಗಳಿಗೆ ಸಾಮಾನ್ಯವಾಗಿ ಮರುಪಾವತಿ ಇರುವುದಿಲ್ಲ.

ಸ್ವಯಂಚಾಲಿತ ಮರುಭರ್ತಿಯನ್ನು ಆನ್ ಮಾಡಿ

ವರ್ಕ್‌ಸ್ಪೇಸ್‌ನ ಶಿಲ್ಕು ಆಯ್ಕೆಮಾಡಿದ ಮೊತ್ತಕ್ಕಿಂತ ಕಡಿಮೆಯಾದಾಗ ಸ್ವಯಂಚಾಲಿತ ಮರುಭರ್ತಿಯು ಕ್ರೆಡಿಟ್‌ಗಳನ್ನು ಸೇರಿಸುತ್ತದೆ.

1. ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು → ಬಿಲ್ಲಿಂಗ್ ಎಂಬಲ್ಲಿಗೆ ಹೋಗಿ.

2. ಸ್ವಯಂಚಾಲಿತ ಮರುಭರ್ತಿ ಆಯ್ಕೆಮಾಡಿ.

3. ಕನಿಷ್ಠ ಶಿಲ್ಕು ಮತ್ತು ಗುರಿ ಶಿಲ್ಕು ಹೊಂದಿಸಿ.

4. ಸ್ವಯಂಚಾಲಿತ ಖರೀದಿಗಳಿಗೆ ಮಿತಿ ಹಾಕಲು ಬಯಸಿದರೆ ಮಾಸಿಕ ಮರುಭರ್ತಿ ಮಿತಿ ಹೊಂದಿಸಿ.

5. ಪಾವತಿ ವಿಧಾನವನ್ನು ಪರಿಶೀಲಿಸಿ ಮತ್ತು ಸ್ವಯಂಚಾಲಿತ ಮರುಭರ್ತಿಯನ್ನು ಆನ್ ಮಾಡಿ.

ಶಿಲ್ಕು ಈಗಾಗಲೇ ಕನಿಷ್ಠ ಮೊತ್ತಕ್ಕಿಂತ ಕಡಿಮೆಯಿದ್ದರೆ, ಕ್ರೆಡಿಟ್‌ಗಳ ಖರೀದಿ ತಕ್ಷಣವೇ ನಡೆಯಬಹುದು. ಮಾಸಿಕ ಮರುಭರ್ತಿ ಮಿತಿ ತಲುಪಿದಾಗ, ಮುಂದಿನ ತಿಂಗಳವರೆಗೆ ಸ್ವಯಂಚಾಲಿತ ಮರುಭರ್ತಿ ವಿರಾಮಗೊಳ್ಳುತ್ತದೆ.

Codex ವೆಚ್ಚದ ಮಿತಿಗಳನ್ನು ಹೊಂದಿಸಿ

ವರ್ಕ್‌ಸ್ಪೇಸ್ ಮಾಲೀಕರು ಮತ್ತು ನಿರ್ವಾಹಕರು ಹಳೆಯ Codex ಸೀಟ್‌ಗಳಿಗೆ ಅಥವಾ ಪ್ರತ್ಯೇಕ ಸದಸ್ಯರಿಗೆ ಮಾಸಿಕ ವೆಚ್ಚದ ಮಿತಿಗಳನ್ನು ಹೊಂದಿಸಬಹುದು. ಪ್ರತ್ಯೇಕ ಸದಸ್ಯರ ಮಿತಿಯು ಸೀಟ್ ಪ್ರಕಾರದ ಮಿತಿಗಿಂತ ಆದ್ಯತೆ ಪಡೆಯುತ್ತದೆ ಮತ್ತು ಅವರ ಸೀಟ್ ಪ್ರಕಾರ ಬದಲಾದರೂ ಆ ಸದಸ್ಯರಿಗೇ ಅನ್ವಯಿಸುತ್ತದೆ.

ಸದಸ್ಯರು ವೆಚ್ಚದ ಮಿತಿಯನ್ನು ತಲುಪಿದರೆ, ವರ್ಕ್‌ಸ್ಪೇಸ್ ಮಾಲೀಕರು ಅಥವಾ ನಿರ್ವಾಹಕರು ಮಿತಿಯನ್ನು ಬದಲಾಯಿಸುವವರೆಗೆ ಅಥವಾ ಮಿತಿ ಮರುಹೊಂದುವವರೆಗೆ Codex ಬಳಕೆ ವಿರಾಮಗೊಳ್ಳುತ್ತದೆ. ಸದಸ್ಯರ ಸೀಟ್ ಪ್ರಕಾರ ಬದಲಾದಾಗ ಹಿಂದೆ ಬಳಸಿದ ಕ್ರೆಡಿಟ್‌ಗಳು ಮರುಹೊಂದುವುದಿಲ್ಲ.

ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

ನಾನು Codex ಅನ್ನು ಸೀಟ್ ಪ್ರಕಾರವಾಗಿ ಏಕೆ ಆಯ್ಕೆಮಾಡಲು ಸಾಧ್ಯವಿಲ್ಲ?

ನಿಮ್ಮ ವರ್ಕ್‌ಸ್ಪೇಸ್‌ನಲ್ಲಿ ಜೂನ್ 24, 2026ಕ್ಕೂ ಮೊದಲು ಹಳೆಯ Codex ಸೀಟ್ ಇದ್ದಿರಬೇಕು ಅಥವಾ ಆ ದಿನಾಂಕದ ವೇಳೆಗೆ ಹಳೆಯ Codex ಸೀಟ್‌ಗಾಗಿ ಬಾಕಿ ಇರುವ ಆಮಂತ್ರಣವಿದ್ದಿರಬೇಕು. ಇಲ್ಲದಿದ್ದರೆ, ಹಳೆಯ Codex ಸೀಟ್‌ಗಳು ಲಭ್ಯವಿರುವುದಿಲ್ಲ. ಸ್ಟ್ಯಾಂಡರ್ಡ್ ಮತ್ತು ಪ್ರೀಮಿಯಂ ಸೀಟ್‌ಗಳೆರಡೂ Codex ಪ್ರವೇಶವನ್ನು ಒಳಗೊಂಡಿವೆ.

ಹಳೆಯ Codex ಸೀಟ್ ಹೊಂದಿರುವ ಸದಸ್ಯರು ChatGPT ಚಾಟ್ ಅನ್ನು ಏಕೆ ಬಳಸಲು ಸಾಧ್ಯವಿಲ್ಲ?

ಹಳೆಯ Codex ಸೀಟ್‌ಗಳು ChatGPT ಚಾಟ್ ಅನ್ನು ಒಳಗೊಂಡಿರುವುದಿಲ್ಲ. Business ವರ್ಕ್‌ಸ್ಪೇಸ್‌ನಲ್ಲಿ ಸದಸ್ಯರಿಗೆ ChatGPT ಚಾಟ್ ಪ್ರವೇಶ ನೀಡಲು ಸ್ಟ್ಯಾಂಡರ್ಡ್ ಅಥವಾ ಪ್ರೀಮಿಯಂ ಸೀಟ್ ನಿಯೋಜಿಸಿ.

Codex ಕಾರ್ಯನಿರ್ವಹಿಸುವುದನ್ನು ಏಕೆ ನಿಲ್ಲಿಸಿತು?

ವರ್ಕ್‌ಸ್ಪೇಸ್ ಸೆಟ್ಟಿಂಗ್‌ಗಳು → ಬಿಲ್ಲಿಂಗ್ನಲ್ಲಿ ಹಂಚಿಕೆಯ ಕ್ರೆಡಿಟ್‌ಗಳ ಶಿಲ್ಕು, ಸ್ವಯಂಚಾಲಿತ ಮರುಭರ್ತಿ ಸೆಟ್ಟಿಂಗ್‌ಗಳು ಮತ್ತು ಅನ್ವಯವಾಗುವ ವೆಚ್ಚದ ಮಿತಿಗಳನ್ನು ಪರಿಶೀಲಿಸುವಂತೆ ವರ್ಕ್‌ಸ್ಪೇಸ್ ಮಾಲೀಕರನ್ನು ಕೇಳಿ.

2 ಸೀಟ್‌ಗಳನ್ನು ಖರೀದಿಸುವಂತೆ ನನ್ನನ್ನು ಏಕೆ ಕೇಳಲಾಗುತ್ತಿದೆ?

ಹಳೆಯ Codex ಸೀಟ್‌ಗಳು ಮಾತ್ರ ಇರುವ ವರ್ಕ್‌ಸ್ಪೇಸ್‌ಗೆ ಕನಿಷ್ಠ ಸೀಟ್‌ಗಳ ಅಗತ್ಯವಿಲ್ಲ. ಪಾವತಿಸಿದ ಚಂದಾದಾರಿಕೆಯನ್ನು ಸೇರಿಸಲು ಕನಿಷ್ಠ 2 ಸ್ಟ್ಯಾಂಡರ್ಡ್ ಸೀಟ್‌ಗಳು ಅಗತ್ಯ. ಚಂದಾದಾರಿಕೆ ಸಕ್ರಿಯವಾದ ನಂತರ, ಸ್ಟ್ಯಾಂಡರ್ಡ್ ಮತ್ತು ಪ್ರೀಮಿಯಂ ಸೀಟ್‌ಗಳೆರಡನ್ನೂ ಕನಿಷ್ಠ ಅಗತ್ಯಕ್ಕೆ ಲೆಕ್ಕಿಸಲಾಗುತ್ತದೆ.

ಹಳೆಯ Codex ಸೀಟ್‌ಗಳು ಮಾತ್ರ ಇರುವ ಹೊಸ Business ವರ್ಕ್‌ಸ್ಪೇಸ್ ಅನ್ನು ನಾನು ರಚಿಸಬಹುದೇ?

ಇಲ್ಲ. ಹೊಸ ChatGPT Business ವರ್ಕ್‌ಸ್ಪೇಸ್‌ಗಳು ಮೊದಲ ಹಳೆಯ Codex ಸೀಟ್ ಅನ್ನು ಸೇರಿಸಲು ಸಾಧ್ಯವಿಲ್ಲ. ಹಳೆಯ Codex ಸೀಟ್‌ಗಳು ಮಾತ್ರ ಇರುವ ವರ್ಕ್‌ಸ್ಪೇಸ್‌ಗಳು ಹಿಂದೆ ಅರ್ಹರಾಗಿದ್ದ ಗ್ರಾಹಕರಿಗೆ ಮಾತ್ರ ಲಭ್ಯ.